ਫੁੱਲਾਂ ਨਾਲ ਸਜੇ ਸਿਹਰੇ ’ਚ ਖੂਬਸੂਰਤ ਲੱਗੀ ਸਨਾ ਖ਼ਾਨ, ਭੁੱਲ ਗਈ ਸੀ ਨਿਕਾਹ ’ਚ ਪਹਿਨਣਾ
Thursday, Dec 31, 2020 - 02:14 PM (IST)
ਮੁੰਬਈ (ਬਿਊਰੋ)– ਸਾਬਕਾ ਬਾਲੀਵੁੱਡ ਅਦਾਕਾਰਾ ਤੇ ਬਿੱਗ ਬੌਸ ਦੀ ਸਾਬਕਾ ਮੁਕਾਬਲੇਬਾਜ਼ ਸਨਾ ਖ਼ਾਨ ਮਨੋਰੰਜਨ ਜਗਤ ਨੂੰ ਛੱਡਣ ਤੋਂ ਬਾਅਦ ਵੀ ਸੁਰਖ਼ੀਆਂ ’ਚ ਬਣੀ ਹੋਈ ਹੈ। ਪਹਿਲਾਂ ਅਕਤੂਬਰ ’ਚ ਉਸ ਨੇ ਅੱਲ੍ਹਾ ਦੇ ਰਸਤੇ ’ਤੇ ਚੱਲਣ ਲਈ ਬਾਲੀਵੁੱਡ ਨੂੰ ਛੱਡ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਤੇ ਇਸ ਦੇ ਕੁਝ ਦਿਨਾਂ ਬਾਅਦ ਹੀ ਸੂਰਤ ਦੇ ਅਨਸ ਸਈਦ ਮੁਫਤੀ ਨਾਲ ਵਿਆਹ ਕਰਵਾ ਕੇ ਸੁਰਖ਼ੀਆਂ ’ਚ ਆ ਗਈ।
ਹੁਣ ਆਏ ਦਿਨ ਸਨਾ ਸੋਸ਼ਲ ਮੀਡੀਆ ’ਤੇ ਆਪਣੀ ਖੁਸ਼ਹਾਲ ਵਿਆਹੁਤਾ ਜ਼ਿੰਦਗੀ ਦੀ ਝਲਕ ਦਿਖਾਉਂਦੀ ਰਹਿੰਦੀ ਹੈ। ਹਾਲ ਹੀ ’ਚ ਸਨਾ ਨੇ ਆਪਣੀਆਂ ਕੁਝ ਨਵੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀਆਂ ਹਨ।
ਫੁੱਲਾਂ ਨਾਲ ਸਜੇ ਸਿਹਰੇ ’ਚ ਉਸ ਨੇ ਆਪਣੀਆਂ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਗੁਲਾਬ ਤੇ ਮੋਗਰੇ ਦੇ ਫੁੱਲਾਂ ਨਾਲ ਬਣਿਆ ਇਹ ਸਿਹਰਾ ਵਿਆਹ ਵਾਲੇ ਦਿਨ ਸਨਾ ਵਲੋਂ ਪਹਿਨਿਆ ਜਾਣਾ ਸੀ ਪਰ ਉਹ ਇਸ ਦਾ ਆਰਡਰ ਦੇਣਾ ਭੁੱਲ ਗਈ। ਸਨਾ ਨੇ ਆਪਣੀ ਤਸਵੀਰ ਨਾਲ ਕੈਪਸ਼ਨ ’ਚ ਇਸ ਗੱਲ ਦਾ ਜ਼ਿਕਰ ਕੀਤਾ ਹੈ।
ਸਨਾ ਵਿਆਹ ਤੋਂ ਬਾਅਦ ਤੋਂ ਹੀ ਸੋਸ਼ਲ ਮੀਡੀਆ ’ਤੇ ਸਰਗਰਮ ਹੈ। ਉਸ ਨੇ ਵਿਆਹ ਦੇ ਹਰ ਸਮਾਰੋਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀਆਂ ਹਨ। ਇਸ ਤੋਂ ਇਲਾਵਾ ਜਦੋਂ ਉਹ ਹਨੀਮੂਨ ਲਈ ਕਸ਼ਮੀਰ ਗਈ ਸੀ ਤਾਂ ਉਸ ਨੇ ਉਥੋਂ ਕਈ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕੀਤੀਆਂ ਸਨ। ਸਨਾ ਨੇ ਅਨਸ ਨਾਲ ਵਿਆਹ ਕਰਵਾਉਣ ਦੇ ਫ਼ੈਸਲੇ ’ਤੇ ਇਕ ਇੰਟਰਵਿਊ ’ਚ ਕਿਹਾ ਸੀ ਕਿ ਉਸ ਨੇ ਇਹ ਫ਼ੈਸਲਾ ਰਾਤੋਂ-ਰਾਤ ਨਹੀਂ ਲਿਆ ਸੀ, ਸਗੋਂ ਅਜਿਹੇ ਵਿਆਹ ਲਈ ਬਹੁਤ ਸਾਰੇ ਆਸ਼ੀਰਵਾਦ ਦੀ ਮੰਗ ਕੀਤੀ ਸੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
