ਹਿਜਾਬ ਪਹਿਨਣ ’ਤੇ ਯੂਜ਼ਰ ਨੇ ਉਡਾਇਆ ਸਨਾ ਖ਼ਾਨ ਦਾ ਮਜ਼ਾਕ, ਅਦਾਕਾਰਾ ਨੇ ਇੰਝ ਕੀਤੀ ਬੋਲਤੀ ਬੰਦ
Thursday, Jun 03, 2021 - 12:41 PM (IST)
ਮੁੰਬਈ (ਬਿਊਰੋ)– ‘ਬਿੱਗ ਬੌਸ’ ਫੇਮ ਸਨਾ ਖ਼ਾਨ ਨੇ ਪਿਛਲੇ ਸਾਲ ਇੰਡਟਰੀ ਨੂੰ ਅਲਵਿਦਾ ਆਖ ਦਿੱਤਾ ਸੀ। ਉਸ ਨੇ ਐਲਾਨ ਕੀਤਾ ਸੀ ਕਿ ਹੁਣ ਉਹ ਮਨੁੱਖਤਾ ਦੀ ਸੇਵਾ ਕਰੇਗੀ। ਸਾਬਕਾ ਅਦਾਕਾਰਾ ਨੇ ਮੁਫਤੀ ਅਨਸ ਸਈਦ ਨਾਲ ਵਿਆਹ ਕਰਵਾਇਆ ਹੈ। ਉਹ ਜ਼ਿੰਦਗੀ ਦੇ ਨਵੇਂ ਦੌਰ ਦਾ ਆਨੰਦ ਮਾਣ ਰਹੀ ਹੈ। ਪਹਿਲਾਂ ਗਲੈਮਰੈੱਸ ਡਰੈੱਸਿਜ਼ ’ਚ ਨਜ਼ਰ ਆਉਣ ਵਾਲੀ ਸਨਾ ਹੁਣ ਸ਼ਾਲੀਨ ਕੱਪੜਿਆਂ ਤੇ ਹਿਜਾਬ ’ਚ ਨਜ਼ਰ ਆਉਂਦੀ ਹੈ।
ਸਨਾ ਖ਼ਾਨ ਨੇ ਹਾਲ ਹੀ ’ਚ ਇੰਸਟਾਗ੍ਰਾਮ ’ਤੇ ਇਕ ਤਸਵੀਰ ਸਾਂਝੀ ਕੀਤੀ, ਜਿਸ ’ਚ ਉਹ ਹਿਜਾਬ ’ਚ ਦਿਖਾਈ ਦੇ ਰਹੀ ਹੈ। ਇਸ ਤਸਵੀਰ ਨੂੰ ਉਸ ਦੇ ਪਤੀ ਨੇ ਕਲਿਕ ਕੀਤਾ ਹੈ। ਇਕ ਯੂਜ਼ਰ ਨੇ ਇਸ ਤਸਵੀਰ ’ਤੇ ਕੁਮੈਂਟ ਕਰਦਿਆਂ ਸਨਾ ਨੂੰ ਹਿਜਾਬ ਪਹਿਨਣ ’ਤੇ ਟਰੋਲ ਕੀਤਾ, ਜਿਸ ਦਾ ਅਦਾਕਾਰਾ ਨੇ ਕਰਾਰਾ ਜਵਾਬ ਦਿੱਤਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਮੁੜ ਫੈਲੀ ਅਦਾਕਾਰ ਰਾਣਾ ਰਣਬੀਰ ਦੇ ਦਿਹਾਂਤ ਦੀ ਖ਼ਬਰ, ਪੜ੍ਹੋ ਪੂਰਾ ਮਾਮਲਾ
ਤਸਵੀਰ ਸਾਂਝੀ ਕਰਦਿਆਂ ਸਨਾ ਨੇ ਕੈਪਸ਼ਨ ’ਚ ਲਿਖਿਆ, ‘ਸੁਣੋ ਲੋਕਾਂ ਤੋਂ ਡਰਦੇ ਕਿਉਂ ਹੋ? ਕੀ ਤੁਸੀਂ ਇਹ ਆਯਤ ਨਹੀਂ ਪੜ੍ਹੀ। ਅੱਲ੍ਹਾ ਜਿਸ ਨੂੰ ਚਾਹੇ ਇੱਜ਼ਤ ਦਿੰਦਾ ਹੈ ਤੇ ਅੱਲ੍ਹਾ ਜਿਸ ਨੂੰ ਚਾਹੇ ਜ਼ਿੱਲਤ ਦਿੰਦਾ ਹੈ। ਕਦੇ ਇੱਜ਼ਤਾਂ ’ਚ ਜ਼ਿੱਲਤ ਲੁਕੀ ਹੁੰਦੀ ਹੈ ਤੇ ਕਦੇ ਜ਼ਿੱਲਤਾਂ ’ਚ ਇੱਜ਼ਤ। ਸੋਚਣਾ ਤੇ ਸਮਝਣਾ ਅਸੀਂ ਹੈ ਕਿ ਅਸੀਂ ਕਿਹੜੇ ਰਸਤੇ ’ਤੇ ਹਾਂ ਤੇ ਅਸਲ ’ਚ ਅਸੀਂ ਕਿਸ ਚੀਜ਼ ਦੇ ਹੱਕਦਾਰ ਬਣ ਰਹੇ ਹਾਂ।’
ਸਨਾ ਦੀ ਇਸ ਪੋਸਟ ’ਤੇ ਕੁਮੈਂਟ ਕਰਦਿਆਂ ਇਕ ਯੂਜ਼ਰ ਨੇ ਲਿਖਿਆ, ‘ਇੰਨੀ ਪੜ੍ਹਾਈ-ਲਿਖਾਈ ਕਰਕੇ ਕੀ ਫਾਇਦਾ। ਉਥੇ ਤਾਂ ਸੇਮ ਸਬਕੇ ਵਰਗੇ ਪਰਦੇ ਅੰਦਰ ਰਹਿਣਾ।’ ਯੂਜ਼ਰ ਨੂੰ ਸਨਾ ਖ਼ਾਨ ਨੇ ਮੂੰਹਤੋੜ ਜਵਾਬ ਦਿੱਤਾ ਹੈ।
ਸਨਾ ਖ਼ਾਨ ਨੇ ਲਿਖਿਆ, ‘ਮੇਰੇ ਭਰਾ ਜਦੋਂ ਪਰਦੇ ’ਚ ਰਹਿ ਕੇ ਮੈਂ ਆਪਣਾ ਕੰਮ ਕਰ ਸਕਦੀ ਹਾਂ। ਚੰਗਾ ਸੱਸ-ਸਹੁਰਾ ਤੇ ਪਤੀ ਮਿਲਿਆ ਹੈ ਤਾਂ ਹੋਰ ਮੈਨੂੰ ਕੀ ਚਾਹੀਦਾ ਹੈ। ਸਭ ਤੋਂ ਵੱਧ ਜ਼ਰੂਰੀ ਹੈ ਕਿ ਅੱਲ੍ਹਾ ਮੇਰੀ ਰੱਖਿਆ ਕਰ ਰਿਹਾ ਹੈ ਹਰ ਤਰੀਕੇ ਨਾਲ ਤੇ ਮੈਂ ਆਪਣੀ ਪੜ੍ਹਾਈ ਵੀ ਪੂਰੀ ਕਰ ਲਈ ਹੈ। ਇਸ ਲਈ ਕੀ ਇਹ ਜਿੱਤ ਵਾਲੀ ਸਥਿਤੀ ਨਹੀਂ ਹੈ?’
ਸਨਾ ਖ਼ਾਨ ਦੀ ਤਸਵੀਰ ’ਤੇ ਪ੍ਰਸ਼ੰਸਕਾਂ ਦੇ ਪਾਜ਼ੇਟਿਵ ਕੁਮੈਂਟਸ ਵੀ ਆਏ। ਲੋਕਾਂ ਨੇ ਸਨਾ ਦੀ ਲੁੱਕ ਦੀ ਤਾਰੀਫ਼ ਵੀ ਕੀਤੀ ਹੈ। ਉਂਝ ਇਹ ਪਹਿਲੀ ਵਾਰ ਨਹੀਂ ਸੀ, ਇਸ ਤੋਂ ਪਹਿਲਾਂ ਵੀ ਸਨਾ ਹਿਜਾਬ ਪਹਿਨਣ, ਇੰਡਸਟਰੀ ਛੱਡਣ ਤੇ ਇਕ ਆਮ ਸ਼ਖ਼ਸ ਨਾਲ ਵਿਆਹ ਕਰਵਾਉਣ ’ਤੇ ਟਰੋਲ ਹੋ ਚੁੱਕੀ ਹੈ।
ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
