ਬਜਾਜ ਚੇਤਕ ਦੀ ਵਾਪਸੀ, ਹੁਣ ਸਿੰਗਲ ਚਾਰਜ ''ਚ ਦੌੜੇਗਾ 95 KM

ਆਟੋ ਡੈਸਕ– ਬਜਾਜ ਆਟੋ ਆਪਣੇ ਆਈਕਾਨਿਕ ਚੇਤਕ ਸਕੂਟਰ ਦਾ ਇਲੈਕਟ੍ਰਿਕ ਅਵਤਾਰ ਲੈ ਕੇ ਆਈ ਹੈ। ਬਜਾਜ ਨੇ ਬੁੱਧਵਾਰ ਨੂੰ ਨਵੀਂ ਦਿੱਲੀ ’ਚ ਆਪਣਾ Urbanite ਬ੍ਰਾਂਡ ਤਹਿਤ ਚੇਤਕ ਇਲੈਕਟ੍ਰਿਕ ਸਕੂਟਰ ਪੇਸ਼ ਕੀਤਾ ਹੈ। ਇਹ ਬਜਾਜ ਦਾ ਪਹਿਲਾ ਆਲ ਇਲੈਕਟ੍ਰਿਕ ਸਕੂਟਰ ਹੈ। ਭਾਰਤੀ ਬਾਜ਼ਾਰ ਬਜਾਜ ਦੇ ਇਲੈਕਟ੍ਰਿਕ ਸਕੂਟਰ ਚੇਤਕ ਦਾ ਮੁਕਾਬਲਾ Ather 450 ਅਤੇ Okinawa Praise ਨਾਲ ਹੋਵੇਗਾ। 

ਇਕੋ ਮੋਡ ’ਚ 95 ਕਿਲੋਮੀਟਰ ਹੋਵੇਗੀ ਰੇਂਜ
ਬਜਾਜ ਦਾ ਚੇਤਕ ਇਲੈਕਟ੍ਰਿਕ ਸਕੂਟਰ ਇਕੋ ਮੋਡ ’ਚ 95 ਕਿਲੋਮੀਟਰ ਦੀ ਰੇਂਜ ਆਫਰ ਕਰੇਗਾ। ਉਥੇ ਹੀ ਸਪੋਰਟ ਮੋਡ ’ਚ ਇਹ ਸਕੂਟਰ 85 ਕਿਲੋਮੀਟਰ ਦੀ ਰੇਂਜ ਦੇਵੇਗਾ। ਇਲੈਕਟ੍ਰਿਕ ਸਕੂਟਰ ’ਚ ਕਈ ਪ੍ਰੀਮੀਅਮ ਫੀਚਰਜ਼ ਦਿੱਤੇ ਗਏ ਹਨ। ਬਜਾਜ ਚੇਤਕ ਇਲੈਕਟ੍ਰਿਕ ਸਕੂਟਰ ’ਚ ਫੁਲੀ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਹੋਵੇਗਾ। ਨਾਲ ਹੀ ਸਕੂਟਰ ’ਚ ਪ੍ਰੀਮੀਅਮ ਮੋਟਰਸਾਈਕਲ ਦੀ ਤਰ੍ਹਾਂ ਫਾਬ ਵੀ ਦਿੱਤਾ ਗਿਆ ਹੈ। ਸਕੂਟਰ ’ਚ ਕੀਅ-ਲੈੱਸ ਇਗਨਿਸ਼ਨ ਹੈ ਅਤੇ ਇਹ ਐਪ ਰਾਹੀਂ ਫੁਲੀ ਕੁਨੈਕਟਿਡ ਹੋਵੇਗਾ। ਸਕੂਟਰ ਦੇ ਫਰੰਟ ’ਚ ਹੈੱਡਲੈਂਪਸ ਦੇ ਕਰੀਬ ਇਕ ਓਵਲ LED ਸਟ੍ਰਿਪ ਦਿੱਤੀ ਗਈ ਹੈ। ਸਕੂਟਰ 6 ਕਲਰ ਆਪਸ਼ਨ ’ਚ ਉਪਲੱਬਧ ਹੋਵੇਗਾ। 

ਚੇਤਕ ਇਲੈਕਟ੍ਰਿਕ ’ਚ ਹੋਵੇਗੀ ਫਿਕਸ ਟਾਈਪ ਬੈਟਰੀ
ਲਾਂਚ ਈਵੈਂਟ ’ਚ ਰੋਡ ਟ੍ਰਾਂਸਪੋਰਟ ਅਤੇ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ ਅਤੇ ਨੀਤੀ ਆਯੋਗ ਦੇ ਸੀ.ਈ.ਓ. ਅਮਿਤਾਭ ਕਾਂਤ ਵੀ ਸ਼ਾਮਲ ਹੋਏ। ਬਜਾਜ ਦੇ ਇਲੈਕਟ੍ਰਿਕ ਸਕੂਟਰ ਦਾ ਪ੍ਰੋਡਕਸ਼ਨ ਕੰਪਨ ਦੇ ਚਾਕਨ ਪਲਾਂਟ ’ਚ ਕੀਤਾ ਜਾ ਰਿਹਾ ਹੈ। ਬਜਾਜ ਚੇਤਕ ਇਲੈਕਟ੍ਰਿਕ ਸਕੂਟਰ ਜਨਵਰੀ 2020 ’ਚ ਲਾਂਚ ਹੋਵੇਗਾ ਅਤੇ ਕੰਪਨੀ ਉਦੋਂ ਦੀ ਇਸ ਦੀ ਕੀਮਤ ਦਾ ਐਲਾਨ ਕਰੇਗੀ। ਚੇਤਕ ਇਲੈਕਟ੍ਰਿਕ ਸਕੂਟਰ ’ਚ ਫਿਕਸਡ ਟਾਈਪ ਬੈਟਰੀ ਹੋਵੇਗੀ, ਜੋ ਕਿ ਪੋਰਟੇਬਲ ਨਹੀਂ ਹੈ। ਕੰਪਨੀ ਦੀ ਸਕੂਟਰ ਲਈ ਕਿਸੇ ਸਵੈਪਿੰਗ ਸਟੇਸ਼ਨ ਦੀ ਯੋਜਨਾ ਨਹੀਂ ਹੈ। ਬਜਾਜ ਦੇ ਚੇਤਕ ਇਲੈਕਟ੍ਰਿਕ ਸਕੂਟਰ ’ਚ Li-Ion ਬੈਟਰੀ ਹੋਵੇਗੀ, ਜਿਸ ਨੂੰ ਸਟੈਂਡਰਡ 5-15 amp ਆਊਟਲੇਟ ਨਾਲ ਚਾਰਜ ਕੀਤਾ ਜਾ ਸਕੇਗਾ। ਗਾਹਕ ਹੋਮ ਚਾਰਜਿੰਗ ਸਟੇਸ਼ਨ ਦਾ ਵੀ ਆਪਸ਼ਨ ਚੁਣ ਸਕਦੇ ਹਨ। 

ਬਜਾਜ ਚੇਤਕ ਇਲੈਕਟ੍ਰਿਕ ਨੂੰ ਲੜੀਵਾਰ ਤਰੀਕੇ ਨਾਲ ਦੇਸ਼ ਭਰ ’ਚ ਲਾਂਚ ਕੀਤਾ ਜਾਵੇਗਾ। ਇਲੈਕਟ੍ਰਿਕ ਸਕੂਟਰ ਨੂੰ ਸ਼ੁਰੂਆਤ ’ਚ ਪੁਣੇ ਅਤੇ ਬੈਂਗਲੁਰੂ ’ਚ ਰੋਲਆਊਟ ਕੀਤਾ ਜਾਵੇਗਾ ਅਤੇ ਇਸ ਨੂੰ ਪ੍ਰੋ-ਬਾਈਕਿੰਗ ਨੈੱਟਵਰਕ ਰਾਹੀਂ ਵੇਚਿਆ ਜਾਵੇਗਾ। ਬਜਾਜ ਆਟੋ ਦੇ ਮੈਨੇਜਿੰਗ ਡਾਇਰੈਕਟਰ ਰਾਜੀਵ ਬਜਾਜ ਨੇ ਕੀਮਤ ਦਾ ਖੁਲਾਸਾ ਕੀਤੇ ਬਿਨਾਂ ਕਿਹਾ ਕਿ ਅਸੀਂ ਚੇਤਕ ਇਲੈਕਟ੍ਰਿਕ ਦੀ ਕੀਮਤ ਕਾਫੀ ਆਕਰਸ਼ਕ ਰੱਖਾਂਗੇ।