ਇਕ ਕੰਪਨੀ ਦੇ ਇਲੈਕਟ੍ਰਿਕ ਸਕੂਟਰਾਂ ਨੂੰ ਟੁੱਟ ਕੇ ਪੈ ਗਏ ਲੋਕ! ਹੱਥੋ-ਹੱਥੀਂ ਵਿਕ ਗਏ 6 ਲੱਖ ਤੋਂ ਵੱਧ ਸਕੂਟਰ

ਗੈਜੇਟ ਡੈਸਕ : ਭਾਰਤ ਦੀ ਪ੍ਰਮੁੱਖ ਇਲੈਕਟ੍ਰਿਕ ਟੂ-ਵ੍ਹੀਲਰ ਕੰਪਨੀ Ather Energy ਨੇ ਵਿਕਰੀ ਦੇ ਮਾਮਲੇ ਵਿੱਚ ਇੱਕ ਬਹੁਤ ਵੱਡਾ ਮੁਕਾਮ ਹਾਸਲ ਕਰ ਲਿਆ ਹੈ। ਕੰਪਨੀ ਨੇ ਹੁਣ ਤੱਕ ਕੁੱਲ 6 ਲੱਖ ਤੋਂ ਵੱਧ ਯੂਨਿਟਸ ਦੀ ਵਿਕਰੀ ਦਰਜ ਕੀਤੀ ਹੈ, ਜੋ ਇਸ ਦੇ ਤੇਜ਼ੀ ਨਾਲ ਵਧ ਰਹੇ ਗਾਹਕ ਆਧਾਰ ਨੂੰ ਦਰਸਾਉਂਦਾ ਹੈ। ਵਾਹਨ ਪੋਰਟਲ ਦੇ ਅੰਕੜਿਆਂ ਅਨੁਸਾਰ ਐਥਰ ਨੇ ਹੁਣ ਤੱਕ ਕੁੱਲ 6,04,497 ਸਕੂਟਰ ਗਾਹਕਾਂ ਤੱਕ ਪਹੁੰਚਾਏ ਹਨ।
ਹੈਰਾਨੀ ਦੀ ਗੱਲ ਇਹ ਹੈ ਕਿ ਕੰਪਨੀ ਦੀ ਕੁੱਲ ਵਿਕਰੀ ਵਿੱਚੋਂ ਲਗਭਗ 3 ਲੱਖ ਯੂਨਿਟਸ ਸਿਰਫ਼ ਪਿਛਲੇ 16 ਮਹੀਨਿਆਂ ਵਿੱਚ ਹੀ ਡਿਲੀਵਰ ਕੀਤੇ ਗਏ ਹਨ। ਸਾਲ 2022 ਤੋਂ ਬਾਅਦ ਐਥਰ ਦੇ ਸਕੂਟਰਾਂ ਦੀ ਮੰਗ ਵਿੱਚ ਜ਼ਬਰਦਸਤ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਜਿੱਥੇ 2023 ਵਿੱਚ ਕੰਪਨੀ ਨੇ 1.26 ਲੱਖ ਤੋਂ ਵੱਧ ਸਕੂਟਰ ਵੇਚੇ ਸਨ, ਉੱਥੇ ਹੀ 2025 ਵਿੱਚ ਇਹ ਅੰਕੜਾ 2,01,129 ਯੂਨਿਟਸ ਤੱਕ ਪਹੁੰਚ ਗਿਆ।

'Rizta' ਸਕੂਟਰ ਬਣਿਆ ਗੇਮ-ਚੇਂਜਰ
 ਐਥਰ ਦੀ ਇਸ ਵੱਡੀ ਸਫਲਤਾ ਦੇ ਪਿੱਛੇ ਉਸਦਾ ਨਵਾਂ Rizta (ਰਿਜ਼ਟਾ) ਫੈਮਿਲੀ ਸਕੂਟਰ ਸਭ ਤੋਂ ਵੱਡਾ ਕਾਰਨ ਮੰਨਿਆ ਜਾ ਰਿਹਾ ਹੈ। ਕੰਪਨੀ ਦੀ ਕੁੱਲ ਵਿਕਰੀ ਵਿੱਚ ਇਸ ਇਕੱਲੇ ਸਕੂਟਰ ਦਾ ਹਿੱਸਾ ਲਗਭਗ 70 ਤੋਂ 75 ਫੀਸਦੀ ਹੈ। ਅਪ੍ਰੈਲ 2024 ਵਿੱਚ ਲਾਂਚ ਹੋਇਆ ਇਹ ਸਕੂਟਰ ਖਾਸ ਤੌਰ 'ਤੇ ਪਰਿਵਾਰਕ ਵਰਤੋਂ ਲਈ ਤਿਆਰ ਕੀਤਾ ਗਿਆ ਹੈ, ਜਿਸ ਵਿੱਚ ਵੱਡੀ ਸੀਟ ਅਤੇ ਜ਼ਿਆਦਾ ਸਟੋਰੇਜ ਵਰਗੇ ਫੀਚਰ ਦਿੱਤੇ ਗਏ ਹਨ।

ਘੱਟ ਕੀਮਤ ਨੇ ਖਿੱਚੇ ਗਾਹਕ
ਕੰਪਨੀ ਦੇ BaaS (Battery as a Service) ਮਾਡਲ ਨੇ ਵੀ ਗਾਹਕਾਂ ਨੂੰ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਇਸ ਮਾਡਲ ਕਾਰਨ ਸਕੂਟਰ ਦੀਆਂ ਕੀਮਤਾਂ ਵਿੱਚ ਕਾਫੀ ਕਮੀ ਆਈ ਹੈ, ਜਿਸ ਨਾਲ Rizta ਦੀ ਸ਼ੁਰੂਆਤੀ ਕੀਮਤ ਲਗਭਗ 76,000 ਰੁਪਏ ਤੱਕ ਪਹੁੰਚ ਗਈ ਹੈ। ਇਸ ਰਣਨੀਤੀ ਕਾਰਨ ਆਮ ਲੋਕਾਂ ਲਈ ਇਲੈਕਟ੍ਰਿਕ ਸਕੂਟਰ ਖਰੀਦਣਾ ਆਸਾਨ ਹੋ ਗਿਆ ਹੈ।  ਸਾਲ 2026 ਦੀ ਸ਼ੁਰੂਆਤ ਵਿੱਚ ਵੀ ਐਥਰ ਦਾ ਪ੍ਰਦਰਸ਼ਨ ਕਾਫੀ ਮਜ਼ਬੂਤ ਰਿਹਾ ਹੈ। 1 ਜਨਵਰੀ ਤੋਂ 22 ਅਪ੍ਰੈਲ ਦੇ ਵਿਚਕਾਰ ਕੰਪਨੀ ਨੇ 99,159 ਯੂਨਿਟਸ ਡਿਲੀਵਰ ਕੀਤੇ ਹਨ, ਜਿਸ ਨਾਲ ਇਸਦਾ ਮਾਰਕੀਟ ਸ਼ੇਅਰ ਵਧ ਕੇ ਲਗਭਗ 18.5 ਫੀਸਦੀ ਹੋ ਗਿਆ ਹੈ, ਜੋ ਕਿ ਹੁਣ ਤੱਕ ਦਾ ਸਭ ਤੋਂ ਬਿਹਤਰੀਨ ਪ੍ਰਦਰਸ਼ਨ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e