Samsung ਨੇ ਭਾਰਤ ''ਚ ਲਾਂਚ ਕੀਤਾ 11 ਇੰਚ ਵਾਲਾ ਧਾਕੜ ਟੈਬਲੇਟ, ਕੀਮਤ ਕਰ ਦੇਵੇਗੀ ਹੈਰਾਨ!

ਗੈਜੇਟ ਡੈਸਕ- ਸੈਮਸੰਗ ਨੇ ਭਾਰਤ 'ਚ ਆਪਣਾ ਨਵਾਂ Galaxy Tab A11+ ਲਾਂਚ ਕਰ ਦਿੱਤਾ ਹੈ। ਇਸ ਟੈਬਲੇਟ 'ਚ 11 ਇੰਚ ਦੀ ਡਿਸਪਲੇਅ, 7,040mAh ਬੈਟਰੀ ਅਤੇ MediaTek ਪ੍ਰੋਸੈਸਰ ਮਿਲਦਾ ਹੈ। ਇਹ ਟੈਬਲੇਟ Wi-Fi ਅਤੇ Wi-Fi + Cellular ਦੋਵਾਂ ਆਪਸ਼ਨਾਂ 'ਚ ਆਉਂਦਾ ਹੈ। ਇਸ ਵਿਚ 90Hz ਸਕਰੀਨ, Android 16 ਬੇਸਡ One UI 8 ਅਤੇ Dolby Atmos ਕਵਾਡ ਸਪੀਕਰਜ਼ ਵਰਗੇ ਫੀਚਰਜ਼ ਦਿੱਤੇ ਗਏ ਹਨ।

Samsung Galaxy Tab A11+ ਦੀ ਕੀਮਤ

Samsung Galaxy Tab A11+ ਨੂੰ ਭਾਰਤ 'ਚ ਚਾਰ ਵੇਰੀਐਂਟ 'ਚ ਪੇਸ਼ ਕੀਤਾ ਗਿਆ ਹੈ। 6GB RAM + 128GB ਸਟੋਰੇਜ ਦੇ Wi-Fi ਵਰਜ਼ਨ ਦੀ ਕੀਮਤ 22,999 ਰੁਪਏ ਅਤੇ Wi-Fi + Cellular ਵਰਜ਼ਨ ਦੀ ਕੀਮਤ 26,999 ਰੁਪਏ ਰੱਖੀ ਗਈ ਹੈ। ਉਥੇ ਹੀ 8GB RAM + 256GB ਮਾਡਲ 'ਚ Wi-Fi ਵੇਰੀਟੈਂਟ 28,999 ਰੁਪਏ ਅਤੇ Wi-Fi + Cellular ਵਰਜ਼ਨ 32,999 ਰੁਪਏ 'ਚ ਉਪਲੱਬਧ ਹੈ। ਇਹ ਟੈਬਲੇਟ ਗ੍ਰੇਅ ਅਤੇ ਸਿਲਵਰ ਰੰਗਾਂ 'ਚ ਆਉਂਦਾ ਹੈ ਅਤੇ ਫਿਲਹਾਲ ਸੈਮਸੰਗ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਵਿਕਰੀ ਲਈ ਉਪਲੱਬਧ ਹੈ। 

Samsung Galaxy Tab A11+ ਦੇ ਫੀਚਰਜ਼

ਟੈਬਲੇਟ 'ਚ 11 ਇੰਚ ਦੀ TFT LCD ਡਿਸਪਲੇਅ ਦਿੱਤੀ ਗਈ ਹੈ, ਜੋ 90Hz ਰਿਫ੍ਰੈਸ਼ ਰੇਟ ਸਪੋਰਟ ਕਰਦੀ ਹੈ। ਟੈਬਲੇਟ ਐਂਡਰਾਇਡ 16 ਆਧਾਰਿ One UI 8 'ਤੇ ਚਲਦਾ ਹੈ ਅਤੇ ਕੰਪਨੀ ਨੇ ਇਸ ਵਿਚ 7 ਸਾਲਾਂ ਦੇ ਆਪਰੇਟਿੰਗ ਸਿਸਟਮ ਅਤੇ ਸਕਿਓਰਿਟੀ ਅਪਡੇਟ ਦੇਣ ਦਾ ਦਾਅਵਾ ਕੀਤਾ ਹੈ। ਡਾਲਬੀ ਐਟਮਾਸ ਕਵਾਡ ਸਪੀਕਰਜ਼ ਇਸਦੀ ਮੀਡੀਆ ਐਕਸਪੀਰੀਅੰਸ ਨੂੰ ਹੋਰ ਬਿਹਤਰ ਬਣਾਉਂਦੇ ਹਨ। ਟੈਬਲੇਟ 'ਚ MediaTek MT8775 ਪ੍ਰੋਸੈਸਰ ਦਿੱਤਾ ਗਿਆ ਹੈ, ਜਿਸਨੂੰ 8GB RAM ਅਤੇ 256GB ਸਟੋਰੇਜ ਤਕ ਦੇ ਆਪਸ਼ਨਾਂ ਦੇ ਨਾਲ ਜੋੜਿਆ ਗਿਆ ਹੈ। 

ਪ੍ਰੋਸੈਸਰ, ਕੈਮਰਾ ਅਤੇ DeX ਮੋਡ ਫੀਚਰਜ਼

ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ ਵਿਚ 8MP ਦਾ ਰੀਅਰ ਕੈਮਰਾ ਅਤੇ 5MP ਦਾ ਫਰੰਟ ਕੈਮਰਾ ਮੌਜੂਦ ਹੈ। ਖਾਸ ਗੱਲ ਇਹ ਹੈ ਕਿ ਟੈਬਲੇਟ 'ਚ Samsung DeX ਮੋਡ ਵੀ ਮਿਲਦਾ ਹੈ, ਜਿਸਦੀ ਮਦਦ ਨਾਲ ਇਸਨੂੰ ਮਾਨੀਟਰ, ਕੀਬੋਰਡ ਅਤੇ ਮਾਊਸ ਨਾਲ ਜੋੜ ਕੇ ਇਕ ਮਿੰਨੀ ਪੀਸੀ ਦੀ ਤਰ੍ਹਾਂ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਡਿਵਾਈਸ 'ਚ 7,040mAh ਦੀ ਬੈਟਰੀ ਦੇ ਨਾਲ 25 ਵਾਟ ਵਾਇਰਡ ਚਾਰਜਿੰਗ ਸਪੋਰਟ ਹੈ। ਟੈਬਲੇਟ ਵਾਈ ਫਾਈ ਓਨਲੀ ਵੇਰੀਐਂਟ ਦਾ ਭਾਰ 477g ਹੈ, ਜਦੋਂਕਿ ਵਾਈ ਫਾਈ ਪਲੱਸ ਸੈਲੁਲਰ ਵੇਰੀਐਂਟ ਦਾ ਭਾਰ 482g ਹੈ। ਟੈਬਲੇਟ ਨੂੰ ਡਸਟ ਅਤੇ ਸਪਲੈਸ਼ ਰੈਜਿਸਟੈਂਟ ਲਈ IP52 ਰੇਟਿੰਗ ਮਿਲੀ ਹੈ।