ਸੈਫ ਅਲੀ ਖਾਨ ਨੂੰ ਹਾਈ ਕੋਰਟ ਤੋਂ ਵੱਡਾ ਝਟਕਾ, ਹੱਥੋਂ ਨਿਕਲੀ ਪਟੌਦੀ ਪਰਿਵਾਰ ਦੀ 15000 ਕਰੋੜ ਜਾਇਦਾਦ

ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਅਦਾਕਾਰ ਸੈਫ ਅਲੀ ਖਾਨ ਨੂੰ ਹਾਈ ਕੋਰਟ ਤੋਂ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ ਮੱਧ ਪ੍ਰਦੇਸ਼ ਹਾਈ ਕੋਰਟ ਨੇ ਭੋਪਾਲ ਵਿੱਚ ਪਟੌਦੀ ਪਰਿਵਾਰ ਦੀਆਂ ਜਾਇਦਾਦਾਂ ਨੂੰ 'ਐਮਿਨੀ ਜਾਇਦਾਦ' ਐਲਾਨ ਦਿੱਤਾ ਹੈ। ਅਦਾਲਤ ਨੇ ਟ੍ਰਾਇਲ ਕੋਰਟ ਦਾ 25 ਸਾਲ ਪੁਰਾਣਾ ਫੈਸਲਾ ਰੱਦ ਕਰਦੇ ਹੋਏ ਮਾਮਲੇ ਦੀ ਦੁਬਾਰਾ ਸੁਣਵਾਈ ਦਾ ਆਦੇਸ਼ ਦਿੱਤਾ ਹੈ।
ਹਾਈ ਕੋਰਟ ਨੇ ਕਿਹਾ ਹੈ ਕਿ ਸੈਫ ਅਲੀ ਖਾਨ ਦੀ 15000 ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਸਬੰਧਤ ਇਸ ਮਾਮਲੇ ਦੀ ਸ਼ੁਰੂਆਤ ਤੋਂ ਹੀ ਦੁਬਾਰਾ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਹੇਠਲੀ ਅਦਾਲਤ ਨੂੰ ਇੱਕ ਸਾਲ ਦੇ ਅੰਦਰ ਆਪਣੀ ਕਾਰਵਾਈ ਪੂਰੀ ਕਰਨ ਦਾ ਹੁਕਮ ਦਿੱਤਾ ਗਿਆ ਹੈ।
ਪੂਰਾ ਮਾਮਲਾ ਕੀ ਹੈ?
ਟ੍ਰਾਇਲ ਕੋਰਟ ਦੇ 2000 ਦੇ ਫੈਸਲੇ ਅਨੁਸਾਰ ਇਹ ਜਾਇਦਾਦ ਸਾਜਿਦਾ ਸੁਲਤਾਨ ਨੂੰ ਦਿੱਤੀ ਗਈ ਸੀ। ਸਾਜਿਦਾ ਨਵਾਬ ਹਮੀਦੁੱਲਾ ਖਾਨ ਦੀ ਪਹਿਲੀ ਪਤਨੀ ਅਤੇ ਸੈਫ ਦੀ ਪੜਦਾਦੀ ਦੀ ਧੀ ਹੈ। ਪਰ 1960 ਵਿੱਚ ਨਵਾਬ ਹਮੀਦੁੱਲਾ ਖਾਨ ਦੇ ਵਾਰਸ ਇਨ੍ਹਾਂ ਨਿੱਜੀ ਜਾਇਦਾਦਾਂ ਦੀ ਵੰਡ ਮੁਸਲਿਮ ਪਰਸਨਲ ਲਾਅ (ਸ਼ਰੀਆ) ਐਕਟ, 1937 ਦੇ ਅਨੁਸਾਰ ਚਾਹੁੰਦੇ ਸਨ,ਜੋ ਉਸ ਸਮੇਂ ਦੇ ਨਵਾਬ ਦੀ ਮੌਤ ਦੇ ਸਮੇਂ ਲਾਗੂ ਸੀ। ਅਜਿਹੀ ਸਥਿਤੀ ਵਿੱਚ ਉਨ੍ਹਾਂ ਨੇ 1999 ਵਿੱਚ ਹੇਠਲੀ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ,ਪਰ ਫਿਰ ਹੇਠਲੀ ਅਦਾਲਤ ਨੇ ਸਾਜਿਦਾ ਦੇ ਹੱਕ ਵਿੱਚ ਫੈਸਲਾ ਦਿੱਤਾ ਸੀ।
ਸਰਕਾਰ ਦੇ ਅਧੀਨ ਹੋਈਆਂ ਅਦਾਕਾਰ ਦੀਆਂ ਇਹ ਜਾਇਦਾਦਾਂ 
ਤੁਹਾਨੂੰ ਦੱਸ ਦੇਈਏ ਕਿ ਐਮਿਨੀ ਜਾਇਦਾਦ ਐਕਟ ਦੇ ਤਹਿਤ ਸਰਕਾਰ ਨੂੰ ਵੰਡ ਤੋਂ ਬਾਅਦ ਪਾਕਿਸਤਾਨ ਚਲੇ ਗਏ ਲੋਕਾਂ ਦੀ ਜਾਇਦਾਦ 'ਤੇ ਕਬਜ਼ਾ ਕਰਨ ਦਾ ਅਧਿਕਾਰ ਦਿੱਤਾ ਗਿਆ ਹੈ। ਹਾਈ ਕੋਰਟ ਦੇ ਫੈਸਲੇ ਤੋਂ ਬਾਅਦ ਭੋਪਾਲ ਵਿੱਚ ਸੈਫ ਅਲੀ ਖਾਨ ਦੀਆਂ ਬਹੁਤ ਸਾਰੀਆਂ ਜਾਇਦਾਦਾਂ ਹੁਣ ਸਰਕਾਰ ਦੇ ਅਧੀਨ ਆ ਗਈਆਂ ਹਨ। ਇਨ੍ਹਾਂ ਵਿੱਚ ਅਦਾਕਾਰ ਦਾ ਬਚਪਨ ਦਾ ਘਰ ਫਲੈਗ ਸਟਾਫ ਹਾਊਸ, ਨੂਰ-ਉਸ-ਸਬਾ ਪੈਲੇਸ, ਦਾਰ-ਉਸ-ਸਲਾਮ, ਹਬੀਬੀ ਦਾ ਬੰਗਲਾ, ਅਹਿਮਦਾਬਾਦ ਪੈਲੇਸ ਅਤੇ ਕੋਹੇਫਿਜ਼ਾ ਪ੍ਰਾਪਰਟੀ वी ਸ਼ਾਮਲ ਹਨ।
ਸੈਫ ਅਲੀ ਖਾਨ ਦਾ ਵਰਕ ਫਰੰਟ
ਵਰਕਫਰੰਟ 'ਤੇ ਸੈਫ ਅਲੀ ਖਾਨ ਆਖਰੀ ਵਾਰ ਫਿਲਮ ਜਵੇਲ ਥੀਫ ਵਿੱਚ ਨਜ਼ਰ ਆਏ ਸਨ। ਇਹ ਫਿਲਮ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਈ ਸੀ। ਹੁਣ ਉਹ ਐਕਸ਼ਨ-ਥ੍ਰਿਲਰ ਫ੍ਰੈਂਚਾਇਜ਼ੀ 'ਰੇਸ 4' ਵਿੱਚ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਉਨ੍ਹਾਂ ਕੋਲ ਅਕਸ਼ੈ ਕੁਮਾਰ ਨਾਲ ਪ੍ਰਿਯਦਰਸ਼ਨ ਦੀ ਫਿਲਮ 'ਹੈਵਾਨ' ਵੀ ਪਾਈਪਲਾਈਨ ਵਿੱਚ ਹੈ।