ਉਮਰ ਨੂੰ ਮਾਤ ਦੇ ਰਹੇ ਸ਼ਾਹਰੁਖ ਖ਼ਾਨ, ਲੋਕਾਂ ਨੇ ਭੁਲੇਖੇ ’ਚ ਸਮਝ ਲਿਆ ਆਰੀਅਨ ਖ਼ਾਨ

ਮੁੰਬਈ (ਬਿਊਰੋ)– ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ (NMACC) ਮੁੰਬਈ ’ਚ ਖੁੱਲ੍ਹਣ ਜਾ ਰਿਹਾ ਹੈ। ਅੰਬਾਨੀ ਪਰਿਵਾਰ ਦੇ ਮੈਂਬਰਾਂ ਤੇ ਸ਼ੋਬਿਜ਼ ਦੀ ਦੁਨੀਆ ਦੇ ਕਈ ਮਸ਼ਹੂਰ ਚਿਹਰਿਆਂ ਨੇ ਆਪਣੀ ਮੌਜੂਦਗੀ ਨਾਲ ਇਸ ਸਮਾਰੋਹ ਦਾ ਆਨੰਦ ਮਾਣਿਆ। ਇਸ ’ਚ ਇਕ ਸੰਗੀਤਮਈ ਥੀਏਟਰ ‘ਸਿਵਿਲਾਈਜ਼ੇਸ਼ਨ ਟੂ ਨੇਸ਼ਨ : ਦਿ ਜਰਨੀ ਆਫ ਅਵਰ ਨੇਸ਼ਨ’ ਹੋਵੇਗਾ। ਆਲੀਆ ਭੱਟ, ਸੋਨਮ ਕਪੂਰ ਤੇ ਕ੍ਰਿਤੀ ਸੈਨਨ ਤੋਂ ਲੈ ਕੇ ਕਿਆਰਾ ਅਡਵਾਨੀ ਤੇ ਸਿਧਾਰਥ ਮਲਹੋਤਰਾ ਤੱਕ ਕਈ ਬਾਲੀਵੁੱਡ ਮਸ਼ਹੂਰ ਹਸਤੀਆਂ ਨੇ ਇਵੈਂਟ ’ਚ ਸ਼ਿਰਕਤ ਕੀਤੀ। ਹਾਲਾਂਕਿ ਰਾਤ ਨੂੰ ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖ਼ਾਨ ਦਾ ਲੁੱਕ ਪੂਰੀ ਤਰ੍ਹਾਂ ਹੈਰਾਨਕੁੰਨ ਸੀ।

ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ ਦੇ ਸਮਾਗਮ ’ਚ ਕਿੰਗ ਖ਼ਾਨ ਯਾਨੀ ਸ਼ਾਹਰੁਖ ਖ਼ਾਨ ਖ਼ਾਸ ਤੌਰ ’ਤੇ ਪਹੁੰਚੇ। ਤਸਵੀਰਾਂ ’ਚ ਅਦਾਕਾਰ ਨੂੰ 3 ਪੀਸ ਕਾਲੇ ਸੂਟ ’ਚ ਦੇਖਿਆ ਜਾ ਸਕਦਾ ਹੈ ਕਿਉਂਕਿ ਉਹ ਕੈਮਰਿਆਂ ਲਈ ਪੋਜ਼ ਦਿੰਦੇ ਹਨ ਤੇ ਬਹੁਤ ਸੁੰਦਰ ਦਿਖਾਈ ਦਿੰਦੇ ਹਨ। ਜਿਵੇਂ ਹੀ ਤਸਵੀਰਾਂ ਸਾਂਝੀਆਂ ਕੀਤੀਆਂ ਗਈਆਂ, ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ ਨਾਲ ਕੁਮੈਂਟ ਸੈਕਸ਼ਨ ’ਚ ਹੜ੍ਹ ਆ ਗਿਆ। ਇਕ ਯੂਜ਼ਰ ਨੇ ਲਿਖਿਆ, ‘‘ਇਕ ਸਕਿੰਟ ਲਈ ਤਾਂ ਸੋਚਿਆ ਕਿ ਇਹ ਆਰੀਅਨ ਹੈ।’’ ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ, ‘‘ਸ਼ਾਹਰੁਖ ਆਪਣੇ ਪੁੱਤਰ ਨੂੰ ਟੱਕਰ ਦੇ ਰਹੇ ਹਨ।’’ ਇਸ ਤੋਂ ਇਲਾਵਾ ਸ਼ਾਹਰੁਖ ਦੀ ਪਤਨੀ ਗੌਰੀ ਖ਼ਾਨ, ਬੱਚੇ ਆਰੀਅਨ ਖ਼ਾਨ ਤੇ ਸੁਹਾਨਾ ਖ਼ਾਨ ਤੇ ਸਲਮਾਨ ਖ਼ਾਨ ਨਾਲ ਪੋਜ਼ ਦਿੰਦੇ ਨਜ਼ਰ ਆਏ।

ਸ਼ਾਹਰੁਖ ਨੂੰ ਹਾਲ ਹੀ ’ਚ ਦੀਪਿਕਾ ਪਾਦੁਕੋਣ ਤੇ ਜੌਨ ਅਬ੍ਰਾਹਮ ਨਾਲ ‘ਪਠਾਨ’ ’ਚ ਦੇਖਿਆ ਗਿਆ ਸੀ। ਫ਼ਿਲਮ ਨੇ ਬਾਕਸ ਆਫਿਸ ’ਤੇ ਕਈ ਰਿਕਾਰਡ ਤੋੜੇ ਤੇ SRK ਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫ਼ਿਲਮ ਬਣ ਗਈ। ਉਹ ਅਗਲੀ ਵਾਰ ਨਯਨਤਾਰਾ ਨਾਲ ਏਟਲੀ ਦੀ ‘ਜਵਾਨ’ ਤੇ ਤਾਪਸੀ ਪਨੂੰ ਨਾਲ ਰਾਜਕੁਮਾਰ ਹਿਰਾਨੀ ਦੀ ‘ਡੰਕੀ’ ’ਚ ਨਜ਼ਰ ਆਉਣਗੇ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।