Motorola ਦਾ ਵੱਡਾ ਧਮਾਕਾ: ਆ ਰਿਹਾ 200 ਮੈਗਾਪਿਕਸਲ ਕੈਮਰੇ ਵਾਲਾ ਫੋਨ

ਨਵੀਂ ਦਿੱਲੀ : ਮੋਬਾਈਲ ਦੀ ਦੁਨੀਆ ਵਿੱਚ ਮੋਟੋਰੋਲਾ ਆਪਣੀ ਪ੍ਰੀਮੀਅਮ ਸਮਾਰਟਫੋਨ ਸੀਰੀਜ਼ ਵਿੱਚ ਇੱਕ ਨਵਾਂ ਮਾਡਲ Motorola Signature 27 ਪੇਸ਼ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਕੰਪਨੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਇਸ ਫੋਨ ਦਾ ਇੱਕ ਨਵਾਂ ਟੀਜ਼ਰ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਇਸ ਦੇ ਕੈਮਰੇ, ਰੰਗਾਂ ਅਤੇ ਐਲਾਨ ਦੀ ਮਿਤੀ ਨਾਲ ਜੁੜੀ ਅਹਿਮ ਜਾਣਕਾਰੀ ਸਾਹਮਣੇ ਆਈ ਹੈ। ਟੀਜ਼ਰ ਮੁਤਾਬਕ, ਇਸ ਨਵੇਂ ਸਮਾਰਟਫੋਨ ਨੂੰ 22 ਸਤੰਬਰ ਨੂੰ ਪੇਸ਼ ਕੀਤਾ ਜਾ ਸਕਦਾ ਹੈ। ਖਾਸ ਗੱਲ ਇਹ ਹੈ ਕਿ 22 ਸਤੰਬਰ ਨੂੰ ਹੀ Qualcomm Snapdragon Summit ਵੀ ਆਯੋਜਿਤ ਹੋ ਰਿਹਾ ਹੈ, ਜਿਸ ਕਰਕੇ ਉਮੀਦ ਜਤਾਈ ਜਾ ਰਹੀ ਹੈ ਕਿ ਇਹ ਫੋਨ ਇਸੇ ਈਵੈਂਟ ਦੌਰਾਨ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਇਹ ਵੀ ਸੰਕੇਤ ਦਿੱਤਾ ਹੈ ਕਿ Signature 27 ਵਿੱਚ ਲੇਟੈਸਟ Snapdragon ਪ੍ਰੋਸੈਸਰ ਦਿੱਤਾ ਜਾਵੇਗਾ।

There’s more to discover with Motorola and @Snapdragon.
See for yourself on September 22, 2026. #SnapdragonSummit pic.twitter.com/SwG6edOGwT

— motorola (@Moto) September 18, 2026

ਇਸ ਨਵੇਂ ਸਮਾਰਟਫੋਨ ਵਿੱਚ 200 ਮੈਗਾਪਿਕਸਲ ਦਾ ਰੀਅਰ ਕੈਮਰਾ ਸੈਟਅਪ ਦਿੱਤਾ ਜਾਵੇਗਾ, ਜੋ ਡਾਲਬੀ ਵਿਜ਼ਨ ਵੀਡੀਓ ਰਿਕਾਰਡਿੰਗ ਨੂੰ ਵੀ ਸਪੋਰਟ ਕਰੇਗਾ। ਕੰਪਨੀ ਨੇ Signature 27 ਲਈ ਦੋ ਨਵੇਂ ਰੰਗ ਵੀ ਦਿਖਾਏ ਹਨ, ਜਿਨ੍ਹਾਂ ਵਿੱਚ Pantone Coal Smoke ਅਤੇ Pantone Capulet Olive ਸ਼ਾਮਲ ਹਨ, ਜੋ ਕਿ ਪੈਂਟੋਨ ਵੱਲੋਂ ਪ੍ਰਮਾਣਿਤ ਹਨ। ਟੀਜ਼ਰ ਵਿੱਚ ਫੋਨ ਦੇ ਡਿਜ਼ਾਈਨ ਵਿੱਚ ਵੱਖ-ਵੱਖ ਮਟੀਰੀਅਲ ਦੇ ਇਸਤੇਮਾਲ 'ਤੇ ਵੀ ਕੰਪਨੀ ਦਾ ਵਿਸ਼ੇਸ਼ ਫੋਕਸ ਦਿਖਾਈ ਦਿੰਦਾ ਹੈ। ਹਾਲਾਂਕਿ, ਅਜੇ ਇਹ ਸਾਫ਼ ਨਹੀਂ ਹੋਇਆ ਹੈ ਕਿ Signature 27 ਜਨਵਰੀ 2026 ਵਿੱਚ ਭਾਰਤ ਵਿੱਚ ਲਾਂਚ ਹੋਏ ਮੋਟੋਰੋਲਾ ਸਿਗਨੇਚਰ ਦਾ ਅਗਲਾ ਮਾਡਲ ਹੋਵੇਗਾ ਜਾਂ ਇਸ ਸੀਰੀਜ਼ ਵਿੱਚ ਇੱਕ ਨਵਾਂ ਫੋਨ ਹੋਵੇਗਾ।

ਜ਼ਿਕਰਯੋਗ ਹੈ ਕਿ ਮੌਜੂਦਾ ਮੋਟੋਰੋਲਾ ਸਿਗਨੇਚਰ ਸਮਾਰਟਫੋਨ ਵਿੱਚ 50 ਮੈਗਾਪਿਕਸਲ ਦਾ ਟ੍ਰਿਪਲ ਰੀਅਰ ਕੈਮਰਾ ਸੈਟਅਪ ਅਤੇ 50 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਮਿਲਦਾ ਹੈ, ਜੋ 30fps 'ਤੇ 8K ਡਾਲਬੀ ਵਿਜ਼ਨ ਵੀਡੀਓ ਰਿਕਾਰਡ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ, ਸਲਿਮ ਡਿਜ਼ਾਈਨ ਦੇ ਬਾਵਜੂਦ ਉਸ ਵਿੱਚ 5,200mAh ਦੀ ਸਿਲੀਕੋਨ-ਕਾਰਬਨ ਬੈਟਰੀ ਦਿੱਤੀ ਗਈ ਹੈ, ਜੋ 90W ਵਾਇਰਡ ਅਤੇ 10W ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।