ਸਲਮਾਨ ਖਾਨ ਦੇ ਜਨਮਦਿਨ 'ਤੇ ਭਾਵੁਕ ਹੋਏ ਬਾਡੀਗਾਰਡ ਸ਼ੇਰਾ, ਪੋਸਟ ਸਾਂਝੀ ਕਰ...

ਮੁੰਬਈ- ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਅੱਜ ਆਪਣਾ 60ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਖ਼ਾਸ ਮੌਕੇ 'ਤੇ ਜਿੱਥੇ ਦੁਨੀਆ ਭਰ ਤੋਂ ਉਨ੍ਹਾਂ ਦੇ ਪ੍ਰਸ਼ੰਸਕ ਵਧਾਈਆਂ ਦੇ ਰਹੇ ਹਨ, ਉੱਥੇ ਹੀ ਉਨ੍ਹਾਂ ਦੇ ਸਭ ਤੋਂ ਕਰੀਬੀ ਅਤੇ ਪਰਛਾਵੇਂ ਵਾਂਗ ਨਾਲ ਰਹਿਣ ਵਾਲੇ ਬਾਡੀਗਾਰਡ ਸ਼ੇਰਾ ਨੇ ਇੱਕ ਬੇਹੱਦ ਭਾਵੁਕ ਸੰਦੇਸ਼ ਸਾਂਝਾ ਕੀਤਾ ਹੈ।
ਸ਼ੇਰਾ ਨੇ ਲਿਖਿਆ- 'ਤੁਸੀਂ ਸਲਾਮਤ ਰਹੋ ਮਾਲਕ'
ਸ਼ੇਰਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਲਮਾਨ ਖਾਨ ਨਾਲ ਇੱਕ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, "ਮੇਰੇ ਮਾਲਕ ਨੂੰ 60ਵਾਂ ਜਨਮਦਿਨ ਮੁਬਾਰਕ"। ਉਨ੍ਹਾਂ ਅੱਗੇ ਲਿਖਿਆ ਕਿ ਉਨ੍ਹਾਂ ਨੇ ਸਲਮਾਨ ਨਾਲ ਜ਼ਿੰਦਗੀ ਦੇ ਕਈ ਉਤਾਰ-ਚੜ੍ਹਾਅ ਦੇਖੇ ਹਨ, ਪਰ ਸਲਮਾਨ ਨੇ ਹਰ ਮੁਸ਼ਕਿਲ ਦਾ ਸਾਹਮਣਾ ਬਹੁਤ ਸ਼ਾਂਤੀ ਅਤੇ ਹਿੰਮਤ ਨਾਲ ਕੀਤਾ ਹੈ। ਸ਼ੇਰਾ ਅਨੁਸਾਰ ਸਲਮਾਨ ਸਿਰਫ਼ ਇੱਕ ਸਟਾਰ ਨਹੀਂ ਬਲਕਿ ਸਭ ਤੋਂ ਵੱਡੇ ਸੁਪਰਸਟਾਰ ਹਨ ਅਤੇ ਉਨ੍ਹਾਂ ਦੀ ਵਜ੍ਹਾ ਨਾਲ ਹੀ ਸ਼ੇਰਾ ਨੂੰ ਅੱਜ ਪਛਾਣ ਅਤੇ ਇੱਜ਼ਤ ਮਿਲੀ ਹੈ।

ਪਨਵੇਲ ਫਾਰਮ ਹਾਊਸ 'ਚ ਜਮ੍ਹੀ ਸਿਤਾਰਿਆਂ ਦੀ ਮਹਿਫ਼ਿਲ
ਸਲਮਾਨ ਖਾਨ ਨੇ ਆਪਣੇ ਜਨਮਦਿਨ ਦਾ ਜਸ਼ਨ ਬੀਤੀ ਰਾਤ ਪਨਵੇਲ ਸਥਿਤ ਆਪਣੇ ਫਾਰਮ ਹਾਊਸ 'ਤੇ ਮਨਾਇਆ। ਇਸ ਸ਼ਾਨਦਾਰ ਪਾਰਟੀ ਵਿੱਚ ਬਾਲੀਵੁੱਡ ਦੀਆਂ ਕਈ ਦਿੱਗਜ ਹਸਤੀਆਂ ਸ਼ਾਮਲ ਹੋਈਆਂ, ਜਿਨ੍ਹਾਂ ਵਿੱਚ: ਸਲਮਾਨ ਦਾ ਪਰਿਵਾਰ ਅਤੇ ਉਨ੍ਹਾਂ ਦੀ ਸਾਬਕਾ ਗਰਲਫ੍ਰੈਂਡ ਸੰਗੀਤਾ ਬਿਜਲਾਨੀ।
ਕ੍ਰਿਕਟਰ ਐਮ.ਐਸ. ਧੋਨੀ ਆਪਣੀ ਪਤਨੀ ਸਾਕਸ਼ੀ ਨਾਲ।
ਸੰਜੇ ਦੱਤ, ਜੈਕੀ ਭਗਨਾਨੀ, ਰਿਤੇਸ਼ ਦੇਸ਼ਮੁਖ ਅਤੇ ਜੇਨੇਲੀਆ ਡਿਸੂਜ਼ਾ ਵਰਗੇ ਸਿਤਾਰੇ।
ਸੋਨਾਕਸ਼ੀ ਸਿਨਹਾ ਦੇ ਪਤੀ ਜ਼ਹੀਰ ਇਕਬਾਲ ਵੀ ਇਸ ਜਸ਼ਨ ਦਾ ਹਿੱਸਾ ਬਣੇ।
ਪ੍ਰਸ਼ੰਸਕਾਂ ਨੂੰ ਮਿਲ ਸਕਦਾ ਹੈ 'ਬੈਟਲ ਆਫ ਗਲਵਾਨ' ਦਾ ਤੋਹਫ਼ਾ
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਸਲਮਾਨ ਖਾਨ ਦੀ ਪਿਛਲੀ ਫਿਲਮ 'ਸਿਕੰਦਰ' ਬਾਕਸ ਆਫਿਸ 'ਤੇ ਕੁਝ ਖ਼ਾਸ ਕਮਾਲ ਨਹੀਂ ਕਰ ਸਕੀ ਸੀ। ਹੁਣ ਸਾਰਿਆਂ ਦੀਆਂ ਨਜ਼ਰਾਂ ਉਨ੍ਹਾਂ ਦੀ ਅਗਲੀ ਫਿਲਮ 'ਬੈਟਲ ਆਫ ਗਲਵਾਨ' 'ਤੇ ਹਨ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਅੱਜ ਸਲਮਾਨ ਦੇ ਜਨਮਦਿਨ ਦੇ ਮੌਕੇ 'ਤੇ ਇਸ ਫਿਲਮ ਦਾ ਟੀਜ਼ਰ ਰਿਲੀਜ਼ ਕੀਤਾ ਜਾ ਸਕਦਾ ਹੈ। ਇਹ ਫਿਲਮ ਅਗਲੇ ਸਾਲ ਜੂਨ ਜਾਂ ਜੁਲਾਈ ਵਿੱਚ ਰਿਲੀਜ਼ ਹੋ ਸਕਦੀ ਹੈ।