Tripti Dimri ਨੂੰ ਦਿਨ 'ਚ ਪੰਜ ਵਾਰ ਪੈਂਦੀ ਸੀ ਮਾਰ, ਖੁਦ ਕੀਤਾ ਖੁਲਾਸਾ

ਮੁੰਬਈ- ਤ੍ਰਿਪਤੀ ਡਿਮਰੀ ਇਸ ਸਮੇਂ ਹਰ ਕਿਸੇ ਦੀ ਮਨਪਸੰਦ ਅਦਾਕਾਰਾ ਬਣੀ ਹੋਈ ਹੈ। ਜਦੋਂ ਤੋਂ ਉਨ੍ਹਾਂ ਨੇ ਫਿਲਮ ‘Animal’ ‘ਚ ਕੰਮ ਕੀਤਾ ਹੈ, ਉਨ੍ਹਾਂ ਨੂੰ ਲਗਾਤਾਰ ਫਿਲਮਾਂ ਵਿੱਚ ਕੰਮ ਮਿਲ ਰਿਹਾ ਹੈ। ਅਦਾਕਾਰਾ ਦੀਆਂ ਇਕ ਤੋਂ ਬਾਅਦ ਇਕ ਫਿਲਮਾਂ ਆ ਰਹੀਆਂ ਹਨ। ਹਾਲ ਹੀ ‘ਚ ਉਨ੍ਹਾਂ ਦੀ ਫਿਲਮ ‘ਵਿੱਕੀ ਵਿਦਿਆ ਕਾ ਵੋਹ ਵਾਲਾ ਵੀਡੀਓ’ ਰਿਲੀਜ਼ ਹੋਈ ਹੈ।ਹੁਣ ਉਨ੍ਹਾਂ ਦੀ ਫਿਲਮ ‘ਭੂਲ ਭੁਲਈਆ 3’ ਜਲਦ ਹੀ ਆਉਣ ਵਾਲੀ ਹੈ। ਅਜਿਹੇ ‘ਚ ਹਰ ਪਾਸੇ ਉਨ੍ਹਾਂ ਦੀ ਚਰਚਾ ਹੋ ਰਹੀ ਹੈ। ਅੱਜ ਅਸੀਂ ਤੁਹਾਨੂੰ ਤ੍ਰਿਪਤੀ ਡਿਮਰੀ ਨਾਲ ਜੁੜੀਆਂ ਕੁਝ ਗੱਲਾਂ ਦੱਸਣ ਜਾ ਰਹੇ ਹਾਂ ਜੋ ਤ੍ਰਿਪਤੀ ਦੇ ਸਭ ਤੋਂ ਵੱਡੇ ਫੈਨ ਵੀ ਨਹੀਂ ਜਾਣਦੇ ਹੋਣਗੇ।

ਇਹ ਖ਼ਬਰ ਵੀ ਪੜ੍ਹੋ - ਕੰਨੜ ਅਦਾਕਾਰ ਦਰਸ਼ਨ ਨੂੰ ਵੱਡਾ ਝਟਕਾ, ਜੇਲ੍ਹ 'ਚ ਹੀ ਕੱਟਣਗੀਆਂ ਹੁਣ ਰਾਤਾਂ

ਭਾਵੇਂ ਤ੍ਰਿਪਤੀ ਪਰਦੇ ‘ਤੇ ਬਹੁਤ ਬੋਲਡ ਦਿਖਦੀ ਹੈ ਪਰ ਆਫ-ਸਕ੍ਰੀਨ ਉਹ ਕਾਫ਼ੀ ਸ਼ਾਂਤ ਨਜ਼ਰ ਆਉਂਦੀ ਹੈ। ਇਸ ਦੇ ਨਾਲ ਹੀ, ਕੀ ਤੁਸੀਂ ਕਦੇ ਇਸ ਬਾਰੇ ਸੋਚਿਆ ਹੈ ਕਿ ਤ੍ਰਿਪਤੀ ਬਚਪਨ ਵਿੱਚ ਕਿਹੋ ਜਿਹੀ ਸੀ? ਅਦਾਕਾਰਾ ਨੇ ਆਪਣੇ ਇੱਕ ਇੰਟਰਵਿਊ ਵਿੱਚ ਆਪਣੇ ਬਚਪਨ ਬਾਰੇ ਕਈ ਖੁਲਾਸੇ ਕੀਤੇ ਹਨ। ਤ੍ਰਿਪਤੀ ਡਿਮਰੀ ਨੇ ਖੁਲਾਸਾ ਕੀਤਾ ਕਿ ਉਹ ਬਹੁਤ ਸ਼ਰਾਰਤੀ ਅਤੇ ਜ਼ਿੱਦੀ ਬੱਚੀ ਸੀ। ਜੇ ਕੋਈ ਉਨ੍ਹਾਂ ਨੂੰ ਕੋਈ ਕੰਮ ਕਰਨ ਤੋਂ ਮਨ੍ਹਾ ਕਰਦਾ ਤਾਂ ਉਹ ਜ਼ਰੂਰ ਕਰਦੀ ਸੀ।ਅਦਾਕਾਰਾ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਉਹ ਹਰ ਰੋਜ਼ ਰੋਣ ਤੋਂ ਬਾਅਦ ਹੀ ਸਕੂਲ ਜਾਂਦੀ ਸੀ। ਇੰਨਾ ਹੀ ਨਹੀਂ ਉਹ ਇੰਨੀ ਸ਼ਰਾਰਤੀ ਸੀ ਕਿ ਨਾ ਤਾਂ ਕਲਾਸ ਦੇ ਅੱਗੇ ਅਤੇ ਨਾ ਹੀ ਪਿੱਛੇ ਬੈਠਦੀ ਸੀ। ਉਹ ਜਾਣਬੁੱਝ ਕੇ ਵਿਚਕਾਰ ਬੈਠਦੀ ਸੀ, ਕਿਉਂਕਿ ਅੱਗੇ ਅਤੇ ਪਿੱਛੇ ਬੈਠੇ ਬੱਚਿਆਂ ਵੱਲ ਜ਼ਿਆਦਾ ਧਿਆਨ ਦਿੱਤਾ ਜਾਂਦਾ ਹੈ, ਇਸ ਲਈ ਵਿਚਕਾਰ ਬੈਠਣਾ ਇੱਕ ਸੁਰੱਖਿਅਤ ਵਿਕਲਪ ਹੁੰਦਾ ਸੀ।

ਇਹ ਖ਼ਬਰ ਵੀ ਪੜ੍ਹੋ -ਸੈਫ ਅਲੀ ਖ਼ਾਨ ਤੀਜੀ ਵਾਰ ਕਰਨ ਜਾ ਰਹੇ ਵਿਆਹ ! ਜਾਣੋ ਕੀ ਹੈ ਕਾਰਨ

ਤ੍ਰਿਪਤੀ ਡਿਮਰੀ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਜਦੋਂ ਤੱਕ ਉਸ ਨੂੰ ਦਿਨ ਵਿੱਚ 5 ਵਾਰ ਕੁੱਟਿਆ ਨਹੀਂ ਜਾਂਦਾ ਸੀ, ਉਸ ਦਾ ਦਿਨ ਪੂਰਾ ਨਹੀਂ ਹੁੰਦਾ ਸੀ। ਤ੍ਰਿਪਤੀ ਨੇ ਇਹ ਵੀ ਦੱਸਿਆ ਕਿ ਉਸ ਨੂੰ ਕਦੋਂ ਤੇ ਕਿਸ ਵੱਲੋਂ ਮਾਰ ਪੈਂਦੀ ਸੀ। ਅਦਾਕਾਰਾ ਨੇ ਦੱਸਿਆ ਕਿ ਉਸ ਨੂੰ ਸ਼ੁਰੂ ਤੋਂ ਹੀ ਆਪਣੀ ਮਾਂ ਤੋਂ ਮਾਰ ਪੈਂਦੀ ਸੀ। ਫਿਰ ਉਸ ਨੂੰ ਸਕੂਲ ਵਿਚ ਅਧਿਆਪਕ ਤੋਂ ਮਾਰ ਪੈਂਦੀ ਸੀ, ਫਿਰ ਟਿਊਸ਼ਨ ਅਧਿਆਪਕ ਤੋਂ, ਫਿਰ ਬਸਤੀ ਵਿਚ ਬੱਚਿਆਂ ਤੋਂ ਅਤੇ ਅੰਤ ਵਿਚ ਉਸ ਦੇ ਪਿਤਾ ਤੋਂ ਉਸ ਨੂੰ ਮਾਰ ਪੈਂਦੀ ਸੀ। ਇਸ ਤੋਂ ਬਾਅਦ ਹੀ ਉਸ ਦਾ ਦਿਨ ਖਤਮ ਹੁੰਦਾ ਸੀ। ਇਸ ਕਾਰਨ ਉਹ ਇੰਨੀ ਢੀਠ ਹੋ ਗਈ ਕਿ ਉਹ ਸੋਚਦੀ ਸੀ ਕਿ ‘ਮੈਨੂੰ ਜ਼ਿਆਦਾ ਤੋਂ ਜ਼ਿਆਦਾ ਕੀ ਕਰਨਗੇ, ਮਾਰਨਗੇ ਹੀ, ਕੋਈ ਨਾ ਮਾਰ ਲੈਣ।’

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।