ਅਮਿਤਾਭ ਬੱਚਨ ਦੇ ਇਕ ਕਦਮ ਨੇ ਸ਼ੇਅਰ ਬਾਜ਼ਾਰ ''ਚ ਮਚਾਈ ਹਲਚਲ ! 5 ਫ਼ੀਸਦੀ ਤੱਕ ਚੜ੍ਹ ਗਏ ਇਸ ਕੰਪਨੀ ਦੇ ਸਟਾਕ

ਨਵੀਂ ਦਿੱਲੀ (ਏਜੰਸੀ)- ਅਦਾਕਾਰ ਅਮਿਤਾਭ ਬੱਚਨ ਨੇ ਸਟੀਲ ਵਾਇਰ ਨਿਰਮਾਤਾ ਡੀਪੀ ਵਾਇਰਜ਼ ਲਿਮਟਿਡ ਵਿੱਚ ਆਪਣੀ ਹਿੱਸੇਦਾਰੀ ਦਾ ਕੁਝ ਹਿੱਸਾ ਵੇਚ ਦਿੱਤਾ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਲਗਭਗ 1.64 ਕਰੋੜ ਰੁਪਏ ਪ੍ਰਾਪਤ ਹੋਏ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਆਮ ਤੌਰ 'ਤੇ ਜਦੋਂ ਕੋਈ ਵੱਡਾ ਨਿਵੇਸ਼ਕ ਸ਼ੇਅਰ ਵੇਚਦਾ ਹੈ ਤਾਂ ਕੀਮਤਾਂ ਡਿੱਗਦੀਆਂ ਹਨ, ਪਰ ਇਸ ਮਾਮਲੇ ਵਿੱਚ ਕੰਪਨੀ ਦੇ ਸ਼ੇਅਰ ਬੁੱਧਵਾਰ ਨੂੰ 5% ਤੱਕ ਚੜ੍ਹ ਗਏ।

ਇਹ ਵੀ ਪੜ੍ਹੋ: 7 ਵਾਰ IVF ਫੇਲ੍ਹ ਹੋਣ ਮਗਰੋਂ ਜੁੜਵਾਂ ਬੱਚਿਆਂ ਦੀ ਮਾਂ ਬਣੀ ਮਸ਼ਹੂਰ ਅਦਾਕਾਰਾ, ਆਪਣੀ ਜਰਨੀ ਯਾਦ ਕਰ ਹੋਈ ਭਾਵੁਕ

ਨੈਸ਼ਨਲ ਸਟਾਕ ਐਕਸਚੇਂਜ (NSE) 'ਤੇ ਉਪਲਬਧ ਅੰਕੜਿਆਂ ਅਨੁਸਾਰ, ਅਮਿਤਾਭ ਹਰਿਵੰਸ਼ ਰਾਏ ਬੱਚਨ ਨੇ ਮੱਧ ਪ੍ਰਦੇਸ਼ ਸਥਿਤ ਕੰਪਨੀ ਦੇ 1,23,622 ਸ਼ੇਅਰ ਮੰਗਲਵਾਰ ਨੂੰ ਔਸਤਨ 200.84 ਰੁਪਏ ਪ੍ਰਤੀ ਸ਼ੇਅਰ ਦੀ ਕੀਮਤ 'ਤੇ ਵੇਚੇ। ਇਸ ਦੇ ਨਾਲ ਹੀ ਅਦਾਕਾਰ ਨੇ 41,566 ਸ਼ੇਅਰ 199.90 ਰੁਪਏ ਪ੍ਰਤੀ ਸ਼ੇਅਰ ਦੀ ਔਸਤ ਕੀਮਤ 'ਤੇ ਦੁਬਾਰਾ ਖਰੀਦ ਲਏ। ਕੁੱਲ ਮਿਲਾ ਕੇ ਉਹ 82,056 ਸ਼ੇਅਰਾਂ ਦੇ ਨੈੱਟ ਸੈਲਰ ਰਹੇ। ਇਸ ਵਿਕਰੀ ਦੇ ਬਾਵਜੂਦ, ਬੱਚਨ ਅਜੇ ਵੀ ਕੰਪਨੀ ਦੇ ਇੱਕ ਮਹੱਤਵਪੂਰਨ ਨਿਵੇਸ਼ਕ ਹਨ, ਕਿਉਂਕਿ ਜਨਵਰੀ-ਮਾਰਚ ਤਿਮਾਹੀ ਦੇ ਅੰਤ ਤੱਕ ਬੱਚਨ ਕੋਲ ਡੀਪੀ ਵਾਇਰਜ਼ ਵਿੱਚ 2.11 ਫੀਸਦੀ ਹਿੱਸੇਦਾਰੀ (ਯਾਨੀ 3.27 ਲੱਖ ਸ਼ੇਅਰ) ਦੀ ਹਿੱਸੇਦਾਰੀ ਸੀ। 

ਇਹ ਵੀ ਪੜ੍ਹੋ: ਮਸ਼ਹੂਰ ਅਦਾਕਾਰਾ ਨੇ ਵਿਆਹ ਦੇ 6 ਮਹੀਨਿਆਂ ਬਾਅਦ ਸੁਣਾਈ GOOD NEWS !

ਬਾਜ਼ਾਰ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਨਿਵੇਸ਼ਕਾਂ ਨੇ ਇਸ ਵਿਕਰੀ ਨੂੰ ਕੰਪਨੀ ਦੇ ਭਵਿੱਖ ਬਾਰੇ ਕਿਸੇ ਨਕਾਰਾਤਮਕ ਸੰਕੇਤ ਵਜੋਂ ਨਹੀਂ, ਸਗੋਂ ਸਿਰਫ਼ 'ਮੁਨਾਫਾ ਵਸੂਲੀ' ਵਜੋਂ ਲਿਆ ਹੈ। ਇਹੀ ਕਾਰਨ ਹੈ ਕਿ ਪਿਛਲੇ ਤਿੰਨ ਕਾਰੋਬਾਰੀ ਦਿਨਾਂ ਵਿੱਚ ਇਸ ਸਟਾਕ ਵਿੱਚ ਲਗਭਗ 21% ਦੀ ਤੇਜ਼ੀ ਆਈ ਹੈ। ਬੁੱਧਵਾਰ ਨੂੰ ਇਹ ਸ਼ੇਅਰ 213.25 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ।

ਇਹ ਵੀ ਪੜ੍ਹੋ: 2 ਸਾਲਾਂ ਤੋਂ ਆਪਣੀ ਹੀ ਆਵਾਜ਼ ਸੁਣਨ ਨੂੰ ਤਰਸੀ ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ, ਇਸ ਬਿਮਾਰੀ ਨਾਲ ਹੈ ਪੀੜਤ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e