ਫੇਸਬੁੱਕ ਨੂੰ ਲੱਗਾ ਝਟਕਾ, ਜਰਮਨ ਵਟਸਐਪ ਡਾਟਾ ਦੀ ਪ੍ਰੋਸੈਸਿੰਗ ''ਤੇ ਲੱਗੀ ਰੋਕ

ਨਵੀਂ ਦਿੱਲੀ - ਸੋਸ਼ਲ ਮੀਡੀਆ ਨੈੱਟਵਰਕ ਫੇਸਬੁੱਕ ਖ਼ਿਲਾਫ਼ ਜਰਮਨੀ ਦੇ ਡਾਟਾ ਪ੍ਰੋਟੈਕਸ਼ਨ ਰੈਗੁਲੇਟਰ ਨੇ ਸਖ਼ਤ ਕਦਮ ਚੁੱਕਿਆ ਹੈ। ਫੇਸਬੁੱਕ 'ਤੇ ਵਟਸਐਪ ਦੇ ਯੂਜ਼ਰਸ ਤੋਂ ਮਿਲਣ ਵਾਲਾ ਡਾਟਾ ਪ੍ਰੋਸੇਸ ਕਰਣ 'ਤੇ ਰੋਕ ਲਗਾਈ ਜਾ ਰਹੀ ਹੈ ਕਿਉਂਕਿ ਵਟਸਐਪ ਦੀਆਂ ਨਵੀਆਂ ਸ਼ਰਤਾਂ ਨੂੰ ਰੈਗੁਲੇਟਰ ਗੈਰ ਕਾਨੂੰਨੀ ਮਾਨਤਾ ਹੈ।  ਵਟਸਐਪ ਨੇ ਯੂਜ਼ਰਸ ਤੋਂ ਨਵੀਆਂ ਸ਼ਰਤਾਂ ਲਈ ਸਹਿਮਤੀ ਮੰਗੀ ਹੈ ਜਾਂ ਸਰਵਿਸ ਦਾ ਇਸਤੇਮਾਲ ਬੰਦ ਕਰਣ ਨੂੰ ਕਿਹਾ ਹੈ।

ਜਰਮਨੀ ਵਿੱਚ ਹੈਮਬਰਗ ਦੇ ਡਾਟਾ ਪ੍ਰੋਟੈਕਸ਼ਨ ਅਧਿਕਾਰੀ ਜੋਹਾਨਸ ਕੈਸਪਰ ਨੇ ਦੱਸਿਆ ਕਿ ਇਸ ਆਰਡਰ ਵਿੱਚ ਲੱਖਾਂ ਯੂਜ਼ਰਸ ਦੇ ਅਧਿਕਾਰਾਂ ਅਤੇ ਆਜ਼ਾਦੀ ਦੀ ਸੁਰੱਖਿਆ ਕਰਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜੋ ਪੂਰੀ ਜਰਮਨੀ ਵਿੱਚ ਇਸਤੇਮਾਲ ਦੀਆਂ ਸ਼ਰਤਾਂ ਨੂੰ ਆਪਣੀ ਸਹਿਮਤੀ ਦਿੰਦੇ ਹਨ।

ਇਹ ਵੀ ਪੜ੍ਹੋ- ਵਿਆਹ ਦੇ ਸਿਰਫ਼ ਪੰਜ ਘੰਟੇ ਬਾਅਦ ਹੀ ਲਾੜੀ ਨੇ ਤੋੜਿਆ ਦਮ

ਕੈਸਪਰ ਨੇ ਇਸ ਫ਼ੈਸਲੇ ਦਾ ਐਲਾਨ ਵਟਸਐਪ ਦੀਆਂ ਨਵੀਆਂ ਸ਼ਰਤਾਂ ਲਈ ਸਹਿਮਤੀ ਦੇਣ ਦੀ 15 ਮਈ ਦੀ ਸਮਾਂ ਸੀਮਾ ਤੋਂ ਪਹਿਲਾਂ ਕੀਤੀ ਹੈ। ਵਟਸਐਪ ਦੀ ਮਾਲਕ ਫੇਸਬੁੱਕ ਨੇ ਕਿਹਾ ਕਿ ਹੈਮਬਰਗ ਦੀ ਡਾਟਾ ਪ੍ਰੋਟੈਕਸ਼ਨ ਅਥਾਰਿਟੀ ਵਲੋਂ ਚੁੱਕਿਆ ਗਿਆ ਕਦਮ ਉਦੇਸ਼ ਦੀ ਗਲਤ ਸਮਝ 'ਤੇ ਨਿਰਭਰ ਹੈ ਅਤੇ ਇਸ ਦਾ ਕੋਈ ਕਾਨੂੰਨੀ ਆਧਾਰ ਨਹੀਂ ਹੈ । 

ਇਹ ਵੀ ਪੜ੍ਹੋ- ਗੋਆ ਮੈਡੀਕਲ ਕਾਲਜ 'ਚ ਆਕਸੀਜਨ ਸਪਲਾਈ ਰੁਕਣ ਨਾਲ ਗਈ 26 ਮਰੀਜ਼ਾਂ ਦੀ ਜਾਨ

ਰੈਗੁਲੇਟਰ ਦੇ ਇਸ ਕਦਮ ਤੋਂ ਬਾਅਦ ਜਰਮਨੀ ਵਿੱਚ ਫੇਸਬੁੱਕ ਦੀ ਪ੍ਰਾਇਵੇਸੀ ਪਾਲਿਸੀ ਨੂੰ ਲੈ ਕੇ ਇੱਕ ਨਵਾਂ ਮੋਰਚਾ ਖੁੱਲ੍ਹ ਗਿਆ ਹੈ। ਇਸ ਤੋਂ ਪਹਿਲਾਂ ਜਰਮਨੀ ਦਾ ਐਂਟੀਟਰੱਸਟ ਰੈਗੁਲੇਟਰ ਫੇਸਬੁੱਕ ਖ਼ਿਲਾਫ਼ ਇੱਕ ਕਾਨੂੰਨੀ ਮਾਮਲਾ ਲੜ ਰਿਹਾ ਹੈ।

2018 ਤੋਂ ਯੂਰੋਪ ਵਿੱਚ ਆਨਲਾਈਨ ਪ੍ਰਾਇਵੇਸੀ ਯੂਰੋਪੀ ਯੂਨੀਅਨ ਦੇ ਨਿਯਮਾਂ ਦਾ ਵਿਸ਼ਾ ਹੈ, ਜੋ ਜਨਰਲ ਡਾਟਾ ਪ੍ਰੋਟੈਕਸ਼ਨ ਰੈਗੁਲੇਸ਼ਨ (GDPR) ਦੇ ਤਹਿਤ ਆਉਂਦੀ ਹੈ। ਕੈਸਪਰ ਨੇ ਦੱਸਿਆ ਕਿ ਰੈਗੁਲੇਟਰ ਆਪਣੀ ਸ਼ਕਤੀ ਦਾ ਇਸਤੇਮਾਲ ਕਰ ਫੇਸਬੁੱਕ ਰਾਹੀਂ ਵਟਸਐਪ ਯੂਜ਼ਰਸ ਦੇ ਡਾਟਾ ਨੂੰ ਇਕੱਠਾ ਕਰਣ 'ਤੇ ਤਿੰਨ ਮਹੀਨੇ ਦੀ ਰੋਕ ਲਗਾ ਰਿਹਾ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।