ਗੈਜੇਟ ਡੈਸਕ - ਟੈਲੀਕਾਮ ਦਿੱਗਜ ਏਅਰਟੈੱਲ (Airtel) ਨੇ ਆਪਣੇ ਉਪਭੋਗਤਾਵਾਂ ਲਈ ਚਾਰ ਨਵੇਂ ਪ੍ਰੀਪੇਡ ਪਲਾਨ ਪੇਸ਼ ਕੀਤੇ ਹਨ, ਜੋ ਖਾਸ ਤੌਰ 'ਤੇ ਅਨਲਿਮਟਿਡ 4G ਅਤੇ 5G ਡੇਟਾ ਦੀ ਸਹੂਲਤ ਪ੍ਰਦਾਨ ਕਰਦੇ ਹਨ। ਇਨ੍ਹਾਂ ਪਲਾਨਾਂ ਦੀ ਸ਼ੁਰੂਆਤੀ ਕੀਮਤ 399 ਰੁਪਏ ਹੈ ਅਤੇ ਇਹ 365 ਦਿਨਾਂ ਤੱਕ ਦੀ ਵੈਲੀਡਿਟੀ ਦੇ ਨਾਲ ਆਉਂਦੇ ਹਨ। ਇਹ ਨਵੇਂ ਪਲਾਨ ਹੁਣ ਏਅਰਟੈੱਲ ਥੈਂਕਸ ਐਪ 'ਤੇ ਉਪਲਬਧ ਹਨ।

ਨਵੇਂ ਪਲਾਨਾਂ ਦੇ ਮੁੱਖ ਵੇਰਵੇ :-

 399 ਵਾਲਾ ਪਲਾਨ
- ਇਹ ਪਲਾਨ 28 ਦਿਨਾਂ ਦੀ ਵੈਲੀਡਿਟੀ ਨਾਲ ਆਉਂਦਾ ਹੈ। ਇਸ 'ਚ ਗਾਹਕਾਂ ਨੂੰ ਅਨਲਿਮਟਿਡ ਵਾਇਸ ਕਾਲਿੰਗ, ਰੋਜ਼ਾਨਾ 100 SMS ਅਤੇ ਅਨਲਿਮਟਿਡ 4G+5G ਡੇਟਾ ਮਿਲਦਾ ਹੈ। ਇਸ ਪਲਾਨ ਦਾ ਰੋਜ਼ਾਨਾ ਖਰਚਾ ਲਗਭਗ 14 ਰੁਪਏ ਆਉਂਦਾ ਹੈ। ਵਾਧੂ ਫਾਇਦਿਆਂ ਵਜੋਂ, ਇਸ 'ਚ 12 ਮਹੀਨਿਆਂ ਲਈ ਅਡੋਬ ਐਕਸਪ੍ਰੈਸ ਪ੍ਰੀਮੀਅਮ ਅਤੇ ਫ੍ਰੀ ਹੈਲੋਟਿਊਨਜ਼ ਸ਼ਾਮਲ ਹਨ।

449 ਵਾਲਾ ਪਲਾਨ
- ਇਸ ਪਲਾਨ ਦੀ ਵੈਲੀਡਿਟੀ ਵੀ 28 ਦਿਨਾਂ ਦੀ ਹੈ, ਜਿਸ ਦਾ ਰੋਜ਼ਾਨਾ ਖਰਚਾ 16 ਰੁਪਏ ਪੈਂਦਾ ਹੈ। ਇਸ 'ਚ ਅਨਲਿਮਟਿਡ ਡੇਟਾ ਅਤੇ ਕਾਲਿੰਗ ਦੇ ਨਾਲ-ਨਾਲ JioHotstar, 20 ਤੋਂ ਵੱਧ OTT ਪਲੇਟਫਾਰਮਾਂ ਵਾਲਾ ਏਅਰਟੈੱਲ ਐਕਸਟ੍ਰੀਮ ਪਲੇ, 6 ਮਹੀਨਿਆਂ ਲਈ ਐਪਲ ਮਿਊਜ਼ਿਕ ਅਤੇ ਸਪੈਮ ਫਾਈਟਿੰਗ ਨੈੱਟਵਰਕ ਵਰਗੀਆਂ ਸਹੂਲਤਾਂ ਮਿਲਦੀਆਂ ਹਨ।

1099 ਵਾਲਾ ਪਲਾਨ
- ਇਹ ਪਲਾਨ 84 ਦਿਨਾਂ ਦੀ ਸੇਵਾ ਵੈਧਤਾ ਦੇ ਨਾਲ ਆਉਂਦਾ ਹੈ, ਜਿਸ ਵਿੱਚ ਰੋਜ਼ਾਨਾ ਖਰਚਾ 13 ਰੁਪਏ ਆਵੇਗਾ। ਇਸ 'ਚ ਹਰ 28 ਦਿਨਾਂ ਲਈ 300GB ਡੇਟਾ ਦੀ ਕੈਪਿੰਗ ਰੱਖੀ ਗਈ ਹੈ। ਇਸ 'ਚ ਫਿਲਹਾਲ ਸਿਰਫ ਫ੍ਰੀ ਹੈਲੋਟਿਊਨਜ਼ ਦਾ ਹੀ ਐਡ-ਆਨ ਬੈਨੀਫਿਟ ਮਿਲ ਰਿਹਾ ਹੈ।

4099 ਵਾਲਾ ਪਲਾਨ
- ਇਹ ਏਅਰਟੈੱਲ ਦਾ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਪਲਾਨ ਹੈ, ਜੋ ਪੂਰੇ 365 ਦਿਨਾਂ (ਇੱਕ ਸਾਲ) ਦੀ ਵੈਧਤਾ ਪ੍ਰਦਾਨ ਕਰਦਾ ਹੈ। ਇਸ ਪਲਾਨ 'ਚ ਰੋਜ਼ਾਨਾ ਖਰਚਾ ਸਿਰਫ 11 ਰੁਪਏ ਆਉਂਦਾ ਹੈ, ਜਿਸ ਵਿੱਚ ਅਨਲਿਮਟਿਡ ਡੇਟਾ ਅਤੇ ਕਾਲਿੰਗ ਦੀ ਸਹੂਲਤ ਮਿਲਦੀ ਹੈ।

 SMS ਚਾਰਜ ਅਤੇ ਹੋਰ ਜਾਣਕਾਰੀ :-

ਇਨ੍ਹਾਂ ਸਾਰੇ ਪਲਾਨਾਂ ਵਿੱਚ ਰੋਜ਼ਾਨਾ 100 SMS ਦੀ ਸੀਮਾ ਖਤਮ ਹੋਣ ਤੋਂ ਬਾਅਦ, ਲੋਕਲ SMS ਲਈ 1 ਰੁਪਏ ਅਤੇ STD SMS ਲਈ 1.5 ਰੁਪਏ ਪ੍ਰਤੀ ਮੈਸੇਜ ਚਾਰਜ ਦੇਣਾ ਹੋਵੇਗਾ। ਏਅਰਟੈੱਲ ਦੇ ਇਹ ਨਵੇਂ ਪਲਾਨ ਉਨ੍ਹਾਂ ਯੂਜ਼ਰਸ ਲਈ ਬਿਹਤਰ ਵਿਕਲਪ ਹਨ ਜੋ ਹਾਈ-ਸਪੀਡ ਇੰਟਰਨੈੱਟ ਅਤੇ ਲੰਬੀ ਵੈਧਤਾ ਦੀ ਭਾਲ ਵਿੱਚ ਹਨ।