ਰਣਵੀਰ ਦੀ ਫਿਲਮ ''ਧੁਰੰਦਰ 2'' ਦਾ ਭਾਰਤੀ ਬਾਕਸ ਆਫਿਸ ''ਚ ਧਮਾਕਾ, 500 ਕਰੋੜ ਕਲੱਬ ''ਚ ਹੋਈ ਸ਼ਾਮਲ

ਮੁੰਬਈ (ਏਜੰਸੀ)- ਬਾਲੀਵੁੱਡ ਸਟਾਰ ਰਣਵੀਰ ਸਿੰਘ ਦੀ ਫਿਲਮ ਧੁਰੰਦਰ: ਦਿ ਰਿਵੇਂਜ ਨੇ ਭਾਰਤੀ ਬਾਜ਼ਾਰ ਵਿੱਚ 519 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਆਦਿਤਿਆ ਧਰ ਦੁਆਰਾ ਨਿਰਦੇਸ਼ਤ ਇਸ ਫਿਲਮ ਵਿੱਚ ਰਣਵੀਰ ਸਿੰਘ, ਆਰ. ਮਾਧਵਨ, ਅਰਜੁਨ ਰਾਮਪਾਲ, ਸੰਜੇ ਦੱਤ, ਰਾਕੇਸ਼ ਬੇਦੀ ਅਤੇ ਸਾਰਾ ਅਲੀ ਖਾਨ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਫਿਲਮ ਨੇ ਬਾਕਸ ਆਫਿਸ ਇਤਿਹਾਸ ਵੀ ਰਚਿਆ ਹੈ।

ਫਿਲਮ ਨੇ ਸਿਰਫ 5 ਦਿਨਾਂ ਵਿੱਚ ਦੇਸ਼ ਵਿੱਚ 500 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। SACNILC ਦੁਆਰਾ ਪ੍ਰਾਪਤ ਅੰਕੜਿਆਂ ਅਨੁਸਾਰ, "ਧੁਰੰਦਰ: ਦਿ ਰਿਵੈਂਜ" ਨੇ 18 ਮਾਰਚ ਨੂੰ ਪੇਡ ਪ੍ਰੀਵਿਊ ਦੌਰਾਨ 43 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਫਿਲਮ ਨੇ ਰਿਲੀਜ਼ ਦੇ ਪਹਿਲੇ ਦਿਨ 19 ਮਾਰਚ ਨੂੰ 102.55 ਕਰੋੜ ਰੁਪਏ, ਦੂਜੇ ਦਿਨ 80.72 ਕਰੋੜ ਰੁਪਏ, ਤੀਜੇ ਦਿਨ 113 ਕਰੋੜ ਰੁਪਏ, ਚੌਥੇ ਦਿਨ 114.85 ਕਰੋੜ ਰੁਪਏ ਅਤੇ 5ਵੇਂ ਦਿਨ 65 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਇਸ ਤਰ੍ਹਾਂ, ਫਿਲਮ ਨੇ ਭਾਰਤੀ ਬਾਜ਼ਾਰ ਵਿੱਚ 519.12 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ।