‘ਬਿੱਗ ਬੌਸ’ ’ਚ ਲੜਾਈ ਕਰਨ ’ਤੇ ਇਸ ਮੁਕਾਬਲੇਬਾਜ਼ ਨੂੰ ਕੱਢਿਆ ਬਾਹਰ, ਦੇਖੋ ਵੀਡੀਓਜ਼

ਮੁੰਬਈ (ਬਿਊਰੋ)– ਜਿਵੇਂ-ਜਿਵੇਂ ਵੀਕੈਂਡ ਨੇੜੇ ਆਉਂਦਾ ਹੈ, ‘ਬਿੱਗ ਬੌਸ’ ਦੇ ਘਰ ’ਚ ਹਮੇਸ਼ਾ ਕੋਈ ਨਾ ਕੋਈ ਹੰਗਾਮਾ ਹੁੰਦਾ ਹੈ। ਇਸ ਵਾਰ ‘ਵੀਕੈਂਡ ਕਾ ਵਾਰ’ ਤੋਂ ਪਹਿਲਾਂ ‘ਬਿੱਗ ਬੌਸ’ ਦੇ ਘਰ ’ਚ ਜੋ ਹਫੜਾ-ਦਫੜੀ ਮਚ ਗਈ ਸੀ, ਉਹ ਇਸ ਸੀਜ਼ਨ ’ਚ ਹੁਣ ਤੱਕ ਨਹੀਂ ਹੋਈ ਹੈ। ਦਰਅਸਲ ਸੋਸ਼ਲ ਮੀਡੀਆ ’ਤੇ ਤਹਿਲਕਾ ਯਾਨੀ ਸੰਨੀ ਆਰਿਆ ਤੇ ਅਭਿਸ਼ੇਕ ਕੁਮਾਰ ਦੀ ਲੜਾਈ ਦੀਆਂ ਕੁਝ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ’ਚ ਅਭਿਸ਼ੇਕ ਚੀਕਦੇ ਨਜ਼ਰ ਆ ਰਹੇ ਹਨ, ਜਦਕਿ ਸੰਨੀ ਆਰਿਆ ਸਰੀਰਕ ਤੌਰ ’ਤੇ ਹਮਲਾ ਕਰਦੇ ਨਜ਼ਰ ਆ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਤਹਿਲਕਾ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ, ਹਾਲਾਂਕਿ ਇਸ ਦੀ ਪੁਸ਼ਟੀ ਅਜੇ ਨਹੀਂ ਹੋਈ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਵਿਆਹ ਦੇ ਬੰਧਨ ’ਚ ਬੱਝਿਆ ਪਰਮੀਸ਼ ਵਰਮਾ ਦਾ ਭਰਾ ਸੁਖਨ, ਪਤਨੀ ਤਰਨ ਨਾਲ ਤਸਵੀਰਾਂ ਆਈਆਂ ਸਾਹਮਣੇ

ਕਰਨ ਜੌਹਰ ਸੰਨੀ ਨੂੰ ਸਜ਼ਾ ਦੇਣਗੇ
ਇਸ ਵਾਰ ਕਰਨ ਜੌਹਰ ਸਲਮਾਨ ਖ਼ਾਨ ਦੀ ਜਗ੍ਹਾ ‘ਬਿੱਗ ਬੌਸ 17’ ਦੇ ‘ਵੀਕੈਂਡ ਕਾ ਵਾਰ’ ਨੂੰ ਹੋਸਟ ਕਰਦੇ ਨਜ਼ਰ ਆਉਣਗੇ। ਇਸ ਨਾਲ ਜੁੜੀ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀ ਗਈ ਹੈ, ਜਿਸ ’ਚ ਪਹਿਲਾਂ ਕਰਨ ਜੌਹਰ ਅੰਕਿਤਾ ਲੋਖੰਡੇ ਤੇ ਮੰਨਾਰਾ ਚੋਪੜਾ ਦੀ ਕਲਾਸ ਲਗਾਉਂਦੇ ਨਜ਼ਰ ਆਉਣਗੇ ਤੇ ਫਿਰ ਸੰਨੀ ਆਰਿਆ ਦੀ ਸਜ਼ਾ ਦਾ ਐਲਾਨ ਕਰਨਗੇ। ਕਿਹਾ ਜਾ ਰਿਹਾ ਹੈ ਕਿ ਅਭਿਸ਼ੇਕ ਕੁਮਾਰ ਨਾਲ ਸਰੀਰਕ ਤੌਰ ’ਤੇ ਲੜਾਈ ਕਰਨ ਤੋਂ ਬਾਅਦ ਉਸ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਵੀ ‘ਬਿੱਗ ਬੌਸ’ ਕਈ ਵਾਰ ਸੰਨੀ ਨੂੰ ਚਿਤਾਵਨੀ ਦੇ ਚੁੱਕੇ ਹਨ ਪਰ ਤਹਿਲਕਾ ਆਪਣੇ ਹਮਲਾਵਰ ਵਿਵਹਾਰ ਨੂੰ ਨਹੀਂ ਸੁਧਾਰ ਸਕਿਆ ਹੈ।

ਯੂਜ਼ਰਸ ਨੇ ਕਿਹਾ, ‘ਚੰਗਾ ਹੋਇਆ ਕਿ ਤਹਿਲਕਾ ਸ਼ੋਅ ਤੋਂ ਚਲਾ ਗਿਆ’
ਸੰਨੀ ਆਰਿਆ ਦੇ ਬਾਹਰ ਜਾਣ ਦੀ ਖ਼ਬਰ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਤੇ ਯੂਜ਼ਰਸ ਇਸ ’ਤੇ ਕਈ ਤਰ੍ਹਾਂ ਦੇ ਕੁਮੈਂਟ ਵੀ ਕਰ ਰਹੇ ਹਨ। ਇਕ ਨੇ ਲਿਖਿਆ ਕਿ ਇਹ ਇਕ ਚੰਗਾ ਫ਼ੈਸਲਾ ਸੀ। ਇਕ ਹੋਰ ਨੇ ਲਿਖਿਆ ਕਿ ‘ਬਿੱਗ ਬੌਸ’ ਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ ਸੀ। ਇਕ ਨੇ ਲਿਖਿਆ ਕਿ ਇਹ ਮੁੰਡਾ ਬਹੁਤ ਜ਼ਿਆਦਾ ਪ੍ਰਤੀਕਿਰਿਆ ਕਰਦਾ ਹੈ।

ਦਰਅਸਲ ਹਾਲ ਹੀ ’ਚ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਗਈ ਸੀ, ਜਿਸ ’ਚ ਸੰਨੀ ਆਰਿਆ ਉਰਫ਼ ਤਹਿਲਕਾ ਅਭਿਸ਼ੇਕ ਕੁਮਾਰ ਦੀ ਕਮੀਜ਼ ਖਿੱਚ ਰਿਹਾ ਹੈ ਤੇ ਉਸ ਨੂੰ ਧਮਕੀਆਂ ਦੇ ਰਿਹਾ ਹੈ। ਇੰਨਾ ਹੀ ਨਹੀਂ ਦੋਵੇਂ ਇਕ-ਦੂਜੇ ਨੂੰ ਗਾਲ੍ਹਾਂ ਵੀ ਕੱਢ ਰਹੇ ਹਨ। ਇਹ ਲੜਾਈ ਉਦੋਂ ਸ਼ੁਰੂ ਹੋਈ ਜਦੋਂ ਈਸ਼ਾ ਮਾਲਵੀਆ ਦਿਨ ਵੇਲੇ ਸੌਂਦੀ ਹੋਈ ਫੜੀ ਗਈ। ਇਸ ਤੋਂ ਬਾਅਦ ਅਰੁਣ ਉਸ ਨੂੰ ਜਗਾਉਣ ਲਈ ਆਇਆ ਪਰ ਅਭਿਸ਼ੇਕ ਨੂੰ ਉਸ ਦਾ ਵਿਵਹਾਰ ਪਸੰਦ ਨਹੀਂ ਆਇਆ ਤੇ ਉਹ ਗੁੱਸੇ ’ਚ ਆ ਗਿਆ। ਸੰਨੀ ਤੇ ਅਰੁਣ ਚੰਗੇ ਦੋਸਤ ਹਨ, ਇਸ ਲਈ ਸੰਨੀ ਅਭਿਸ਼ੇਕ ਦੇ ਸਾਹਮਣੇ ਆ ਕੇ ਖੜ੍ਹੀ ਹੋ ਗਈ ਤੇ ਦੋਵਾਂ ਵਿਚਾਲੇ ਝਗੜਾ ਸ਼ੁਰੂ ਹੋ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।