ਸਿੰਗਲ ਚਾਰਜ ''ਤੇ ਚੱਲੇਗੀ 690KM ! ਹੁੰਡਈ ਨੇ ਲਾਂਚ ਕੀਤੀ ਨਵੀਂ ਧਾਕੜ ਇਲੈਕਟ੍ਰਿਕ SUV

ਗੈਜੇਟ ਡੈਸਕ : ਹੁੰਡਈ ਮੋਟਰ ਇੰਡੀਆ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਪ੍ਰਸਿੱਧ ਇਲੈਕਟ੍ਰਿਕ ਐੱਸ.ਯੂ.ਵੀ. Hyundai Ioniq 5 ਦਾ ਨਵਾਂ ਅਪਡੇਟਿਡ ਮਾਡਲ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਕਾਰ ਵਿੱਚ ਕਈ ਵੱਡੇ ਬਦਲਾਅ ਕੀਤੇ ਹਨ, ਜਿਸ ਵਿੱਚ ਸਭ ਤੋਂ ਖਾਸ ਇਸ ਦੀ ਬੈਟਰੀ ਅਤੇ ਰੇਂਜ ਹੈ।

ਕੀਮਤ ਤੇ ਬੈਟਰੀ ਪਾਵਰ 
ਨਵੀਂ ਹੁੰਡਈ ਆਇਓਨਿਕ 5 ਦੀ ਸ਼ੁਰੂਆਤੀ ਕੀਮਤ 55.70 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ। ਕੰਪਨੀ ਨੇ ਹੁਣ ਇਸ ਵਿੱਚ 84.0 kWh ਦਾ ਵੱਡਾ ਬੈਟਰੀ ਪੈਕ ਦਿੱਤਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਐੱਸ.ਯੂ.ਵੀ. ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 690 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦੀ ਹੈ। ਦੱਸ ਦੇਈਏ ਕਿ ਇਸ ਦਾ ਪੁਰਾਣਾ ਮਾਡਲ 440 ਕਿਲੋਮੀਟਰ ਦੀ ਰੇਂਜ ਦਿੰਦਾ ਸੀ। ਇਸ ਰੇਂਜ ਦੇ ਹਿਸਾਬ ਨਾਲ ਇਹ ਕਾਰ ਦਿੱਲੀ ਤੋਂ ਲਖਨਊ (ਲਗਭਗ 550 ਕਿਲੋਮੀਟਰ) ਤੱਕ ਦਾ ਸਫਰ ਬਿਨਾਂ ਦੁਬਾਰਾ ਚਾਰਜ ਕੀਤੇ ਤੈਅ ਕਰ ਸਕਦੀ ਹੈ।

ਨਵਾਂ ਲੁੱਕ ਤੇ ਡਿਜ਼ਾਈਨ 
ਇਸ ਦੇ ਐਕਸਟੀਰੀਅਰ ਵਿੱਚ ਵੀ ਕਈ ਬਦਲਾਅ ਕੀਤੇ ਗਏ ਹਨ। ਇਸ ਵਿੱਚ ਨਵੇਂ ਫਰੰਟ ਅਤੇ ਰੀਅਰ ਬੰਪਰ, ਨਵੇਂ ਅਲੌਏ ਵ੍ਹੀਲਜ਼ ਅਤੇ ਰੀਅਰ ਸਪੌਇਲਰ ਦਿੱਤੇ ਗਏ ਹਨ, ਜੋ ਇਸ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਪ੍ਰੀਮੀਅਮ ਲੁੱਕ ਦਿੰਦੇ ਹਨ। ਇਹ ਕਾਰ ਚਾਰ ਰੰਗਾਂ- ਗ੍ਰੈਵਿਟੀ ਗੋਲਡ ਮੈਟ, ਮਿਡਨਾਈਟ ਬਲੈਕ ਪਰਲ, ਟਾਈਟਨ ਗ੍ਰੇ ਅਤੇ ਆਪਟਿਕ ਵ੍ਹਾਈਟ ਵਿੱਚ ਉਪਲਬਧ ਹੋਵੇਗੀ।

ਕੈਬਿਨ ਤੇ ਹਾਈ-ਟੈਕ ਫੀਚਰਸ
ਕਾਰ ਦੇ ਅੰਦਰ 12.3-ਇੰਚ ਦਾ ਡੁਅਲ ਇੰਫੋਟੇਨਮੈਂਟ ਤੇ ਇੰਸਟ੍ਰੂਮੈਂਟ ਕਲੱਸਟਰ ਦਿੱਤਾ ਗਿਆ ਹੈ। ਇਸ ਵਿੱਚ ਨਵਾਂ 3-ਸਪੋਕ ਲੈਦਰ ਸਟੀਅਰਿੰਗ ਵ੍ਹੀਲ ਤੇ ਵਾਇਰਲੈੱਸ ਚਾਰਜਿੰਗ ਪੈਡ ਵਰਗੀਆਂ ਸੁਵਿਧਾਵਾਂ ਹਨ। ਸੁਰੱਖਿਆ ਦੇ ਲਿਹਾਜ਼ ਨਾਲ ਇਸ ਵਿੱਚ ਮਲਟੀਪਲ ਏਅਰਬੈਗਸ, EBD ਦੇ ਨਾਲ ABS, ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ (TPMS) ਅਤੇ ਇਲੈਕਟ੍ਰਾਨਿਕ ਸਟੇਬਿਲਟੀ ਕੰਟਰੋਲ (ESC) ਵਰਗੇ ਐਡਵਾਂਸ ਫੀਚਰਸ ਮਿਲਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e