ਐਵਾਰਡ ਸ਼ੋਅ ’ਚ ਤਾਪਸੀ ਨੇ ਲਿਆ ਕੰਗਨਾ ਦਾ ਨਾਂ ਤਾਂ ਬਦਲੇ ’ਚ ਅਦਾਕਾਰਾ ਨੇ ਕਰ ਦਿੱਤਾ ਇਹ ਟਵੀਟ

ਮੁੰਬਈ (ਬਿਊਰੋ)– ਸੋਸ਼ਲ ਮੀਡੀਆ ’ਤੇ ਬਾਲੀਵੁੱਡ ਅਦਾਕਾਰਾਂ ਕੰਗਨਾ ਰਣੌਤ ਤੇ ਤਾਪਸੀ ਪਨੂੰ ਵਿਚਾਲੇ ਅਕਸਰ ਤਕਰਾਰਬਾਜ਼ੀ ਦੇਖੀ ਜਾਂਦੀ ਹੈ। ਦੋਵੇਂ ਇਕ-ਦੂਜੇ ’ਤੇ ਅਕਸਰ ਟਿੱਪਣੀਆਂ ਕਰਦੀਆਂ ਰਹਿੰਦੀਆਂ ਹਨ ਪਰ ਇਸ ਵਾਰ ਤਾਪਸੀ ਨੇ ਕੰਗਨਾ ਲਈ ਕੁਝ ਅਜਿਹਾ ਕਿਹਾ ਹੈ, ਜਿਸ ਦਾ ਉਸ ਨੂੰ ਜਵਾਬ ਦੇਣਾ ਪੈ ਗਿਆ।

ਅਸਲ ’ਚ ਤਾਪਸੀ ਨੂੰ ਹਾਲ ਹੀ ’ਚ ਫ਼ਿਲਮ ‘ਥੱਪੜ’ ਲਈ ਬੈਸਟ ਐਕਟ੍ਰੈੱਸ ਦਾ ਫ਼ਿਲਮਫੇਅਰ ਐਵਾਰਡ ਮਿਲਿਆ ਹੈ। ਐਵਾਰਡ ਹਾਸਲ ਕਰਨ ਤੋਂ ਬਾਅਦ ਤਾਪਸੀ ਪਨੂੰ ਨੇ ਸਟੇਜ ’ਤੇ ਭਾਸ਼ਣ ਦਿੱਤਾ ਤੇ ਕੁਝ ਲੋਕਾਂ ਦਾ ਧੰਨਵਾਦ ਵੀ ਕੀਤਾ। ਤਾਪਸੀ ਨੇ ਇਸ ਦੌਰਾਨ ਦੀਪਿਕਾ, ਜਾਨ੍ਹਵੀ, ਵਿਦਿਆ ਦੇ ਨਾਲ ਕੰਗਨਾ ਦਾ ਵੀ ਨਾਂ ਲਿਆ ਤੇ ਉਸ ਦਾ ਧੰਨਵਾਦ ਕੀਤਾ।

We know deep down sasti is #KanganaRanaut fan ✌🏻@KanganaTeam pic.twitter.com/1YHYYMUo67

— Bipin SPk (@Bipin64805424) April 9, 2021

ਇਹ ਅਦਾਕਾਰਾਂ ਵੀ ਇਸ ਐਵਾਰਡ ਲਈ ਨਾਮੀਨੇਟ ਸਨ। ਜਦੋਂ ਤਾਪਸੀ ਦੀ ਸਪੀਚ ਦੀ ਵੀਡੀਓ ਵਾਇਰਲ ਹੋਈ ਤਾਂ ਕੰਗਨਾ ਨੇ ਤੁਰੰਤ ਇਸ ’ਤੇ ਜਵਾਬ ਦੇ ਦਿੱਤਾ। ਕੰਗਨਾ ਨੇ ਵੀਡੀਓ ਨੂੰ ਰੀ-ਟਵੀਟ ਕਰਦਿਆਂ ਲਿਖਿਆ, ‘ਥੰਨਵਾਦ ਤਾਪਸੀ, ਤੁਸੀਂ ਵਿਮਲ ਇਲਾਇਚੀ ਫ਼ਿਲਮਫੇਅਰ ਐਵਾਰਡ ਦੇ ਹੱਕਦਾਰ ਹੋ। ਤੁਹਾਡੇ ਤੋਂ ਵੱਧ ਇਸ ਦਾ ਕੋਈ ਹੱਕਦਾਰ ਨਹੀਂ ਹੈ।’ ਕੰਗਨਾ ਦਾ ਇਹ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ

Thank you @taapsee well deserved Vimal elaichi filmfare award.... no one deserves it more than you 🙏

— Kangana Ranaut (@KanganaTeam) April 9, 2021

ਦੱਸਣਯੋਗ ਹੈ ਕਿ ਕੰਗਨਾ ਰਣੌਤ ਦੀ ਫ਼ਿਲਮ ‘ਥਲਾਇਵੀ’ ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਿਦੱਤਾ ਗਿਆ ਹੈ। ਇਸ ਸਬੰਧੀ ਜਾਰੀ ਕੀਤੇ ਬਿਆਨ ’ਚ ਕਿਹਾ ਗਿਆ ਹੈ ਕਿ ਫ਼ਿਲਮ ‘ਥਲਾਇਵੀ’ ਇਕ ਬਹੁ-ਭਾਸ਼ਾਈ ਫ਼ਿਲਮ ਹੈ ਤੇ 23 ਅਪ੍ਰੈਲ ਨੂੰ ਸਾਰੀਆਂ ਭਾਸ਼ਾਵਾਂ ’ਚ ਰਿਲੀਜ਼ ਲਈ ਵੀ ਤਿਆਰ ਹੈ ਪਰ ਮੌਜੂਦਾ ਸਥਿਤੀ ਦੇ ਮੱਦੇਨਜ਼ਰ ਇਸ ਨੂੰ ਇਕੋ ਸਮੇਂ ਸਾਰੀਆਂ ਭਾਸ਼ਾਵਾਂ ’ਚ ਜਾਰੀ ਕਰਨਾ ਸੰਭਵ ਨਹੀਂ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।