ਸੁਸ਼ਾਂਤ ਦੀ ਬਰਸੀ ਤੋਂ ਬਾਅਦ ਰਿਆ ਨੇ ਸਾਂਝੀ ਕੀਤੀ ਅਜਿਹੀ ਪੋਸਟ, ਜਿਸ ਦੀ ਹਰ ਪਾਸੇ ਹੋ ਰਹੀ ਚਰਚਾ
06/23/2021 5:28:22 PM
ਮੁੰਬਈ (ਬਿਊਰੋ)– ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਪਹਿਲੀ ਬਰਸੀ ਦੇ ਇਕ ਹਫਤੇ ਬਾਅਦ ਰਿਆ ਚੱਕਰਵਰਤੀ ਨੇ ਮੰਗਲਵਾਰ ਨੂੰ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਚ ਦੋ ਪ੍ਰੇਰਣਾਦਾਇਕ ਨੋਟ ਲਿਖੇ। ਰਿਆ ਨੇ ਆਪਣੇ ਬਚਪਨ ਦੀ ਤਸਵੀਰ ਸਾਂਝੀ ਕੀਤੀ ਤੇ ‘ਤੂਫਾਨ ਦੇ ਮੌਸਮ’ ’ਤੇ ਇਕ ਨੋਟ ਲਿਖਿਆ। ਉਸ ਨੇ ਉਨ੍ਹਾਂ ਮੁਸ਼ਕਿਲਾਂ ਬਾਰੇ ਗੱਲ ਕੀਤੀ, ਜੋ ਉਸ ਨੇ ਪਿਛਲੇ ਸਾਲ ਝੱਲੀਆਂ ਸਨ। ਰਿਆ ਨੇ ਮੁੰਬਈ ਦੀ ਬਾਈਕੁਲਾ ਜੇਲ੍ਹ ’ਚ ਸੁਸ਼ਾਂਤ ਨੂੰ ਨਸ਼ੀਲੇ ਪਦਾਰਥ ਦੇਣ ਦੇ ਦੋਸ਼ ’ਚ ਇਕ ਮਹੀਨਾ ਕੱਟਿਆ ਸੀ।
ਆਪਣੀ ਇੰਸਟਾਗ੍ਰਾਮ ਸਟੋਰੀਜ਼ ਨੂੰ ਲੈ ਕੇ ਰਿਆ ਚੱਕਰਵਰਤੀ ਨੇ ਲਿਖਿਆ, ‘ਤੇ ਬਿਲਕੁਲ ਇਸ ਤਰਾਂ ਉਸ ਨੇ ਤੂਫਾਨ ਨੂੰ ਸਜਾਇਆ ਕਿਉਂਕਿ ਇਹ ਸਵੇਰ ਤੋਂ ਪਹਿਲਾਂ ਹਮੇਸ਼ਾ ਹਨੇਰਾ ਹੁੰਦਾ ਹੈ।’ ਇਕ ਹੋਰ ਪੋਸਟ ’ਚ ਰਿਆ ਨੇ ਬਚਪਨ ਦੀ ਇਕ ਤਸਵੀਰ ਸਾਂਝੀ ਕੀਤੀ, ਜਿਸ ’ਚ ਉਹ ਘੁੰਮ ਰਹੀ ਸੀ ਤੇ ਲਿਖਿਆ, ‘ਮੈਨੂੰ ਲੱਗਦਾ ਸੀ ਕਿ ਮੰਮੀ ਮੈਨੂੰ ਤੁਰਨ ਦੀ ਸਿਖਲਾਈ ਦੇ ਰਹੀ ਸੀ। ਕੌਣ ਜਾਣਦਾ ਸੀ ਕਿ ਮੈਂ ਉੱਡਣਾ ਸਿੱਖਾਂਗੀ।’
ਐਤਵਾਰ ਨੂੰ ਰਿਆ ਨੇ ਫਾਦਰਜ਼ ਡੇਅ ਦੇ ਮੌਕੇ ’ਤੇ ਆਪਣੇ ਪਿਤਾ ਰਿਟਾਇਰਡ ਆਰਮੀ ਅਫਸਰ ਇੰਦਰਜੀਤ ਚੱਕਰਵਰਤੀ ਲਈ ਇਕ ਨੋਟ ਲਿਖਿਆ ਸੀ। ਪਿਤਾ ਨਾਲ ਬਚਪਨ ਦੀ ਇਕ ਪੁਰਾਣੀ ਤਸਵੀਰ ਸਾਂਝੀ ਕਰਦਿਆਂ ਰਿਆ ਨੇ ‘ਮੁਸ਼ਕਿਲ ਸਮਿਆਂ’ ਲਈ ਮੁਆਫੀ ਮੰਗੀ ਤੇ ਕਿਹਾ ਕਿ ਉਸ ਨੂੰ ਉਨ੍ਹਾਂ ਦੀ ਧੀ ਹੋਣ ’ਤੇ ਮਾਣ ਹੈ।
ਰਿਆ ਨੇ ਲਿਖਿਆ, ‘ਮੈਨੂੰ ਮੁਆਫ ਕਰਨਾ ਬਹੁਤ ਮੁਸ਼ਕਿਲ ਰਿਹਾ ਪਰ ਮੈਨੂੰ ਤੁਹਾਡੀ ਛੋਟੀ ਕੁੜੀ ਹੋਣ ’ਤੇ ਮਾਣ ਹੈ। ਮੇਰੇ ਡੈਡੀ ਸਭ ਤੋਂ ਮਜ਼ਬੂਤ।’ ਉਸ ਨੇ ਪੋਸਟ ਦੀ ਕੈਪਸ਼ਨ ਤੋਂ ਬਾਅਦ ਹੈਸ਼ਟੈਗ ’ਚ ਲਿਖਿਆ ‘ਫੌਜੀ ਕੀ ਬੇਟੀ’।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
