ਪਿਤਾ ਦੀ ਗੈਰ ਹਜ਼ਾਰੀ ''ਚ ਐਸ਼ਵਰਿਆ ਦਾ ਹੋਇਆ ਸੀ ''ਰੋਕਾ'', ਕਿਉਂ ਬੱਚਨ ਪਰਿਵਾਰ ਕਰ ਰਿਹਾ ਸੀ ਜਲਦਬਾਜ਼ੀ?

ਮੁੰਬਈ (ਬਿਊਰੋ) : ਐਸ਼ਵਰਿਆ ਰਾਏ ਬੱਚਨ ਅਤੇ ਅਭਿਸ਼ੇਕ ਬੱਚਨ ਭਾਰਤੀ ਮਨੋਰੰਜਨ ਉਦਯੋਗ ਦੇ ਸਭ ਤੋਂ ਮਸ਼ਹੂਰ ਜੋੜਿਆਂ 'ਚੋਂ ਇੱਕ ਹਨ। 20 ਅਪ੍ਰੈਲ 2007 ਨੂੰ ਉਨ੍ਹਾਂ ਦਾ ਵਿਆਹ ਬਾਲੀਵੁੱਡ 'ਚ ਇੱਕ ਇਤਿਹਾਸਕ ਘਟਨਾ ਬਣ ਗਿਆ, ਜਿਸ ਨੇ ਲੱਖਾਂ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਪਰ ਉਨ੍ਹਾਂ ਦੇ 'ਰੋਕੇ' ਦੀ ਕਹਾਣੀ ਬਹੁਤ ਘੱਟ ਲੋਕਾਂ ਨੂੰ ਪਤਾ ਹੈ, ਜੋ ਕਿ ਦਿਲ ਨੂੰ ਛੂਹਣ ਵਾਲੇ ਪਲਾਂ ਨਾਲ ਭਰੀ ਹੋਈ ਹੈ, ਜੋ ਐਸ਼ਵਰਿਆ ਨੇ ਖੁਦ ਲੋਕਾਂ ਨਾਲ ਸਾਂਝੀ ਕੀਤੀ ਹੈ। ਰਿਵਾਇਤੀ 'ਰੋਕਾ' ਰਸਮ ਉੱਤਰੀ ਭਾਰਤੀ ਵਿਆਹ ਦੇ ਰੀਤੀ-ਰਿਵਾਜਾਂ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ, ਜੋ ਦੋ ਪਰਿਵਾਰਾਂ ਵਿਚਕਾਰ ਵਚਨਬੱਧਤਾ ਦਾ ਪ੍ਰਤੀਕ ਹੈ। ਹਾਲਾਂਕਿ, ਇੱਕ ਦੱਖਣੀ ਭਾਰਤੀ ਹੋਣ ਦੇ ਨਾਤੇ ਐਸ਼ਵਰਿਆ ਰਾਏ ਇਸ ਖ਼ਾਸ ਰਸਮ ਤੋਂ ਜਾਣੂ ਨਹੀਂ ਸੀ। ਹਾਲ ਹੀ 'ਚ ਐਸ਼ਵਰਿਆ ਨੇ ਉਨ੍ਹਾਂ ਘਟਨਾਵਾਂ ਬਾਰੇ ਗੱਲ ਕੀਤੀ, ਜੋ ਸਾਹਮਣੇ ਆਈਆਂ ਜਦੋਂ ਬੱਚਨ ਪਰਿਵਾਰ ਨੇ ਅਭਿਸ਼ੇਕ ਦੇ ਪ੍ਰਪੋਜ਼ ਤੋਂ ਤੁਰੰਤ ਬਾਅਦ ਇੱਕ ਰੋਕਾ ਸਮਾਰੋਹ ਆਯੋਜਿਤ ਕਰਨ ਦਾ ਫੈਸਲਾ ਕੀਤਾ।

ਐਸ਼ਵਰਿਆ ਦਾ ਰੋਕਾ
ਆਪਣੀਆਂ ਯਾਦਾਂ ਤਾਜ਼ਾ ਕਰਦੀ ਹੋਏ ਐਸ਼ਵਰਿਆ ਨੇ ਦੱਸਿਆ ਕਿ ਇਹ ਘਟਨਾ ਅਚਾਨਕ ਵਾਪਰੀ ਅਤੇ ਇੱਥੋਂ ਤੱਕ ਕਿ ਮੇਰੇ ਪਿਤਾ ਦੀ ਮੌਜੂਦਗੀ ਤੋਂ ਬਿਨਾਂ ਹੋਇਆ। ਮੇਰੇ ਪਿਤਾ ਉਸ ਸਮੇਂ ਸ਼ਹਿਰ ਤੋਂ ਬਾਹਰ ਸਨ ਅਤੇ ਬੱਚਨ ਪਰਿਵਾਰ ਰੋਕਾ ਲਈ ਉਨ੍ਹਾਂ ਘਰ ਆਇਆ ਸੀ। ਐਸ਼ਵਰਿਆ ਨੇ ਦੱਸਿਆ, "ਮੈਨੂੰ ਇਹ ਵੀ ਨਹੀਂ ਪਤਾ ਸੀ ਕਿ 'ਰੋਕਾ' ਸਮਾਰੋਹ ਨਾਂ ਦੀ ਕੋਈ ਚੀਜ਼ ਜਾਂ ਰਸਮ ਹੈ। ਅਸੀਂ ਦੱਖਣੀ ਭਾਰਤੀ ਹਾਂ, ਇਸ ਲਈ ਮੈਨੂੰ ਨਹੀਂ ਪਤਾ ਕਿ 'ਰੋਕਾ' ਕੀ ਹੈ ਅਤੇ ਅਚਾਨਕ ਮੈਨੂੰ ਉਸ ਦੇ ਘਰ ਤੋਂ ਸਾਡੇ ਘਰ ਫੋਨ ਆਇਆ। ਅਸੀਂ ਆ ਰਹੇ ਹਾਂ।" ਅਭਿਸ਼ੇਕ ਨੇ ਕਿਹਾ, 'ਅਸੀਂ ਸਾਰੇ ਆ ਰਹੇ ਹਾਂ ਅਤੇ ਮੈਂ ਪਾਪਾ ਨੂੰ ਨਹੀਂ ਰੋਕ ਸਕਦਾ। ਅਸੀਂ ਰਸਤੇ 'ਚ ਹਾਂ। ਅਸੀਂ ਤੁਹਾਡੇ ਘਰ ਆ ਰਹੇ ਹਾਂ।" ਮੈਂ ਕਿਹਾ, 'ਹੇ ਭਗਵਾਨ!' ਉਦੋਂ ਹੀ ਐਸ਼ਵਰਿਆ ਨੂੰ ਅਹਿਸਾਸ ਹੋਇਆ ਕਿ ਰੋਕਾ ਹੋ ਰਿਹਾ ਹੈ, ਭਾਵੇਂ ਉਹ ਪੂਰੀ ਤਰ੍ਹਾਂ ਤਿਆਰ ਸੀ ਜਾਂ ਨਹੀਂ।

ਐਸ਼ਵਰਿਆ ਦਾ ਰੋਕਾ ਉਸ ਦੇ ਪਿਤਾ ਤੋਂ ਬਿਨਾਂ ਹੋਇਆ
ਰੋਕਾ ਰੀਤੀ ਨਾਲ ਅੱਗੇ ਵਧਣ ਦੀ ਇਸ ਜਲਦਬਾਜ਼ੀ ਨੇ ਐਸ਼ਵਰਿਆ ਅਤੇ ਉਸ ਦੀ ਮਾਂ ਵਰਿੰਦਾ ਰਾਏ ਨੂੰ ਪੂਰੀ ਤਰ੍ਹਾਂ ਹੈਰਾਨ ਕਰ ਦਿੱਤਾ। ਜਦੋਂ ਤੱਕ ਬੱਚਨ ਪਰਿਵਾਰ ਉਨ੍ਹਾਂ ਦੇ ਘਰ ਨਹੀਂ ਪਹੁੰਚਿਆ ਉਦੋਂ ਤੱਕ ਉਨ੍ਹਾਂ ਨੂੰ ਸਮਝ ਨਹੀਂ ਸੀ ਆ ਰਹੀ ਕਿ ਇਹ ਕੀ ਹੋ ਰਿਹਾ ਹੈ। ਐਸ਼ਵਰਿਆ ਨੇ ਕਬੂਲ ਕੀਤਾ ਕਿ ਮੈਨੂੰ ਅਤੇ ਮੇਰੀ ਮਾਂ ਨੂੰ ਕੁਝ ਪਤਾ ਨਹੀਂ ਸੀ। ਐਸ਼ਵਰਿਆ ਰੋਕਾ ਦੌਰਾਨ ਆਪਣੀ ਮਾਂ ਵੱਲ ਮੁੜੀ ਅਤੇ ਪੁੱਛਿਆ, "ਮੰਮੀ, ਠੀਕ ਹੈ...ਕੀ ਇਹ ਮੰਗਣੀ ਹੈ?"

ਐਸ਼ਵਰਿਆ ਦੀ ਨਵੀਂ ਸ਼ੁਰੂਆਤ
ਅਭਿਸ਼ੇਕ ਅਤੇ ਐਸ਼ਵਰਿਆ ਦਾ ਰਿਸ਼ਤਾ ਪਹਿਲਾਂ ਹੀ ਕਾਫੀ ਦਿਲਚਸਪੀ ਲੈ ਚੁੱਕਾ ਸੀ ਪਰ ਉਨ੍ਹਾਂ ਦੇ ਅਚਾਨਕ ਰੋਕੇ ਦੀ ਕਹਾਣੀ ਨੇ ਜੋੜੇ ਦੀ ਖਿੱਚ ਨੂੰ ਹੋਰ ਵਧਾ ਦਿੱਤਾ। 'ਰੋਕਾ' ਸੈਰੇਮਨੀ ਤੋਂ ਬਾਅਦ ਦੋਹਾਂ ਪਰਿਵਾਰਾਂ ਦਾ ਪਿਆਰ ਅਤੇ ਰਿਸ਼ਤਾ ਹੋਰ ਵੀ ਮਜ਼ਬੂਤ ​​ਹੋ ਗਿਆ। ਐਸ਼ਵਰਿਆ ਜਲਦੀ ਹੀ ਬੱਚਨ ਪਰਿਵਾਰ ਦੀ ਪਿਆਰੀ ਮੈਂਬਰ ਬਣ ਗਈ। ਉਸ ਦੀ ਸੱਸ ਜਯਾ ਬੱਚਨ ਅਤੇ ਸਹੁਰੇ ਅਮਿਤਾਭ ਬੱਚਨ ਨੇ ਐਸ਼ਵਰਿਆ ਨੂੰ ਆਪਣੇ ਪਰਿਵਾਰ 'ਚ ਸ਼ਾਮਲ ਕਰਨ 'ਤੇ ਹਮੇਸ਼ਾ ਮਾਣ ਜਤਾਇਆ ਹੈ।