Apple ਨੇ ਪਹਿਲੀ ਵਾਰ ਲਾਂਚ ਕੀਤਾ ਆਪਣਾ ਫੋਲਡੇਬਲ iPhone, ਜਾਣੋ ਖਾਸ ਫੀਚਰਸ ਤੇ ਕੀਮਤ

ਟੈਕ ਡੈਸਕ : ਐਪਲ ਨੇ ਆਖਰਕਾਰ ਆਪਣਾ ਪਹਿਲਾ ਸਕ੍ਰੀਨ ਮੁੜਨ ਵਾਲਾ ਆਈਫੋਨ ਲਾਂਚ ਕਰ ਦਿੱਤਾ ਹੈ, ਜਿਸ ਦਾ ਨਾਂ 'iPhone Duo' ਰੱਖਿਆ ਗਿਆ ਹੈ। ਇਹ ਨਵਾਂ ਫੋਨ ਸੈਮਸੰਗ ਗਲੈਕਸੀ ਜ਼ੈੱਡ ਫੋਲਡ 8 ਵਰਗੇ ਡਿਜ਼ਾਈਨ ਵਿੱਚ ਪੇਸ਼ ਕੀਤਾ ਗਿਆ ਹੈ। 'iPhone Duo' ਨਾਮ ਦਾ ਇਹ ਫੋਲਡੇਬਲ ਫੋਨ ਜਲਦ ਹੀ ਦੋ ਵੱਖ-ਵੱਖ ਰੰਗਾਂ ਦੇ ਵਿਕਲਪਾਂ ਵਿੱਚ ਵਿਕਰੀ ਲਈ ਉਪਲਬਧ ਹੋਵੇਗਾ। ਪਾਸਪੋਰਟ ਵਰਗੇ ਡਿਜ਼ਾਈਨ ਵਾਲਾ ਇਹ ਫੋਨ ਮੈਗਸੇਫ਼ (MagSafe) ਵਾਇਰਲੈੱਸ ਚਾਰਜਿੰਗ ਸਪੋਰਟ ਨਾਲ ਆਉਂਦਾ ਹੈ।

ਇਹ ਆਈਫੋਨ ਡਿਊ ਐਪਲ ਦੇ ਸਭ ਤੋਂ ਨਵੇਂ ਮੋਬਾਈਲ ਪਲੇਟਫਾਰਮ A20 Pro ਚਿਪਸੈੱਟ ਨਾਲ ਲੈਸ ਹੈ, ਜੋ TSMC ਦੀ 2nm ਪ੍ਰਕਿਰਿਆ 'ਤੇ ਤਿਆਰ ਕੀਤਾ ਗਿਆ ਹੈ। ਇਹੋ ਚਿਪਸੈੱਟ ਕੰਪਨੀ ਦੇ ਨਵੇਂ iPhone 18 Pro ਅਤੇ iPhone 18 Pro Max ਨੂੰ ਵੀ ਪਾਵਰ ਦਿੰਦਾ ਹੈ। ਕੈਮਰਾ ਸੈੱਟਅੱਪ ਦੀ ਗੱਲ ਕਰੀਏ ਤਾਂ ਐਪਲ ਦੇ ਇਸ ਪਹਿਲੇ ਫੋਲਡੇਬਲ ਫੋਨ ਵਿੱਚ ਡਿਊਲ ਰੀਅਰ ਕੈਮਰਾ ਯੂਨਿਟ ਦਿੱਤੀ ਗਈ ਹੈ, ਜਿਸ ਵਿੱਚ ਦੋ 48-ਮੈਗਾਪਿਕਸਲ ਦੇ ਸ਼ੂਟਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਇਸ ਫੋਨ ਦੀ ਅੰਦਰੂਨੀ ਫੋਲਡੇਬਲ ਸਕ੍ਰੀਨ ਅਤੇ ਕਵਰ ਡਿਸਪਲੇਅ ਦੋਵਾਂ 'ਤੇ ਵੀ ਕੈਮਰੇ ਦਿੱਤੇ ਗਏ ਹਨ।

ਇਸ ਦੇ ਨਾਲ ਹੀ ਕੰਪਨੀ ਨੇ iPhone 18 Pro ਦੀ ਭਾਰਤ ਵਿੱਚ ਸ਼ੁਰੂਆਤੀ ਕੀਮਤ 1,64,900 ਰੁਪਏ ਰੱਖੀ ਹੈ। ਜਦਕਿ iPhone 18 Pro Max ਦੀ ਸ਼ੁਰੂਆਤੀ ਕੀਮਤ 1,79,900 ਰੁਪਏ ਰੱਖੀ ਗਈ ਹੈ। ਇਨ੍ਹਾਂ ਦੋਵਾਂ ਹੈਂਡਸੈੱਟਾਂ ਦੇ ਸ਼ੁਰੂਆਤੀ ਵੇਰੀਐਂਟ ਵਿੱਚ ਯੂਜ਼ਰਸ ਨੂੰ 256GB ਦੀ ਇੰਟਰਨਲ ਸਟੋਰੇਜ ਮਿਲੇਗੀ। ਭਾਰਤ ਵਿੱਚ ਇਨ੍ਹਾਂ ਫੋਨਾਂ ਲਈ ਪ੍ਰੀ-ਆਰਡਰ ਸ਼ਨੀਵਾਰ ਤੋਂ ਸ਼ੁਰੂ ਹੋਵੇਗਾ। ਜਦਕਿ ਇਨ੍ਹਾਂ ਦੀ ਓਪਨ ਸੇਲ 18 ਸਤੰਬਰ ਤੋਂ ਸ਼ੁਰੂ ਹੋਵੇਗੀ।

ਐਪਲ ਨੇ ਐਲਾਨ ਕੀਤਾ ਹੈ ਕਿ iPhone Duo ਦੋ ਰੰਗਾਂ ਵਿੱਚ ਉਪਲਬਧ ਹੋਵੇਗਾ: ਸਟਾਰ ਵ੍ਹਾਈਟ ਅਤੇ ਨਾਈਟ ਸਕਾਈ। ਇਸ ਡਿਵਾਈਸ ਦੇ 256 GB ਸਟੋਰੇਜ ਵਾਲੇ ਵੇਰੀਐਂਟ ਦੀ ਕੀਮਤ $1,999 ਤੋਂ ਸ਼ੁਰੂ ਹੁੰਦੀ ਹੈ। ਇਸ ਫੋਲਡੇਬਲ ਸਮਾਰਟਫੋਨ ਲਈ ਪ੍ਰੀ-ਆਰਡਰ 16 ਅਕਤੂਬਰ ਤੋਂ ਸ਼ੁਰੂ ਹੋਣਗੇ ਅਤੇ ਇਸ ਦੀ ਅਧਿਕਾਰਤ ਵਿਕਰੀ 23 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ।