ਮਸ਼ਹੂਰ ਗਾਇਕ ਦਾ 49 ਸਾਲ ਦੀ ਉਮਰ ''ਚ ਹੋਇਆ ਦਿਹਾਂਤ

ਵੈੱਬ ਡੈਸਕ- ਮਸ਼ਹੂਰ ਲੋਕ ਗਾਇਕ ਮੰਗੇ ਖ਼ਾਨ ਦਾ 49 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਹੈ। ਮੰਗੇ ਖ਼ਾਨ ਦੀ ਹਾਲ ਹੀ 'ਚ ਦਿਲ ਦੀ ਸਰਜਰੀ ਹੋਈ ਸੀ। ਉਹ ਮਸ਼ਹੂਰ ਮੰਗਨੀਯਾਰ ਤਿਕੜੀ, ਬਾੜਮੇਰ ਬੁਆਏਜ਼ ਦਾ ਮੁੱਖ ਗਾਇਕ ਸੀ, ਜੋ ਐਮਟੀਵੀ ਇੰਡੀਆ 'ਤੇ ਕੋਕ ਸਟੂਡੀਓ ਦੇ ਸੀਜ਼ਨ 3 'ਚ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।ਅਮਰਾਸ ਰਿਕਾਰਡਜ਼ ਨੇ ਮੰਗੇ ਖਾਨ ਦੀ ਯਾਦ 'ਚ ਇੱਕ ਬਿਆਨ ਜਾਰੀ ਕੀਤਾ। ਇਸ 'ਚ ਲਿਖਿਆ ਸੀ, "ਭਾਰੀ ਹਿਰਦੇ ਨਾਲ, ਅਸੀਂ ਅਮਰਾਸ ਰਿਕਾਰਡਸ ਬੈਂਡ, ਬਾੜਮੇਰ ਬੁਆਏਜ਼ ਦੇ ਮੁੱਖ ਗਾਇਕ ਅਤੇ ਆਵਾਜ਼ ਵਾਲੇ ਮੰਗਾ (ਮੰਗੇ ਖਾਨ) ਦੇ ਅਚਾਨਕ ਦਿਹਾਂਤ ਦੀ ਦੁਖਦਾਈ ਖ਼ਬਰ ਸਾਂਝੀ ਕਰਦੇ ਹਾਂ।"

राजस्थानी संगीत को अंतराष्ट्रीय स्तर पर आधुनिक रूप से पहुंचाने में महती भूमिका निभाने वाले "बाड़मेर बॉयज" के नाम से विख्यात लोक गायक मांगे खान रामसर का आकस्मिक निधन दुःखद है।

ईश्वर दिवंगत आत्मा को शांति एवं शोकाकुल परिजनों को सांत्वना प्रदान करे। pic.twitter.com/T2gzixK4tU

— Fateh Khan (@fatehkhaninc) September 11, 2024

ਰਾਜਸਥਾਨੀ ਸੰਗੀਤ ਨੂੰ ਆਧੁਨਿਕ ਰੂਪ 'ਚ ਅੰਤਰਰਾਸ਼ਟਰੀ ਪੱਧਰ 'ਤੇ ਲੈ ਕੇ ਜਾਣ 'ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ 'ਬਾੜਮੇਰ ਬੁਆਏਜ਼' ਦੇ ਨਾਂ ਨਾਲ ਮਸ਼ਹੂਰ ਲੋਕ ਗਾਇਕ ਮੰਗੇ ਖ਼ਾਨ ਦਾ ਅਚਾਨਕ ਹੋਇਆ ਦਿਹਾਂਤ ਦੁਖਦ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮੰਗੇ ਖ਼ਾਨ ਨੇ ਆਪਣੇ ਸਾਥੀ ਬੈਂਡ ਮੈਂਬਰਾਂ ਸਵਾਈ ਖਾਨ ਅਤੇ ਮਾਗਦਾ ਖਾਨ ਦੇ ਨਾਲ “ਬੋਲੇ ਤੋ ਮਿੱਠੋ ਲਗੇ”, “ਅਮਰਾਨੋਂ”, “ਰਾਣਾਜੀ” ਅਤੇ “ਪੀਰ ਜਲਾਨੀ” ਵਰਗੇ ਪ੍ਰਸਿੱਧ ਗੀਤ ਗਾਏ ਹਨ। ਗਾਇਕ ਆਪਣੇ ਪਿੱਛੇ ਪਤਨੀ ਅਤੇ ਤਿੰਨ ਬੱਚੇ ਛੱਡ ਗਿਆ ਹੈ।

Manga, as he was lovingly called, was one of the finest vocalists from the Manganiyar community, at the peak of his career and with decades of concerts, sold-out shows and loud applause ahead of him. pic.twitter.com/Bkrg7y26zh

— Amarrass Records / अमररस रिकॉर्ड्स (@amarrass) September 11, 2024

ਰਾਜਸਥਾਨੀ ਲੋਕ ਗਾਇਕ ਮੰਗੇ ਖ਼ਾਨ ਵਿਦੇਸ਼ਾਂ ਦਾ ਵੀ ਦੌਰਾ ਕਰਦਾ ਸੀ। ਉਸ ਨੇ ਡੈਨਮਾਰਕ, ਬ੍ਰਿਟੇਨ, ਜਰਮਨੀ, ਸਵਿਟਜ਼ਰਲੈਂਡ ਅਤੇ ਇਟਲੀ ਵਰਗੇ ਕਈ ਦੇਸ਼ਾਂ 'ਚ ਵੀ ਪ੍ਰਦਰਸ਼ਨ ਕੀਤਾ ਹੈ। ਆਪਣੀ ਵਿਲੱਖਣ ਆਵਾਜ਼ ਲਈ ਜਾਣੇ ਜਾਂਦੇ ਮੰਗੇ ਖਾਨ ਨੇ ਰਾਜਸਥਾਨੀ ਲੋਕ ਸੰਗੀਤ ਨੂੰ ਦੁਨੀਆ ਭਰ 'ਚ ਫੈਲਾਉਣ 'ਚ ਮਦਦ ਕੀਤੀ। ਉਹ ਰਾਜਸਥਾਨ ਦੇ ਮੰਗਨੀਯਾਰ ਭਾਈਚਾਰੇ ਨਾਲ ਸਬੰਧਤ ਸੀ। ਉਸਦਾ ਸੰਗੀਤ ਸੂਫੀ, ਰਾਜਸਥਾਨੀ ਲੋਕ ਅਤੇ ਹਿੰਦੁਸਤਾਨੀ ਸ਼ਾਸਤਰੀ ਸੰਗੀਤ ਦਾ ਸੁਮੇਲ ਹੈ। ਉਸ ਨੇ ਬਾੜਮੇਰ ਬੁਆਏਜ਼ ਨਾਂ ਦਾ ਬੈਂਡ ਬਣਾਇਆ। ਇਸਨੇ 2011 ਵਿੱਚ ਸਿਰੀਫੋਰਟ, ਦਿੱਲੀ ਵਿਖੇ ਇੱਕ ਪ੍ਰਦਰਸ਼ਨ ਨਾਲ ਆਪਣੀ ਸ਼ੁਰੂਆਤ ਕੀਤੀ। ਬਾਅਦ 'ਚ ਉਹ ਮੰਗਨੀਯਾਰ ਸੰਗੀਤ ਦਾ ਇੱਕ ਗਲੋਬਲ ਰਾਜਦੂਤ ਬਣ ਗਿਆ, ਜੋ ਕਿ ਰਾਜਸਥਾਨੀ ਲੋਕ ਸੰਗੀਤ ਅਤੇ ਸ਼ਾਸਤਰੀ ਸੰਗੀਤ ਪਰੰਪਰਾਵਾਂ ਨਾਲ ਸੂਫੀਵਾਦ ਦੇ ਤੱਤਾਂ ਨੂੰ ਜੋੜਦਾ ਹੈ। ਲੋਕ ਉਸਨੂੰ ਪਿਆਰ ਨਾਲ ਮੰਗਾ ਕਹਿੰਦੇ ਸਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।