ਐਲਨ ਮਸਕ ਦੇ ਟਵਿਟਰ ਨੂੰ ਖਰੀਦਣ ਤੋਂ ਬਾਅਦ ਬੋਲੇ ECO ਪਰਾਗ- ‘ਪਤਾ ਨਹੀਂ ਕਿਹੜੀ ਦਿਸ਼ਾ ’ਚ ਜਾਏਗਾ ਟਵਿਟਰ’
Wednesday, Apr 27, 2022 - 12:21 PM (IST)
ਨਿਊਯਾਰਕ– ਅਰਬਪਤੀ ਕਾਰੋਬਾਰੀ ਐਲਨ ਮਸਕ ਵਲੋਂ ਟਵਿਟਰ ਨੂੰ ਖਰੀਦਣ ਤੋਂ ਬਾਅਦ ਕੰਪਨੀ ਦੇ ਸੀ.ਈ.ਓ. ਪਰਾਗ ਅਗਰਵਾਲ ਨੇ ਚਿੰਤਤ ਮੁਲਾਜ਼ਮਾਂ ਨੂੰ ਕਿਹਾ ਕਿ ਉਨ੍ਹਾਂ ਨਹੀਂ ਪਤਾ ਕਿ 44 ਅਰਬ ਡਾਲਰ ਦੇ ਵੱਡੇ ਸੌਦੇ ਤੋਂ ਬਾਅਦ ਇਹ ਕੰਪਨੀ ਕਿਹੜੀ ਦਿਸ਼ਾ ਵਿਚ ਜਾਏਗੀ।
ਉਨ੍ਹਾਂ ਨੇ ਸੋਮਵਾਰ ਦੁਪਹਿਰ ਕੰਪਨੀ ਦੇ ਮੁਲਾਜ਼ਮਾਂ ਨਾਲ ਇਕ ਮੀਟਿੰਗ ਵਿਚ ਇਹ ਗੱਲ ਕਹੀ। ਅਗਰਵਾਲ ਨੇ ਸਿਰਫ 5 ਮਹੀਨੇ ਪਹਿਲਾਂ ਟਵਿਟਰ ਦੀ ਕਮਾਨ ਸੰਭਾਲੀ ਸੀ। ਟਵਿਟਰ ਦੇ ਬੋਰਡ ਨੇ ਮਸਕ ਦੀ ਲਗਭਗ 44 ਅਰਬ ਡਾਲਰ ਦੀ ਬੋਲੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸਦੇ ਬਾਅਦ ਉਹ ਸੋਸ਼ਲ ਮੀਡੀਆ ਮੰਚ ਦੇ ਮਾਲਕ ਬਣਨ ਦੇ ਬੇਹੱਦ ਨੇੜੇ ਆ ਗਏ ਹਨ। ਇਹ ਸੌਦਾ ਇਸ ਸਾਲ ਪੂਰਾ ਹੋਣ ਦੀ ਉਮੀਦ ਹੈ ਪਰ ਇਸਦੇ ਲਈ ਅਜੇ ਸ਼ੇਅਰਹੋਲਡਰਾਂ ਅਤੇ ਅਮਰੀਕੀ ਰੈਗੂਲੇਟਰਾਂ ਦੀ ਮਨਜ਼ੂਰੀ ਲੈਣੀ ਬਾਕੀ ਹੈ।
ਨਿਊਯਾਰਕ ਟਾਈਮਜ ਨੇ ਅਗਰਵਾਲ ਦੇ ਹਵਾਲੇ ਤੋਂ ਕਿਹਾ ਕਿ ਸਵੀਕਾਰ ਕਰਨਾ ਅਹਿਮ ਹੈ ਕਿ ਜੋ ਹੋ ਰਿਹਾ ਹੈ, ਉਸਦੇ ਬਾਰੇ ਤੁਸੀਂ ਸਾਰਿਆਂ ਨੂੰ ਵੱਖ-ਵੱਖ ਭਾਵਨਾਵਾਂ ਹਨ। ਅਮਰੀਕੀ ਦੈਨਿਕ ਦੇ ਮੁਤਾਬਕ ਅਗਰਵਾਲ ਨੇ ਮੁਲਾਜ਼ਮਾਂ ਨੂੰ ਕਿਹਾ ਕਿ ਉਨ੍ਹਾਂ ਅਨੁਮਾਨ ਹੈ ਕਿ ਸੌਦੇ ਨੂੰ ਪੂਰਾ ਹੋਣ ਵਿਚ 3 ਤੋਂ 6 ਮਹੀਨੇ ਲੱਗ ਸਕਦੇ ਹਨ।
ਇਸ ਦਰਮਿਆਨ ਅਸੀਂ ਪਹਿਲਾਂ ਵਾਂਗ ਹੀ ਟਵਿਟਰ ਦਾ ਸੰਚਾਲਨ ਕਰਦੇ ਰਹਾਂਗੇ। ਅਸੀਂ ਕੰਪਨੀ ਕਿਵੇਂ ਚਲਾਉਂਦੇ ਹਨ, ਅਸੀਂ ਜੋ ਫੈਸਲਾ ਲੈਂਦੇ ਹਨ ਅਤੇ ਜੋ ਹਾਂ-ਪੱਖੀ ਬਦਲਾਅ ਅਸੀਂ ਕਰਦੇ ਹਨ-ਉਹ ਸਾਡੇ ਉੱਪਰ ਨਿਰਭਰ ਕਰੇਗਾ ਅਤੇ ਸਾਡੇ ਕੰਟਰੋਲ ਵਿਚ ਹੋਵੇਗਾ।
ਛਟਾਈ ਦਾ ਖਦਸ਼ਾ
ਹੁਣ ਟਵਿਟਰ ਦੇ ਮੁਲਾਜ਼ਮਾਂ ਦੀ ਕਿਸਮਤ ’ਤੇ ਬੇਯਕੀਨੀ ਦੇ ਬੱਦਲ ਛਾਏ ਹਨ, ਜਿਨ੍ਹਾਂ ਨੇ ਮਸਕ ਵਲੋਂ ਐਕਵਾਇਰ ਦੇ ਮੱਦੇਨਜ਼ਰ ਛਾਂਟੀ ਦਾ ਖਦਸ਼ਾ ਪ੍ਰਗਟਾਇਆ ਸੀ। ਨਿਊਯਾਰਕ ਟਾਈਮਸ ਦੀ ਰਿਪੋਰਟ ਮੁਤਾਬਕ ਇਹ ਸਪਸ਼ਟ ਨਹੀਂ ਹੈ ਕਿ ਟਵਿਟਰ ਨੂੰ ਲੈ ਕੇ ਮਸਕ ਦੀ ਯੋਜਨਾ ਕੀ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਅਜੇ ਇਸ ਸਵਾਲ ਦਾ ਜਵਾਬ ਵੀ ਨਹੀਂ ਹੈ ਕਿ ਉਹ ਕੰਪਨੀ ਦੀ ਅਗਵਾਈ ਕਰਨ ਲਈ ਕਿਸਨੂੰ ਚੁਣਨਗੇ। ਹਾਲਾਂਕਿ, ਘੱਟ ਤੋਂ ਘੱਟ ਸੌਦਾ ਪੂਰਾ ਹੋਣ ਤੱਕ ਅਗਰਵਾਲ ਦੇ ਬਣੇ ਰਹਿਣ ਦੀ ਉਮੀਦ ਹੈ। ਰਿਪੋਰਟ ਮੁਤਾਬਕ ਮੁਲਾਜ਼ਮਾਂ ਦੀ ਮੀਟਿੰਗ ਵਿਚ ਅਗਰਵਾਲ ਨੇ ਅੱਗੇ ਦੀ ਬੇਯਕੀਨੀ ਨੂੰ ਸਵੀਕਾਰ ਕੀਤਾ। ਲੈਣ-ਦੇਣ ਪੂਰਾ ਹੋਣ ਤੋਂ ਬਾਅਦ ਟਵਿਟਰ ਇਕ ਨਿੱਜੀ ਕੰਪਨੀ ਬਣ ਜਾਏਗੀ।
