iPhone 15 ਸੀਰੀਜ਼ ਦੀ ਸੇਲ ਸ਼ੁਰੂ, ਖ਼ਰੀਦਣ ਤੋਂ ਪਹਿਲਾਂ ਜਾਣ ਲਓ ਬੈਂਕ ਆਫਰਜ਼ ਤੇ ਡਿਸਕਾਊਂਟ ਡਿਟੇਲ

Friday, Sep 22, 2023 - 03:58 PM (IST)

ਗੈਜੇਟ ਡੈਸਕ- ਆਖ਼ਿਰਕਾਰ ਅੱਜ ਲੋਕਾਂ ਦਾ ਇੰਤਜ਼ਾਰ ਖ਼ਤਮ ਹੋ ਗਿਆ ਹੈ ਅਤੇ ਉਹ ਆਈਫੋਨ 15 ਸੀਰੀਜ਼ ਖ਼ਰੀਦ ਸਕਣਗੇ। ਆਈਫੋਨ ਦੀ ਨਵੀਂ ਸੀਰੀਜ਼ ਦੀ ਪਹਿਲੀ ਅਧਿਕਾਰਤ ਸੇਲ ਐਪਲ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਸ਼ੁਰੂ ਹੋ ਚੁੱਕੀ ਹੈ। ਹਾਲਾਂਕਿ ਜਿਨ੍ਹਾਂ ਲੋਕਾਂ ਨੇ ਫੋਨ ਨੂੰ ਐਮਾਜ਼ੋਨ ਤੋਂ ਪ੍ਰੀ-ਬੁੱਕ ਕੀਤਾ ਹੈ ਉਨ੍ਹਾਂ ਨੂੰ ਡਿਲਿਵਰੀ ਕੱਲ ਤੋਂ ਮਿਲਣ ਲੱਗੇਗੀ। ਭਾਰਤ 'ਚ ਆਈਫੋਨ 15 ਦੀ ਸ਼ੁਰੂਆਤੀ ਕੀਮਤ 79,900 ਰੁਪਏ ਰੱਖੀ ਗਈ ਹੈ। ਕੰਪਨੀ ਆਈਫੋਨ 15 ਸੀਰੀਜ਼ 'ਤੇ ਗਾਹਕਾਂ ਨੂੰ ਡਿਸਕਾਊਂਟ ਵੀ ਦੇ ਰਹੀ ਹੈ। ਜੇਕਰ ਤੁਸੀਂ ਆਈਫੋਨ 15 ਖ਼ਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਇਸ 'ਤੇ ਮਿਲਣ ਵਾਲੇ ਆਫਰਜ਼ ਅਤੇ ਡਿਸਕਾਊਂਟ ਬਾਰੇ ਜਾਣ ਲਓ...

ਇਹ ਵੀ ਪੜ੍ਹੋ- iPhone 15 ਦੀ ਵਿਕਰੀ ਭਾਰਤ 'ਚ ਸ਼ੁਰੂ, ਖ਼ਰੀਦਣ ਲਈ ਸਟੋਰ 'ਤੇ ਲੱਗੀਆਂ ਲੰਬੀਆਂ ਲਾਈਨਾਂ

ਐਪਲ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਮਿਲ ਰਿਹਾ ਬੰਪਰ ਡਿਸਕਾਊਂਟ

ਜੇਕਰ ਤੁਸੀਂ ਆਈਫੋਨ 15 ਅਤੇ ਆਈਫੋਨ 15 ਪਲੱਸ ਨੂੰ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਖ਼ਰੀਦ ਰਹੇ ਹੋ ਤਾਂ ਕੰਪਨੀ ਤੁਹਾਨੂੰ ਟ੍ਰੇਡ-ਇਨ ਆਫਰ ਦੇ ਰਹੀ ਹੈ ਜਿਸ ਤਹਿਤ ਤੁਸੀਂ ਪੁਰਾਣੇ ਫੋਨ ਦੇ ਬਦਲੇ 2,000 ਰੁਪਏ ਤੋਂ ਲੈ ਕੇ 67,800 ਰੁਪਏ ਤਕ ਦਾ ਭਾਰੀ ਡਿਸਕਾਊਂਟ ਪਾ ਸਕਦੇ ਹੋ। ਦੱਸ ਦੇਈਏ ਕਿ ਟ੍ਰੇਡ-ਇਨ ਵੈਲਿਊ ਤੁਹਾਡੇ ਪੁਰਾਣੇ ਫੋਨ ਦੀ ਕੰਡੀਸ਼ਨ 'ਤੇ ਨਿਰਭਰ ਕਰੇਗੀ।

ਜੇਕਰ ਤੁਸੀਂ ਫੋਨ ਨੂੰ ਐਮਾਜ਼ੋਨ ਤੋਂ ਖ਼ਰੀਦਦੇ ਹੋ ਤਾਂ ਆਈਫੋਨ 15 'ਤੇ ਤੁਹਾਨੂੰ 5000 ਰੁਪਏ ਦਾ ਡਿਸਕਾਊਂਟ ਐੱਚ.ਡੀ.ਐੱਫ.ਸੀ. ਬੈਂਕ ਦੇ ਕਾਰਡ 'ਤੇ ਦਿੱਤਾ ਜਾ ਰਿਹਾ ਹੈ। ਇਸੇ ਤਰ੍ਹਾਂ ਕ੍ਰੋਮਾ 'ਤੇ ਬੇਸ ਮਾਡਲ 'ਤੇ 5,000 ਰੁਪਏ ਅਤੇ ਪ੍ਰੋ ਮਾਡਲਾਂ 'ਤੇ 4,000 ਰੁਪਏ ਦਾ ਡਿਸਕਾਊਂਟ ਐੱਚ.ਡੀ.ਐੱਫ.ਸੀ. ਬੈਂਕ ਕਾਰਡ 'ਤੇ ਦਿੱਤਾ ਜਾ ਰਿਹਾ ਹੈ। ਫਲਿਪਕਾਰਟ 'ਤੇ ਵੀ 5,000 ਰੁਪਏ ਦਾ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਬੈਂਕ ਆਫਰਜ਼ ਤੋਂ ਇਲਾਵਾ ਹਰ ਥਾਂ ਐਕਸਚੇਂਜ ਆਫਰ ਦਾ ਵੀ ਲਾਭ ਦਿੱਤਾ ਜਾ ਰਿਾ ਹੈ। ਤੁਸੀਂ ਪੁਰਾਣੇ ਡਿਵਾਈਸ ਨੂੰ ਦੇ ਕੇ ਨਵੇਂ ਆਈਫੋਨ ਮਾਡਲ 'ਤੇ ਡਿਸਕਾਊਂਟ ਹਾਸਿਲ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ- ਕੀ ਸੁਰੱਖਿਅਤ ਹੈ ਮੋਬਾਇਲ 'ਚ ਸਾਂਭਿਆ ਨਿੱਜੀ ਡਾਟਾ? ਫੋਟੋ-ਵੀਡੀਓ ਸੇਵ ਕਰਨ ਤੋਂ ਪਹਿਲਾਂ ਜਾਣੋ ਖ਼ਾਸ ਗੱਲਾਂ