Hike ਨੇ ਆਪਣੇ ਯੂਜ਼ਰਸ ਲਈ ਪੇਸ਼ ਕੀਤੇ ਨਵੇਂ ਐਨੀਮੇਟਿਡ ਸਟਿੱਕਰਸ

ਗੈਜੇਟ ਡੈਸਕ- ਕ੍ਰਿਸਮਸ ਤੇ ਨਵੇਂ ਸਾਲ ਦੇ ਜਸ਼ਨ ਨੂੰ ਮਨਾਉਣ ਲਈ ਭਰਾਤੀ ਮੈਸੇਜਿੰਗ ਐਪ ਹਾਈਕ ਨੇ ਆਪਣੇ ਯੂਜ਼ਰਸ ਲਈ ਨਵੇਂ ਐਨੀਮੇਟਿਡ ਸਟਿੱਕਰਸ ਨੂੰ ਪੇਸ਼ ਕੀਤੇ ਹਨ। ਇਸ ਸਟਿੱਕਰ ਪੈਕ 'ਚ ਫੀਸਟ, ਮਿਡਨਾਈਟ ਮਹੀਨਾ, ਕ੍ਰਿਸਮਸ ਕੈਰੋਲ ਫਰੇਸੇਸ, ਸਾਂਤਾ, ਐਲਵਸ ਤੇ ਰੇਨਡੀਅਰ, ਨਵੇਂ ਸਾਲ ਦੇ ਜਸ਼ਨ ਆਦਿ ਨੂੰ ਵਿਖਾਇਆ ਗਿਆ ਹੈ। ਤੁਸੀਂ ਆਪਣੇ ਪਰਿਵਾਰ ਤੇ ਦੋਸਤਾਂ ਨੂੰ ਕਲਰਫੁੱਲ ਤੇ ਵਾਰਮ ਸਟਿੱਕਰ ਰਾਹੀਂ ਸ਼ੁਭਕਾਮਨਾਵਾਂ ਭੇਜ ਸਕਦੇ ਹੋ। 

ਇਹ ਸਟਿੱਕਰਸ 21 ਦਸੰਬਰ ਮਤਲਬ ਸ਼ੁੱਕਰਵਾਰ ਤੋਂ ਐਪ 'ਚ ਉਪਲੱਬਧ ਹੋਣਗੇ ਤੇ ਹਾਈਕ ਯੂਜ਼ਰਸ ਪਲੇਅਸਟੋਰ ਤੇ ਐਪ ਸਟੋਰ ਤੋਂ ਇਨ੍ਹਾਂ ਨੂੰ ਡਾਊਨਲੋਡ ਕਰ ਸੱਕਦੇ ਹਨ।  ਸਟਿੱਕਰ ਹਾਈਕ ਦਾ ਕਾਫ਼ੀ ਲੋਕਪ੍ਰਿਯ ਫੀਚਰ ਹੈ। ਹਾਈਕ 40 ਤੋਂ ਜ਼ਿਆਦਾ ਭਾਸ਼ਾਵਾਂ 'ਚ 20,000 ਤੋਂ ਜ਼ਿਆਦਾ ਸਟਿੱਕਰ ਦੀ ਪੂਰੀ ਲਾਇਬ੍ਰੇਰੀ ਪੇਸ਼ ਕਰਦਾ ਹੈ।ਦੱਸ ਦੇਈਏ ਕਿ ਇਸ ਐਪ ਨੂੰ ਸਾਲ 2012 ਨੂੰ ਲਾਂਚ ਕੀਤਾ ਗਿਆ ਸੀ ਤੇ ਜਨਵਰੀ 2016 'ਚ ਇਸ ਦੇ ਯੂਜ਼ਰਸ ਦੀ ਗਿਣਤੀ 100 ਮਿਲੀਅਨ ਤੋਂ ਵੀ ਜ਼ਿਆਦਾ ਸੀ। ਕੰਪਨੀ ਸਿਰਫ਼ 3 ਸਾਲ 7 ਮਹੀਨੇ 'ਚ 1 ਬਿਲੀਅਨ ਅਮਰੀਕੀ ਡਾਲਰ ਦਾ ਵੈਲਿਊਏਸ਼ਨ ਹਾਸਲ ਕਰਨ ਵਾਲੀ ਭਾਰਤ ਦੀ ਸਭ ਤੋਂ ਤੇਜ਼ ਕੰਪਨੀਆਂ 'ਚ ਸ਼ਾਮਲ ਹੋ ਗਈ ਹੈ।ਹਾਈਕ ਦੇ ਨਿਵੇਸ਼ਕਾਂ 'ਚ ਟੇਨਸੈਂਟ, ਫਾਕਸਕਾਨ, ਟਾਈਗਰ ਗਲੋਬਲ, ਸਾਫਟਬੈਂਕ ਸ਼ਾਮਲ ਹਨ। ਇਨ੍ਹਾਂ ਤੋਂ ਇਲਾਵਾ ਸਿਲੀਕਾਨ ਵੈਲੀ ਦੇ ਕੁਝ ਟਾਪ ਟੈੱਕ ਦਿੱਗਜਾਂ ਨੇ ਵੀ ਕੰਪਨੀ 'ਚ ਨਿਵੇਸ਼ ਕੀਤਾ ਹੈ।