iPhone ਯੂਜਰਜ਼ ਲਈ ਵੱਡੀ ਖ਼ੁਸ਼ਖ਼ਬਰੀ! ਹੁਣ ਇਕ ਫੋਨ 'ਚ ਚਲਾ ਸਕੋਗੇ ਕਈ WhatsApp

ਗੈਜੇਟ ਡੈਸਕ- ਵਟਸਐਪ ਨੇ ਆਈਫੋਨ ਯੂਜ਼ਰਜ਼ ਲਈ ਇਕ ਧਮਾਕੇਦਾਰ ਫੀਚਰ ਲਾਂਚ ਕੀਤਾ ਹੈ, ਜਿਸ ਨਾਲ ਹੁਣ ਇਕ ਹੀ ਡਿਵਾਈਸ 'ਤੇ ਮਲਟੀਪਲ ਵਟਸਐਪ ਅਕਾਊਂਟ ਚਲਾਉਣਾ ਆਸਾਨ ਹੋ ਗਿਆ ਹੈ। ਇਹ ਅਪਡੇਟ iOS ਦੇ ਬੀਟਾ ਵਰਜ਼ਨ 'ਚ ਉਪਲੱਬਧ ਹੈ ਅਤੇ ਜਲਦੀ ਹੀ ਸਾਰੇ ਯੂਜ਼ਰਜ਼ ਤਕ ਪਹੁੰਚੇਗਾ। ਜੇਕਰ ਤੁਹਾਡੇ ਕੋਲ ਪਰਸਨਲ ਅਤੇ ਪ੍ਰੋਫੈਸ਼ਨਲ ਨੰਬਰ ਵੱਖ-ਵੱਖ ਹਨ ਤਾਂ ਇਹ ਤੁਹਾਡੇ ਲਈ ਬੈਸਟ ਸਾਬਿਤ ਹੋਵੇਗਾ। 

ਸਵਿੱਚ ਕਰਨਾ ਆਸਾਨ

ਸੈਟਿੰਗਸ 'ਚ Account List ਨਾਂ ਦਾ ਸੈਕਸ਼ਨ ਆਏਗਾ ਅਤੇ ਫਿਰ QR-ਕੋਡ ਆਈਕਨ ਦੇ ਕੋਲ ਬਟਨ ਹੋਵੇਗਾ, ਜਿਸ ਨਾਲ ਅਕਾਊਂਟ ਬਦਲਣਾ ਆਸਾਨ ਹੋਵੇਗਾ। ਹਰ ਅਕਾਊਂਟ ਦੀ ਚੈਟ ਹਿਸਟਰੀ, ਬੈਕਅਪ, ਪ੍ਰਾਈਵੇਸੀ ਵੱਖ ਹੋਵੇਗੀ। ਖਾਸ ਗੱਲ ਇਹ ਹੈ ਕਿ ਜਦੋਂ ਕੋਈ ਮੈਸੇਜ ਦੂਜੇ ਅਕਾਊਂਟ 'ਤੇ ਆਏਗਾ ਤਾਂ ਨੋਟੀਫਿਕੇਸ਼ਨ 'ਚ ਇਹ ਵੀ ਦਿਸੇਗਾ ਕਿ ਇਹ ਕਿਹੜੇ ਅਕਾਊਂਟ ਦਾ ਮੈਸੇਜ ਹੈ। 

ਸਕਿਓਰਿਟੀ ਫੀਚਰ

ਅਕਾਊਂਟ ਸਵਿੱਚ ਕਰਦੇ ਸਮੇਂ ਐਪ ਲੌਕ (Face ID, ਪਾਸਕੋਡ) ਵੀ ਸਪੋਰਟ ਕਰੇਗਾ, ਜਿਸ ਨਾਲ ਸੁਰੱਖਿਆ ਬਣੀ ਰਹੇਗੀ। ਫਿਲਹਾਲ ਇਹ ਫੀਚਰ ਸੀਮਿਤ ਯੂਜ਼ਰਜ਼ ਲਈ ਟੈਸਟਿੰਗ 'ਚ ਹੈ। ਵਾਈਡਰ ਰੋਲ ਆਊਟ ਦੀ ਤਰੀਕ ਅਜੇ ਤੈਅ ਨਹੀਂ ਹੋਈ। 

ਕਿਉਂ ਖਾਸ ਹੈ ਇਹ ਫੀਚਰ

ਬਹੁਤ ਸਾਰੇ ਆਈਫੋਨ ਯੂਜ਼ਰਜ਼ ਦੋ ਨੰਬਰ (ਪਰਸਨਲ+ਵਰਕ) ਇਸਤੇਮਾਲ ਕਰਦੇ ਹਨ। ਹੁਣ ਉਨ੍ਹਾਂ ਨੂੰ ਵੱਖ ਐਪ ਜਿਵੇਂ (WhatsApp Business) ਦੀ ਲੋੜ ਘੱਟ ਪਵੇਗੀ। ਸਵਿੱਚਿੰਗ ਆਸਾਨ ਹੋਵੇਗੀ ਅਤੇ ਅਕਾਊਂਟਸ ਦੇ ਸੈਟਿੰਗਸ 'ਚ ਮਿਸ਼ਰਣ ਨਹੀਂ ਹੋਵੇਗਾ। ਹਰੇਕ ਅਕਾਊਂਟ ਆਪਣੀ ਪਛਾਣ ਬਣਾਈ ਰੱਖੇਗਾ। ਇਹ ਫੀਚਰ iOS 'ਤੇ ਲੰਬੇ ਸਮੇਂ ਤੋਂ ਮੰਗ 'ਚ ਸੀ ਅਤੇ ਇਸਦੇ ਆਉਣ ਨਾਲ ਵਟਸਐਪ ਯੂਜ਼ਰਜ਼ ਨੂੰ ਜ਼ਿਆਦਾ ਕੰਟਰੋਲ ਅਤੇ ਲਚੀਲਾਪਨ ਮਿਲੇਗਾ। 

ਧਿਆਨ ਦੇਣ ਵਾਲੀਆਂ ਗੱਲਾਂ

ਇਹ ਅਜੇ ਬੀਟਾ ਵਰਜ਼ਨ 'ਚ ਹੈ। ਅਜੇ ਸਾਰੇ ਯੂਜ਼ਰਜ਼ ਦੇ ਫੋਨ 'ਚ ਇਹ ਫੀਚਰ ਨਹੀਂ ਆਇਆ। ਅਕਾਊਂਟ ਜੋੜਨ ਲਈ ਦੂਜਾ ਨੰਬਰ ਜ਼ਰੂਰੀ ਹੋਵੇਗਾ ਅਤੇ ਐਪ ਦਾ ਅਪਡੇਟ ਅਤੇ ਟੈਸਟ ਫਲਾਈਟ ਇੰਸਟਾਲੇਸ਼ਨ ਜ਼ਰੂਰੀ ਹੋ ਸਕਦਾ ਹੈ।