Kia ਨੇ ਲਾਂਚ ਕੀਤੀ ਸਭ ਤੋਂ ਛੋਟੀ ਇਲੈਕਟ੍ਰਿਕ ਕਾਰ ! ਇੱਕ ਵਾਰ ਚਾਰਜ ਕਰਨ ''ਤੇ ਚੱਲੇਗੀ 448KM

ਗੈਜੇਟ ਡੈਸਕ : ਕੋਰੀਆਈ ਕਾਰ ਨਿਰਮਾਤਾ ਕੰਪਨੀ ਕਿਆ (Kia) ਨੇ ਗਲੋਬਲ ਮਾਰਕੀਟ 'ਚ ਆਪਣੀ ਸਭ ਤੋਂ ਛੋਟੀ ਅਤੇ ਸਭ ਤੋਂ ਕਿਫਾਇਤੀ ਇਲੈਕਟ੍ਰਿਕ ਕਾਰ EV2 ਅਧਿਕਾਰਤ ਤੌਰ 'ਤੇ ਲਾਂਚ ਕਰ ਦਿੱਤੀ ਹੈ। ਇਹ ਕਾਰ ਕੰਪਨੀ ਦੀ ਕੰਪੈਕਟ SUV 'ਸਿਰੋਸ' (Syros) 'ਤੇ ਅਧਾਰਤ ਹੈ ਅਤੇ ਇਸ ਨੂੰ ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਤਿਆਰ ਕੀਤਾ ਗਿਆ ਹੈ ਜੋ ਕਿਫਾਇਤੀ ਕੀਮਤ ਵਿੱਚ ਇਲੈਕਟ੍ਰਿਕ ਗੱਡੀ ਖਰੀਦਣਾ ਚਾਹੁੰਦੇ ਹਨ।

ਕੀਮਤ ਤੇ ਡਿਜ਼ਾਈਨ
 ਗਲੋਬਲ ਮਾਰਕੀਟ ਵਿੱਚ ਇਸ ਕਾਰ ਦੀ ਸ਼ੁਰੂਆਤੀ ਕੀਮਤ 26,600 ਯੂਰੋ ਰੱਖੀ ਗਈ ਹੈ, ਜੋ ਭਾਰਤੀ ਕਰੰਸੀ ਅਨੁਸਾਰ ਲਗਭਗ 23-24 ਲੱਖ ਰੁਪਏ ਬਣਦੀ ਹੈ। ਡਿਜ਼ਾਈਨ ਦੇ ਮਾਮਲੇ ਵਿੱਚ, EV2 ਵਿੱਚ ਕਿਆ ਦੀ ਨਵੀਂ ਸਟਾਈਲਿੰਗ ਦੇਖਣ ਨੂੰ ਮਿਲਦੀ ਹੈ, ਜਿਸ ਵਿੱਚ ਇੱਕ ਮਜ਼ਬੂਤ SUV ਲੁੱਕ, ਵਰਟੀਕਲ ਸਪਲਿਟ LED ਹੈੱਡਲੈਂਪਸ ਅਤੇ ਨਵਾਂ 'ਟਾਈਗਰ ਫੇਸ' ਡਿਜ਼ਾਈਨ ਦਿੱਤਾ ਗਿਆ ਹੈ।

ਦੋ ਬੈਟਰੀ ਵਿਕਲਪ ਤੇ ਸ਼ਾਨਦਾਰ ਰੇਂਜ 
ਕਿਆ EV2 ਨੂੰ ਦੋ ਬੈਟਰੀ ਵੇਰੀਐਂਟਸ ਵਿੱਚ ਪੇਸ਼ ਕੀਤਾ ਗਿਆ ਹੈ:
1.ਬੇਸ ਵਰਜ਼ਨ: ਇਸ 'ਚ 42.2 kWh ਦੀ ਬੈਟਰੀ ਹੈ, ਜੋ 317 ਕਿਲੋਮੀਟਰ ਦੀ ਰੇਂਜ ਦਿੰਦੀ ਹੈ।
2.ਲੌਂਗ ਰੇਂਜ ਵਰਜ਼ਨ: ਇਸ 'ਚ 61.0 kWh ਦੀ ਬੈਟਰੀ ਦਿੱਤੀ ਗਈ ਹੈ, ਜੋ ਇੱਕ ਵਾਰ ਚਾਰਜ ਕਰਨ 'ਤੇ 448 ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ। ਖਾਸ ਗੱਲ ਇਹ ਹੈ ਕਿ DC ਫਾਸਟ ਚਾਰਜਿੰਗ ਦੀ ਮਦਦ ਨਾਲ ਇਹ ਕਾਰ ਸਿਰਫ 30 ਮਿੰਟਾਂ ਵਿੱਚ 10% ਤੋਂ 80% ਤੱਕ ਚਾਰਜ ਹੋ ਸਕਦੀ ਹੈ।

ਹਾਈ-ਟੈਕ ਫੀਚਰਸ ਨਾਲ ਲੈਸ ਕੇਬਿਨ
 ਕਾਰ ਦੇ ਅੰਦਰੂਨੀ ਹਿੱਸੇ 'ਚ ਤਕਨਾਲੋਜੀ ਦਾ ਖਾਸ ਖਿਆਲ ਰੱਖਿਆ ਗਿਆ ਹੈ। ਇਸ 'ਚ ਟ੍ਰਿਪਲ ਸਕ੍ਰੀਨ ਸੈੱਟਅੱਪ ਮਿਲਦਾ ਹੈ, ਜਿਸ 'ਚ 12.3-ਇੰਚ ਦਾ ਡਿਜੀਟਲ ਇੰਸਟ੍ਰੂਮੈਂਟ ਕਲੱਸਟਰ, 12.3-ਇੰਚ ਦਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ ਅਤੇ 5.3-ਇੰਚ ਦਾ HVAC ਕੰਟਰੋਲ ਪੈਨਲ ਸ਼ਾਮਲ ਹੈ। ਇਸ ਤੋਂ ਇਲਾਵਾ, ਇਸ ਵਿੱਚ Harman Kardon ਆਡੀਓ ਸਿਸਟਮ ਅਤੇ 'ਵਹੀਕਲ-ਟੂ-ਲੋਡ' (V2L) ਵਰਗੇ ਐਡਵਾਂਸ ਫੀਚਰਸ ਵੀ ਦਿੱਤੇ ਗਏ ਹਨ।

ਭਾਰਤ 'ਚ ਲਾਂਚ ਨੂੰ ਲੈ ਕੇ ਸਥਿਤੀ 
ਕੰਪਨੀ ਅਨੁਸਾਰ, ਇਸ ਕਾਰ ਦਾ ਉਤਪਾਦਨ 2026 ਦੀ ਪਹਿਲੀ ਤਿਮਾਹੀ ਵਿੱਚ ਸ਼ੁਰੂ ਹੋ ਜਾਵੇਗਾ। ਹਾਲਾਂਕਿ, ਕਿਆ ਨੇ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ EV2 ਨੂੰ ਭਾਰਤੀ ਬਾਜ਼ਾਰ ਵਿੱਚ ਕਦੋਂ ਉਤਾਰਿਆ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e