ਕੰਗਨਾ ਨੂੰ ਦਿੱਤਾ ਤਾਪਸੀ ਨੇ ਕਰਾਰਾ ਜਵਾਬ, ਇਕੋ-ਜਿਹੀ ਡਰੈੱਸ ਕਰਕੇ ਕੀਤਾ ਸੀ ਟਰੋਲ

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਤਾਪਸੀ ਪਨੂੰ ਨੇ ਕੰਗਨਾ ਰਣੌਤ ’ਤੇ ਪਲਟਵਾਰ ਕਰਦਿਆਂ ਕਿਹਾ ਹੈ ਕਿ ਅਸੁਰੱਖਿਅਤ ਲੋਕ ਈਰਖਾ ਵਾਲੇ ਹੁੰਦੇ ਹਨ। ਤਾਪਸੀ ਪਨੂੰ ਨੇ ਇਹ ਗੱਲ ਕੰਗਨਾ ਰਣੌਤ ਦੇ ਉਸ ਟਵੀਟ ਦੇ ਜਵਾਬ ’ਚ ਆਖੀ ਹੈ, ਜਿਸ ’ਚ ਕੰਗਨਾ ਨੇ ਇਕ ਫੋਟੋਸ਼ੂਟ ’ਚ ਤਾਪਸੀ ’ਤੇ ਉਸ ਦੀ ਡਰੈੱਸ ਤੇ ਸਟਾਈਲ ਨੂੰ ਕਾਪੀ ਕਰਨ ਦਾ ਦੋਸ਼ ਲਾਇਆ ਸੀ। ਤਾਪਸੀ ਪਨੂੰ ਨੇ ਕੰਗਨਾ ਰਣੌਤ ਨੂੰ ਸੋਸ਼ਲ ਮੀਡੀਆ ’ਤੇ ਜਵਾਬ ਦਿੱਤਾ ਹੈ।

ਉਸ ਨੇ ਆਪਣੇ ਅਧਿਕਾਰਕ ਟਵਿਟਰ ਅਕਾਊਂਟ ’ਤੇ ਮਸ਼ਹੂਰ ਅਮਰੀਕੀ ਲੇਖਕ ਰਾਬਰਟ ਏ ਹੇਨਲਿਨ ਦੇ ਵਿਚਾਰ ਨੂੰ ਸਾਂਝਾ ਕੀਤਾ ਹੈ। ਇਸ ਵਿਚਾਰ ’ਚ ਲਿਖਿਆ ਹੈ, ‘ਇਕ ਯੋਗ ਤੇ ਆਤਮ ਵਿਸ਼ਵਾਸ ਵਾਲਾ ਵਿਅਕਤੀ ਕਿਸੇ ਵੀ ਚੀਜ਼ ਤੋਂ ਈਰਖਾ ਕਰਨ ’ਚ ਅਸਮਰੱਥ ਹੁੰਦਾ ਹੈ। ਈਰਖਾ ਅਣਸੁਰੱਖਿਅਤ ਨਿਯੂਰੋਟਿਕ ਦਾ ਟੀਚਾ ਹੈ।’ ਇਸ ਵਿਚਾਰ ਨਾਲ ਤਾਪਸੀ ਨੇ ਆਪਣੇ ਟਵਿਟਰ ’ਚ ਲਿਖਿਆ, ‘ਹਰ ਦਿਨ ਦਾ ਵਿਚਾਰ।’

#ThoughtOfTheDay actually almost everyday now :) pic.twitter.com/Eddkepc1Mx

— taapsee pannu (@taapsee) January 10, 2021

ਸੋਸ਼ਲ ਮੀਡੀਆ ’ਤੇ ਤਾਪਸੀ ਪਨੂੰ ਦਾ ਇਹ ਟਵੀਟ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਅਦਾਕਾਰਾ ਦੇ ਕਈ ਪ੍ਰਸ਼ੰਸਕ ਉਸ ਦੇ ਇਸ ਟਵੀਟ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਨਾਲ ਹੀ ਟਵੀਟ ਨੂੰ ਅਦਾਕਾਰਾ ਕੰਗਨਾ ਰਣੌਤ ਦੇ ਟਵੀਟ ਦੇ ਜਵਾਬ ਨਾਲ ਜੋੜ ਕੇ ਦੇਖ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਐਤਵਾਰ ਨੂੰ ਕੰਗਨਾ ਰਣੌਤ ਨੇ ਤਾਪਸੀ ਪਨੂੰ ’ਤੇ ਟਿੱਪਣੀ ਕੀਤੀ ਸੀ। ਦਰਅਸਲ ਤਾਪਸੀ ਨੇ ਹਾਲ ਹੀ ’ਚ ਆਪਣਾ ਇਕ ਫੋਟੋਸ਼ੂਟ ਕਰਵਾਇਆ ਹੈ। ਇਸ ਫੋਟੋਸ਼ੂਟ ਦੀ ਤਸਵੀਰ ਵੀ ਵਾਇਰਲ ਹੋ ਰਹੀ ਹੈ।

Ha ha ha I am flattered, she is a true fan, dedicated her whole existence to study and impersonate me to the point of dessolution it is rather impressive, also no other female superstar has taken over pop culture the way I have I am the most mimicked superstar after Mr Bachchan.

— Kangana Ranaut (@KanganaTeam) January 9, 2021

ਤਾਪਸੀ ਦੇ ਫੋਟੋਸ਼ੂਟ ਨੂੰ ਕੰਗਨਾ ਦੇ ਇਕ ਪ੍ਰਸ਼ੰਸਕ ਨੇ ਸੋਸ਼ਲ ਮੀਡੀਆ ’ਤੇ ਸਾਂਝਾ ਕੀਤਾ ਸੀ। ਉਸ ਨੇ ਕੰਗਨਾ ਤੇ ਤਾਪਸੀ ਦੀ ਇਕੋ ਜਿਹੀ ਡਰੈੱਸ ’ਚ ਤਸਵੀਰ ਸਾਂਝੀ ਕਰਦਿਆਂ ਦੋਵਾਂ ਅਦਾਕਾਰਾਂ ਦੀ ਤੁਲਨਾ ਕੀਤੀ ਸੀ। ਯੂਜ਼ਰ ਨੇ ਆਪਣੇ ਟਵਿਟਰ ’ਤੇ ਆਪਣੀ ਪ੍ਰਤੀਕਿਰਿਆ ਦਿੰਦਿਆਂ ਤਾਪਸੀ ’ਤੇ ਨਿਸ਼ਾਨਾ ਵਿੰਨ੍ਹਿਆ ਸੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਦਿਓ।