Tesla ਪ੍ਰੇਮੀਆਂ ਨੂੰ ਝਟਕਾ! ਹੁਣ ਨਹੀ ਮਿਲਣਗੀਆਂ ਇਹ 2 ਧਾਕੜ ਕਾਰਾਂ, ਐਲਨ ਮਸਕ ਨੇ ਕੀਤਾ ਵੱਡਾ ਐਲਾਨ

ਗੈਜੇਟ ਡੈਸਕ : ਦੁਨੀਆ ਦੀ ਸਭ ਤੋਂ ਵੱਡੀ ਇਲੈਕਟ੍ਰਿਕ ਕਾਰ ਬਣਾਉਣ ਵਾਲੀ ਅਮਰੀਕੀ ਕੰਪਨੀ ਟੈਸਲਾ ਨੇ ਆਪਣੇ ਦੋ ਸਭ ਤੋਂ ਮਸ਼ਹੂਰ ਮਾਡਲਾਂ, Model S ਅਤੇ Model X ਦਾ ਉਤਪਾਦਨ (Production) ਪੂਰੀ ਤਰ੍ਹਾਂ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਦੇ ਸੀ.ਈ.ਓ. (CEO) ਐਲਨ ਮਸਕ ਨੇ ਖੁਦ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਇਸ ਦੀ ਪੁਸ਼ਟੀ ਕੀਤੀ ਹੈ।

ਐਲਨ ਮਸਕ ਨੇ ਦੱਸਿਆ ਕਿ ਇਨ੍ਹਾਂ ਦੋਵਾਂ ਕਾਰਾਂ ਲਈ ਕਸਟਮ ਆਰਡਰ ਹੁਣ ਖਤਮ ਹੋ ਚੁੱਕੇ ਹਨ ਅਤੇ ਟੈਸਲਾ ਦੀ ਵੈੱਬਸਾਈਟ ਤੋਂ ਇਨ੍ਹਾਂ ਦਾ ਕਨਫਿਗਰੇਟਰ ਵੀ ਹਟਾ ਦਿੱਤਾ ਗਿਆ ਹੈ। ਹੁਣ ਸਿਰਫ਼ ਉਹੀ ਗਾਹਕ ਇਨ੍ਹਾਂ ਕਾਰਾਂ ਨੂੰ ਖਰੀਦ ਸਕਣਗੇ ਜੋ ਪਹਿਲਾਂ ਤੋਂ ਬਣ ਕੇ ਤਿਆਰ (Inventory) ਹਨ। ਮਸਕ ਅਨੁਸਾਰ, ਇਸ ਸਮੇਂ ਸਟਾਕ ਵਿੱਚ ਸਿਰਫ 600 ਦੇ ਕਰੀਬ ਗੱਡੀਆਂ ਹੀ ਬਚੀਆਂ ਹਨ।

ਟੈਸਲਾ Model S ਨੂੰ ਜੂਨ 2012 ਵਿੱਚ ਲਾਂਚ ਕੀਤਾ ਗਿਆ ਸੀ ਅਤੇ ਇਹ ਕੰਪਨੀ ਦੀ ਪਹਿਲੀ ਵੱਡੀ ਮਾਸ-ਮਾਰਕੀਟ ਕਾਰ ਸੀ। ਇਸ ਤੋਂ ਬਾਅਦ 2015 ਵਿੱਚ Model X ਨੂੰ ਲਾਂਚ ਕੀਤਾ ਗਿਆ, ਜੋ ਆਪਣੇ 'ਫਾਲਕਨ-ਵਿੰਗ' (Falcon-wing) ਦਰਵਾਜ਼ਿਆਂ ਲਈ ਕਾਫ਼ੀ ਚਰਚਾ ਵਿੱਚ ਰਹੀ। ਇਨ੍ਹਾਂ ਦੋਵਾਂ ਕਾਰਾਂ ਨੇ ਮਿਲ ਕੇ ਪੂਰੀ ਦੁਨੀਆ ਵਿੱਚ 6.1 ਲੱਖ ਤੋਂ ਵੱਧ ਦੀ ਵਿਕਰੀ ਦਰਜ ਕੀਤੀ ਹੈ। ਮਸਕ ਨੇ ਇਸ ਮੌਕੇ 'ਤੇ ਭਾਵੁਕ ਹੁੰਦਿਆਂ ਆਪਣੀ 14 ਸਾਲ ਪੁਰਾਣੀ ਤਸਵੀਰ ਵੀ ਸਾਂਝੀ ਕੀਤੀ ਅਤੇ ਕਿਹਾ ਕਿ ਉਹ ਇਨ੍ਹਾਂ ਕਾਰਾਂ ਨੂੰ ਬਹੁਤ ਪਸੰਦ ਕਰਦੇ ਹਨ।

ਹੁਣ ਫੈਕਟਰੀ 'ਚ ਬਣਨਗੇ ਰੋਬੋਟ 
ਜਾਣਕਾਰੀ ਅਨੁਸਾਰ, ਜਿਸ ਫੈਕਟਰੀ ਵਿੱਚ ਇਨ੍ਹਾਂ ਕਾਰਾਂ ਦਾ ਉਤਪਾਦਨ ਹੁੰਦਾ ਸੀ, ਹੁਣ ਉਸ ਨੂੰ ਦੂਜੇ ਕੰਮਾਂ ਲਈ ਵਰਤਿਆ ਜਾਵੇਗਾ। ਰਿਪੋਰਟਾਂ ਮੁਤਾਬਕ ਉੱਥੇ ਹੁਣ ਟੈਸਲਾ ਦੇ Optimus ਰੋਬੋਟ ਬਣਾਏ ਜਾਣਗੇ। ਵਰਤਮਾਨ ਵਿੱਚ ਦੁਨੀਆ ਭਰ ਵਿੱਚ ਲਗਭਗ 295 ਨਵੀਆਂ Model S ਅਤੇ 301 Model X ਗੱਡੀਆਂ ਹੀ ਉਪਲਬਧ ਹਨ, ਜੋ ਜ਼ਿਆਦਾਤਰ ਅਮਰੀਕਾ ਵਿੱਚ ਹਨ। ਕੰਪਨੀ ਇਨ੍ਹਾਂ ਬਚੀਆਂ ਹੋਈਆਂ ਗੱਡੀਆਂ ਨੂੰ ਵੇਚਣ ਲਈ ਕੁਝ ਖਾਸ ਆਫਰ ਵੀ ਦੇ ਰਹੀ ਹੈ, ਜਿਸ ਵਿੱਚ ਫ੍ਰੀ DC ਫਾਸਟ ਚਾਰਜਿੰਗ ਅਤੇ ਲਾਈਫਟਾਈਮ ਪ੍ਰੀਮੀਅਮ ਕਨੈਕਟੀਵਿਟੀ ਸ਼ਾਮਲ ਹੈ। ਕੰਪਨੀ ਇਸ ਸ਼ਾਨਦਾਰ ਸਫਰ ਦੇ ਅੰਤ ਨੂੰ ਯਾਦਗਾਰ ਬਣਾਉਣ ਲਈ ਇੱਕ ਅਧਿਕਾਰਤ ਸਮਾਰੋਹ ਵੀ ਆਯੋਜਿਤ ਕਰੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e