TV ਤੇ ਵੈੱਬ ਸੀਰੀਜ਼ ਦੀ ਮਸ਼ਹੂਰ ਅਦਾਕਾਰਾ ਨੂੰ ਦੇਹ ਵਪਾਰ ''ਚ ਧੱਕਿਆ ! ਪੁਲਸ ਨੇ ਇੰਝ ਕੀਤਾ ਰੈਸਕਿਊ
Sunday, Oct 11, 2026 - 12:57 PM (IST)
ਮਨੋਰੰਜਨ ਡੈਸਕ - ਮਹਾਰਾਸ਼ਟਰ ਦੇ ਠਾਣੇ ਜ਼ਿਲੇ 'ਚ ਪੁਲਸ ਨੇ ਇਕ ਕਥਿਤ ਮਨੁੱਖੀ ਤਸਕਰੀ ਅਤੇ ਦੇਹ ਵਪਾਰ ਦੇ ਇਕ ਰੈਕੇਟ ਦਾ ਪਰਦਾਫਾਸ਼ ਕੀਤਾ ਹੈ ਜੋ ਮਨੋਰੰਜਨ ਉਦਯੋਗ ਦੀਆਂ ਔਰਤਾਂ ਨੂੰ ਦੇਹ ਵਪਾਰ ਲਈ ਮਜਬੂਰ ਕਰ ਰਿਹਾ ਸੀ ਅਤੇ ਇਸ ਦੀ ਜਾਣਕਾਰੀ ਅਧਿਕਾਰੀਆਂ ਨੇ ਐਤਵਾਰ ਨੂੰ ਦਿੱਤੀ। ਮਿਲੀ ਜਾਣਕਾਰੀ ਅਨੁਸਾਰ ਇਹ ਖਬਰ ਸਾਹਮਣੇ ਆਈ ਹੈ ਕਿ ਇਸ ਕਾਰਵਾਈ 'ਚ ਪੁਲਸ ਨੇ ਇਕ 35 ਸਾਲਾ ਟੀਵੀ ਅਧਾਕਾਰਾ ਨੂੰ ਵੀ ਇਸ 'ਚੋਂ ਬਚਾਇਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ 'ਚ ਇਕ ਮਹਿਲਾ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ ਤੇ ਉ ਦੇ ਸਾਥੀ ਦੀ ਭਾਲ ਫਿਲਹਾਲ ਜਾਰੀ ਹੈ।
ਪੁਲਿਸ ਦੇ ਬਿਆਨ ਅਨੁਸਾਰ, ਇਕ ਐੱਨ.ਜੀ.ਓ. ਤੋਂ ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ, ਪੁਲਸ ਨੇ 8 ਅਕਤੂਬਰ ਨੂੰ ਮੀਰਾ-ਭਯੰਦਰ ਰੋਡ 'ਤੇ ਇਕ ਹੋਟਲ 'ਚ ਇਕ ਧੋਖਾਧੜੀ ਗਾਹਕ ਭੇਜਿਆ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਥਾਈਂ ਛਾਪਾ ਮਾਰਿਆ ਅਤੇ ਇਕ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ, ਜਿਸਦੀ ਪਛਾਣ ਤਬੱਸੁਮ ਉਰਫ਼ ਸੋਨੀਆ ਉਮਰ ਕੁਰੈਸ਼ੀ (39) ਵਜੋਂ ਹੋਈ ਹੈ। ਪੁਲਸ ਨੇ ਉਸਨੂੰ ਕਥਿਤ ਤੌਰ 'ਤੇ ਔਰਤਾਂ ਨੂੰ ਦੇਹ ਵਪਾਰ ਲਈ ਮਜਬੂਰ ਕਰਨ ਲਈ ਪੈਸੇ ਲੈਂਦੇ ਹੋਏ ਫੜਿਆ ਗਿਆ ਸੀ।
ਇਸ ਦੌਰਾਨ ਪੁਲਸ ਨੇ ਹੋਰ ਵੇਰਵੇ ਦਿੱਤੇ ਬਿਨਾਂ ਕਿਹਾ ਕਿ ਹਿੰਦੀ ਸੀਰੀਅਲਾਂ ਅਤੇ ਵੈੱਬ ਸੀਰੀਜ਼ 'ਚ ਕੰਮ ਕਰਨ ਵਾਲੀ ਇਕ ਅਦਾਕਾਰਾ ਨੂੰ ਬਚਾਇਆ ਗਿਆ ਹੈ ਅਤੇ ਉਸਨੂੰ ਮੁੰਬਈ ਦੇ ਰੈਸਕਿਊ ਫਾਊਂਡੇਸ਼ਨ 'ਚ ਸੁਰੱਖਿਆ ਹਿਰਾਸਤ 'ਚ ਰੱਖਿਆ ਗਿਆ ਹੈ। ਪੁਲਸ ਮੁਤਾਬਕ ਕੁਰੈਸ਼ੀ ਅਤੇ ਇਕ ਹੋਰ ਆਦਮੀ ਨੇ ਕਥਿਤ ਤੌਰ 'ਤੇ ਮਨੋਰੰਜਨ ਉਦਯੋਗ ਦੀਆਂ ਔਰਤਾਂ, ਖਾਸ ਕਰਕੇ ਟੀਵੀ ਸੀਰੀਅਲਾਂ, ਵੈੱਬ ਸੀਰੀਜ਼ ਅਤੇ ਫੋਟੋਸ਼ੂਟ 'ਚ ਕੰਮ ਕਰਨ ਵਾਲੀਆਂ ਔਰਤਾਂ ਨੂੰ ਦੇਹ ਵਪਾਰ ਲਈ ਮਜਬੂਰ ਕੀਤਾ ਸੀ।
ਬਿਆਨ 'ਚ ਕਿਹਾ ਗਿਆ ਹੈ ਕਿ ਛੱਤੀਸਗੜ੍ਹ ਦੇ ਸਰਗੁਜਾ ਜ਼ਿਲੇ ਦੀ ਰਹਿਣ ਵਾਲੀ ਅਤੇ ਇਸ ਸਮੇਂ ਮੁੰਬਈ ਦੇ ਜੋਗੇਸ਼ਵਰੀ 'ਚ ਰਹਿ ਰਹੀ ਕੁਰੈਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਉਸ ਵਿਰੁੱਧ ਭਾਰਤੀ ਦੰਡ ਸੰਹਿਤਾ ਦੀ ਧਾਰਾ 143 (ਮਨੁੱਖੀ ਤਸਕਰੀ) ਅਤੇ ਅਨੈਤਿਕ ਆਵਾਜਾਈ (ਰੋਕਥਾਮ) ਐਕਟ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ 'ਚ ਅੱਗੇ ਕਿਹਾ ਗਿਆ ਹੈ ਕਿ ਉਸਦੇ ਪੁਰਸ਼ ਸਾਥੀ ਦੀ ਭਾਲ ਜਾਰੀ ਹੈ।
