ਹਿੰਦੂ ਦੇਵੀ-ਦੇਵਤਿਆਂ ਤੇ ਅਮਿਤ ਸ਼ਾਹ ’ਤੇ ਕੀਤੀ ਟਿੱਪਣੀ ਦੇ ਚਲਦਿਆਂ ਕਾਮੇਡੀਅਨ ਤੇ ਚਾਰ ਹੋਰਨਾਂ ਨੂੰ ਕੀਤਾ ਗ੍ਰਿਫਤਾਰ

ਨਵੀਂ ਦਿੱਲੀ (ਬਿਊਰੋ)– ਸ਼ੁੱਕਰਵਾਰ ਦੀ ਰਾਤ ਕਾਮੇਡੀਅਨ ਮੁਨਵਰ ਫਾਰੂਕੀ ਤੇ ਚਾਰ ਹੋਰਨਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਇਹ ਕੇਸ ਇਕਲਵਿਆ ਸਿੰਘ ਗੌਰ ਨਾਂ ਦੇ ਵਿਅਕਤੀ ਦੀ ਸ਼ਿਕਾਇਤ ਤੋਂ ਬਾਅਦ ਦਰਜ ਕੀਤਾ ਗਿਆ। ਇਸ ਤੋਂ ਬਾਅਦ ਪੰਜਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਇਸ ਗੱਲ ਦੀ ਜਾਣਕਾਰੀ ਤੁਕੋਗੰਜ ਪੁਲਸ ਥਾਣੇ ਦੇ ਇੰਚਾਰਜ ਕਮਲੇਸ਼ ਸ਼ਰਮਾ ਨੇ ਦਿੱਤੀ ਹੈ।

ਮੁਨਵਰ ਫਾਰੂਕੀ ਗੁਜਰਾਤ ਦਾ ਕਾਮੇਡੀਅਨ ਹੈ। ਉਸ ਨੂੰ ਇਕ ਸ਼ਿਕਾਇਤ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਸ ਨੇ ਹਿੰਦੂ ਦੇਵੀ-ਦੇਵਤਿਆਂ ਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਅਪਮਾਨ ਕਰਦਿਆਂ ਇਤਰਾਜ਼ਯੋਗ ਟਿੱਪਣੀ ਕੀਤੀ ਸੀ।

Munawar Faruqui who made cheap comments against Bhagwan Ram and Sita Maa, Finally arrested. pic.twitter.com/9Mzv03ZpxM

— Chota Don (@choga_don) January 2, 2021

ਪੁਲਸ ਨੇ ਕਿਹਾ ਕਿ ਇੰਦੌਰ ’ਚ ਸ਼ੁੱਕਰਵਾਰ ਨੂੰ ਕੈਫੇ 56 ਦੁਕਾਨ ਏਰੀਏ ’ਚ ਇਕ ਕਾਮੇਡੀ ਸ਼ੋਅ ਰੱਖਿਆ ਗਿਆ ਸੀ। ਇਕਲਵਿਆ ਸਿੰਘ ਨੇ ਕਿਹਾ ਕਿ ਉਹ ਆਪਣੇ ਦੋਸਤਾਂ ਨਾਲ ਸ਼ੋਅ ਦੇਖਣ ਗਏ ਸੀ। ਉਥੇ ਕਾਮੇਡੀਅਨ ਨੇ ਇਤਰਾਜ਼ਯੋਗ ਟਿੱਪਣੀ ਕੀਤੀ। ਇਸ ਦੇ ਚੱਲਦਿਆਂ ਉਥੇ ਵਿਵਾਦ ਵੀ ਹੋਇਆ। ਇਸ ਤੋਂ ਬਾਅਦ ਇਕਲਵਿਆ ਸਿੰਘ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਸ ਨੇ ਕਾਰਵਾਈ ਕੀਤੀ ਹੈ।

So called-comedian Munawar Faruqui:

* Insulted Indian Army Jawans fighting in Ladakh

* Made derogatory comments on Godhra riots

* Made cheap remarks against Prabhu Ram and Sita Maa

Finally he has been arrested in Madhya Pradesh

Now seculars might bring out their PLACARDS pic.twitter.com/d9rLVy3yZy

— Mahesh Vikram Hegde (@mvmeet) January 2, 2021

ਕਮਲੇਸ਼ ਸ਼ਰਮਾ ਦਾ ਕਹਿਣਾ ਹੈ ਕਿ ਮੁਨਵਰ ਫਾਰੂਕੀ ਖ਼ਿਲਾਫ਼ ਕੇਸ ਦਾਇਰ ਕੀਤਾ ਗਿਆ ਹੈ। ਇਕਲਵਿਆ ਸਿੰਘ ਗੌਰ ਨੇ ਕਾਮੇਡੀ ਸ਼ੋਅ ਦਾ ਵਿਵਾਦਿਤ ਵੀਡੀਓ ਵੀ ਦਿੱਤਾ ਹੈ। ਹੁਣ ਪੰਜਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਸ਼ਿਕਾਇਤ ’ਚ ਕਿਹਾ ਗਿਆ ਹੈ ਹਿੰਦੂ ਦੇਵੀ-ਦੇਵਤਿਆਂ ਤੇ ਭਾਰਤ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਖ਼ਿਲਾਫ਼ ਇਤਰਾਜ਼ਯੋਗ ਭਾਸ਼ਾ ਦੀ ਵਰਤੋਂ ਕੀਤੀ ਗਈ ਹੈ। ਚਾਰ ਹੋਰ ਦੋਸ਼ੀਆਂ ਦੇ ਨਾਂ ਐਡਵਿਨ ਐਂਥੋਨੀ, ਪ੍ਰਖਰ ਵਿਯਾਸ, ਪ੍ਰਿਯਮ ਵਿਯਾਸ ਤੇ ਨਲਿਨ ਯਾਦਵ ਹਨ। ਸਾਰਿਆਂ ਨੂੰ ਆਈ. ਪੀ. ਸੀ. ਦੀ ਧਾਰਾ 295 ਏ ਤੇ 269 ਦੇ ਅੰਤਰਗਤ ਗ੍ਰਿਫਤਾਰ ਕੀਤਾ ਗਿਆ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।