ਲੰਡਨ ਦੇ ਹੋਟਲ ’ਚ ਵਿਰਾਟ ਦੀ ਧੀ ਦਾ ਸ਼ਾਨਦਾਰ ਸਵਾਗਤ, ਅਨੁਸ਼ਕਾ ਨੇ ਸਾਂਝੀ ਕੀਤੀ ਝਲਕ

ਮੁੰਬਈ: ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਦੇ ਪਤੀ ਵਿਰਾਟ ਕੋਹਲੀ ਅਤੇ ਧੀ ਵਾਮਿਕਾ ਦੇ ਨਾਲ ਇਨੀਂ ਦਿਨੀਂ ਇੰਗਲੈਂਡ ’ਚ ਹਨ ਜਿਥੋਂ ਉਹ ਲਗਾਤਾਰ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਅਪਡੇਟ ਦਿੰਦੇ ਰਹਿੰਦੇ ਹਨ। ਹਾਲ ਹੀ ’ਚ ਅਦਾਕਾਰਾ ਦੀ ਧੀ ਨੂੰ ਲੰਡਨ ਦੇ ਇਕ ਹੋਟਲ ਦੇ ਸਟਾਫ ਨੇ ਪਿਆਰਾ ਜਿਹਾ ਸਰਪ੍ਰਾਈਜ਼ ਦਿੱਤਾ, ਜਿਸ ਦੀ ਤਸਵੀਰ ਅਦਾਕਾਰਾ ਦੇ ਪ੍ਰਸ਼ੰਸਕਾਂ ਨੇ ਸ਼ੇਅਰ ਕੀਤੀ। ਅਨੁਸ਼ਕਾ ਦੀ ਇਹ ਨਵੀਂ ਇੰਸਟਾ ਸਟੋਰੀ ਖ਼ੂਬ ਪਸੰਦ ਕੀਤੀ ਜਾ ਰਹੀ ਹੈ। 

ਦਰਅਸਲ ਅਨੁਸ਼ਕਾ ਅਤੇ ਵਿਰਾਟ ਲੰਡਨ ਦੇ ਤਾਜ਼ ਹੋਟਲ ’ਚ ਰੁਕੇ ਹਨ, ਜਿਥੇ ਦੇ ਹੋਟਲ ਸਟਾਫ ਨੇ 7 ਮਹੀਨੇ ਦੀ ਵਾਮਿਕਾ ਲਈ ਇਹ ਪਿਆਰਾ ਜਿਹਾ ਨੋਟ ਲਿਖਿਆ। ਸਟਾਫ ਵਲੋਂ ਧੀ ਲਈ ਇਹ ਪਿਆਰ ਦੇਖ ਕੇ ਅਦਾਕਾਰਾ ਬਹੁਤ ਖੁਸ਼ ਹੋਈ ਅਤੇ ਉਨ੍ਹਾਂ ਨੇ ਇਸ ਦੀ ਤਸਵੀਰ ਕਲਿੱਕ ਕਰਕੇ ਪ੍ਰਸ਼ੰਸਕਾਂ ਦੇ ਨਾਲ ਸਾਂਝੀ ਕਰ ਦਿੱਤੀ।

ਤਸਵੀਰ ’ਚ ਦੇਖਿਆ ਜਾ ਸਕਦਾ ਹੈ ਕਿ ਕਮਰੇ ’ਚ ਇਕ ਵੱਡਾ ਜਿਹਾ ਗੁਬਾਰਾ ਨਜ਼ਰ ਆ ਰਿਹਾ ਹੈ ਜੋ ਇਕ ਖਿਲੌਨੇ ਨਾਲ ਬੰਨਿ੍ਹਆ ਹੈ ਅਤੇ ਸੋਫੇ ’ਤੇ ਰੱਖਿਆ ਹੈ। ਇਸ ਬੈਲੂਨ ’ਤੇ ਲਿਖਿਆ ਹੈ ‘ਵੈੱਲਕਮ ਬੈਕ’ ਡੀਅਰ ਵਾਮਿਕਾ।
ਦੱੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਅਨੁਸ਼ਕਾ ਸ਼ਰਮਾ ਨੇ ਲੰਡਨ ’ਚ ਪਤੀ ਵਿਰਾਟ ਨਾਲ ਸਮਾਂ ਬਿਤਾਉਂਦੇ ਹੋਏ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ ਜਿਨ੍ਹਾਂ ਨੂੰ ਪ੍ਰਸ਼ੰਸਕਾਂ ਵਲੋਂ ਖ਼ੂਬ ਪਸੰਦ ਕੀਤਾ ਗਿਆ ਸੀ।