ਇਹ ਅਦਾਕਾਰਾਂ ਰੱਖਣਗੀਆਂ ਵਿਆਹ ਤੋਂ ਬਾਅਦ ਪਹਿਲਾ ਕਰਵਾ ਚੌਥ ਦਾ ਵਰਤ

ਜਲੰਧਰ- ਕਰਵਾ ਚੌਥ ਦਾ ਵਰਤ ਇਸ ਵਾਰ 20 ਅਕਤੂਬਰ ਨੂੰ ਮਨਾਇਆ ਜਾ ਰਿਹਾ ਹੈ। ਸੁਹਾਗਣਾਂ ਇਸ ਦਿਨ ਆਪਣੇ ਪਤੀ ਦੀ ਲੰਮੀ ਉਮਰ ਦੇ ਲਈ ਨਿਰਜਲ ਵਰਤ ਰੱਖਦੀਆਂ ਹਨ । ਬਾਲੀਵੁੱਡ ਅਭਿਨੇਤਰੀਆਂ ‘ਚ ਇਸ ਦਿਨ ਨੂੰ ਲੈ ਕੇ ਖ਼ਾਸ ਉਤਸ਼ਾਹ ਹੁੰਦਾ ਹੈ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਅਭਿਨੇਤਰੀਆਂ ਦੇ ਬਾਰੇ ਦੱਸਾਂਗੇ ਜੋ ਵਿਆਹ ਤੋਂ ਬਾਅਦ ਆਪਣਾ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖਣਗੀਆਂ।ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਅਦਾਕਾਰਾ ਰਕੁਲਪ੍ਰੀਤ ਸਿੰਘ ਦੀ । ਜੋ ਕਿ ਫਰਵਰੀ 2024 ‘ਚ ਵਿਆਹ ਦੇ ਬੰਧਨ ‘ਚ ਬੱਝੀ ਸੀ । ਅਦਾਕਾਰਾ ਇਸ ਵਾਰ ਆਪਣਾ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖੇਗੀ । ਰਕੁਲਪ੍ਰੀਤ ਅਤੇ ਜੈਕੀ ਭਗਨਾਨੀ ਨੇ ਗੋਆ ‘ਚ ਰਿਸ਼ਤੇਦਾਰਾਂ ਅਤੇ ਨਜ਼ਦੀਕੀ ਦੋਸਤਾਂ ਦੀ ਮੌਜੂਦਗੀ ‘ਚ ਵਿਆਹ ਕਰਵਾਇਆ ਸੀ।ਰਕੁਲਪ੍ਰੀਤ ਵੀ ਇਸ ਵਾਰ ਜੈਕੀ ਭਗਨਾਨੀ ਦੇ ਲਈ ਕਰਵਾ ਚੌਥ ਦਾ ਵਰਤ ਰੱਖੇਗੀ।

ਸੋਨਾਕਸ਼ੀ ਸਿਨ੍ਹਾ ਵੀ ਰੱਖੇਗੀ ਪਹਿਲਾ ਕਰਵਾ ਚੌਥ 
ਅਦਾਕਾਰਾ ਸੋਨਾਕਸ਼ੀ ਸਿਨ੍ਹਾ ਵੀ ਇਸ ਵਾਰ ਪਹਿਲੀ ਵਾਰ ਕਰਵਾ ਚੌਥ ਦਾ ਵਰਤ ਰੱਖੇਗੀ । ਸੋਨਾਕਸ਼ੀ ਸਿਨ੍ਹਾਂ ਨੇ ਇਸੇ ਸਾਲ ਜੂਨ ‘ਚ ਜ਼ਹੀਰ ਇਕਬਾਲ ਦੇ ਨਾਲ ਵਿਆਹ ਕਰਵਾਇਆ ਸੀ। ਇਸ ਵਿਆਹ ‘ਚ ਸੋਨਾਕਸ਼ੀ ਤੇ ਜ਼ਹੀਰ ਇਕਬਾਲ ਦੇ ਕਰੀਬੀ ਦੋਸਤਾਂ ਅਤੇ ਰਿਸ਼ਤੇਦਾਰਾਾਂ ਨੇ ਹੀ ਸ਼ਿਰਕਤ ਕੀਤੀ ਸੀ । 

ਰਾਧਿਕਾ ਵੀ ਅਨੰਤ ਲਈ ਰੱਖੇਗੀ ਕਰਵਾ ਚੌਥ ਦਾ ਵਰਤ 
ਰਾਧਿਕਾ ਮਾਰਚੈਂਟ ਵੀ ਇਸ ਵਾਰ ਅਨੰਤ ਦੇ ਲਈ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖੇਗੀ। ਅਨੰਤ ਤੇ ਰਾਧਿਕਾ ਨੇ ਜੁਲਾਈ 2024 'ਚ ਵਿਆਹ ਕਰਵਾਇਆ ਹੈ। ਇਸ ਵਿਆਹ 'ਚ ਬਾਲੀਵੁੱਡ ਦੇ ਕਈ ਸਿਤਾਰੇ ਸ਼ਾਮਿਲ ਹੋਏ ਸਨ ਅਤੇ ਵਿਆਹ ਤੋਂ ਪਹਿਲਾਂ ਕਈ ਪ੍ਰੀਵੈਡਿੰਗ ਫੰਕਸ਼ਨ ਰੱਖੇ ਗਏ ਸਨ। ਜਿਸ 'ਚ ਬਾਲੀਵੁੱਡ ਦੀਆਂ ਕਈ ਵੱਡੀਆਂ ਹਸਤੀਆਂ ਦੇ ਨਾਲ ਨਾਲ ਸਮਾਜਿਕ, ਵਪਾਰਕ ਖੇਤਰ ਨਾਲ ਸਬੰਧਤ ਹਸਤੀਆਂ ਨੇ ਸ਼ਿਰਕਤ ਕੀਤੀ ਸੀ। 

ਅਦਿਤੀ ਰਾਓ ਹੈਦਰੀ ਦਾ ਵੀ ਪਹਿਲਾ ਕਰਵਾ ਚੌਥ  
ਅਦਿਤੀ ਰਾਓ ਹੈਦਰੀ ਨੇ ਸਤੰਬਰ  2024 ‘ਚ ਵਿਆਹ ਕਰਵਾਇਆ ਹੈ। ਉਸ ਨੇ ਅਦਾਕਾਰ ਸਿਧਾਰਥ ਦੇ ਨਾਲ ਵਿਆਹ ਕਰਵਾਇਆ ਹੈ। ਵਿਆਹ ਤੋਂ ਬਾਅਦ ਅਦਿਤੀ ਵੀ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖੇਗੀ । ਅਦਾਕਾਰਾ 20 ਅਕਤੂਬਰ ਨੂੰ ਸਿਧਾਰਥ ਦੀ ਲੰਮੀ ਉਮਰ ਦੀ ਕਾਮਨਾ ਦੇ ਲਈ ਕਰਵਾ ਚੌਥ ਦਾ ਤਿਉਹਾਰ ਮਨਾਏਗੀ। 

ਕ੍ਰਿਤੀ ਖਰਬੰਦਾ ਦਾ ਵੀ ਪਹਿਲਾ ਕਰਵਾ ਚੌਥ 
ਅਦਾਕਾਰਾ ਕ੍ਰਿਤੀ ਖਰਬੰਦਾ ਵੀ ਇਸ ਵਾਰ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖੇਗੀ । ਇਸ ਜੋੜੀ ਨੇ ਮਾਰਚ 2024 'ਚ ਵਿਆਹ ਕਰਵਾਇਆ ਹੈ ਅਤੇ ਦੋਵਾਂ ਨੇ ਗੁੜਗਾਂਵ ‘ਚ ਵਿਆਹ ਕਰਵਾਇਆ ਸੀ।ਪੁਲਕਿਤ ਨੇ ਕ੍ਰਿਤੀ ਦੇ ਨਾਲ ਦੂਜਾ ਵਿਆਹ ਕਰਵਾਇਆ ਹੈ।  

ਰਕੁਲਪ੍ਰੀਤ ਸਿੰਘ ਦਾ ਵੀ ਪਹਿਲਾ ਕਰਵਾ ਚੌਥ
ਅਦਾਕਾਰਾ ਰਕੁਲਪ੍ਰੀਤ ਸਿੰਘ ਵੀ ਇਸ ਵਾਰ ਪਹਿਲਾ ਕਰਵਾ ਚੌਥ ਦਾ ਵਰਤ ਰੱਖੇਗੀ । ਜੈਕੀ ਭਗਨਾਨੀ ਅਤੇ ਅਦਾਕਾਰਾ ਨੇ 21 ਫਰਵਰੀ 2024 'ਚ ਵਿਆਹ ਕਰਵਾਇਆ ਹੈ।