ਰਾਖੀ ਸਾਵੰਤ ਦੀ ਮਾਂ ਲਈ ਸਲਮਾਨ ਖ਼ਾਨ ਬਣੇ ਫ਼ਰਿਸ਼ਤਾ, ਕੀਤਾ ਇਹ ਨੇਕ ਕੰਮ
04/19/2021 1:14:38 PM
ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਰਾਖੀ ਸਾਵੰਤ ਜਿੱਥੇ ਇਕ ਪਾਸੇ ਇਨ੍ਹੀਂ ਦਿਨੀਂ ਇੰਟਰਨੈੱਟ ਸੈਂਸੇਸ਼ਨ ਬਣੀ ਹੋਈ ਹੈ, ਉੱਥੇ ਹੀ ਦੂਜੇ ਪਾਸੇ ਉਹ ਆਪਣੀ ਨਿੱਜੀ ਜ਼ਿੰਦਗੀ 'ਚ ਬਹੁਤ ਔਖੇ ਸਮੇਂ ਤੋਂ ਲੰਘ ਰਹੀ ਹੈ। ਰਾਖੀ ਸਾਵੰਤ ਦੀ ਮਾਂ ਕੈਂਸਰ ਨਾਲ ਲੜ ਰਹੀ ਹੈ ਅਤੇ ਅੱਜ ਉਨ੍ਹਾਂ ਦਾ ਆਪਰੇਸ਼ਨ ਹੋ ਚੁੱਕਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਅਦਾਕਾਰਾ ਰਾਖੀ ਸਾਵੰਤ ਨੇ ਹੀ ਸੋਸ਼ਲ ਮੀਡੀਆ ਅਕਾਊਂਟ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸ਼ੇਅਰ ਕਰਕੇ ਦਿੱਤੀ ਹੈ। ਰਾਖੀ ਸਾਵੰਤ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਮਾਂ ਨਾਲ 2 ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚੋਂ ਇਕ ਵੀਡੀਓ 'ਚ ਰਾਖੀ ਸਾਵੰਤ ਦੀ ਮਾਂ ਬੈੱਡ 'ਤੇ ਨਜ਼ਰ ਆ ਰਹੀ ਹੈ ਅਤੇ ਸਲਮਾਨ ਖ਼ਾਨ ਨੂੰ ਧੰਨਵਾਦ ਕਰ ਰਹੀ ਹੈ।
ਇਸ ਤੋਂ ਇਲਾਵਾ ਰਾਖੀ ਨੇ ਹਾਲ ਹੀ 'ਚ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ 'ਚ ਰਾਖੀ ਨੇ ਦੱਸਿਆ ਹੈ ਕਿ ਮਾਂ ਦਾ ਸਫ਼ਲ ਆਪਰੇਸ਼ਨ ਹੋ ਚੁੱਕਾ ਹੈ। ਇਸ ਵੀਡੀਓ ਨੂੰ ਪੋਸਟ ਕਰਦਿਆਂ ਰਾਖੀ ਨੇ ਡਾਕਟਰ ਤੇ ਸਲਮਾਨ ਖ਼ਾਨ ਦਾ ਦਿਲੋਂ ਧੰਨਵਾਦ ਕੀਤਾ।
ਦੂਜੀ ਵੀਡੀਓ 'ਚ ਰਾਖੀ ਸਾਵੰਤ ਦੀ ਮਾਂ ਨੂੰ ਆਪਰੇਸ਼ਨ ਲਈ ਲੈ ਕੇ ਜਾਂਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਰਾਖੀ ਸਾਵੰਤ ਵੀ ਸਲਮਾਨ ਖ਼ਾਨ ਦਾ ਧਨੰਵਾਦ ਕਰ ਰਹੀ ਹੈ ਤੇ ਉਨ੍ਹਾਂ ਦੀ ਤੁਲਨਾ ਫਰਿਸ਼ਤੇ ਨਾਲ ਕਰ ਰਹੀ ਹੈ। ਦਰਅਸਲ, ਸਲਮਾਨ ਖ਼ਾਨ ਨੇ ਰਾਖੀ ਸਾਵੰਤ ਦੀ ਮਾਂ ਦੇ ਆਪਰੇਸ਼ਨ ਦਾ ਪੂਰਾ ਖਰਚਾ ਚੁੱਕਿਆ ਹੈ। ਵੀਡੀਓ 'ਚ ਰਾਖੀ ਕਹਿੰਦੀ ਹੈ, 'ਅੱਜ ਮੇਰੀ ਮਾਂ ਦਾ ਆਪੇਰਸ਼ਨ ਹੋਣਾ ਹੈ ਤੇ ਅੱਜ ਇਨ੍ਹਾਂ ਦੇ ਸਰੀਰ ਤੋਂ ਕੈਂਸਰ ਦਾ ਟਿਊਮਰ ਡਾਕਟਰ ਸੰਜੈ ਸ਼ਰਮਾ ਜੀ ਕੱਢ ਦੇਣਗੇ। ਅੱਜ ਮਾਂ ਦੇ ਸਰੀਰ 'ਚੋਂ ਕੈਂਸਰ ਪੂਰੀ ਤਰ੍ਹਾਂ ਨਾਲ ਨਿਕਲ ਜਾਵੇਗਾ।'
ਇਸ ਤੋਂ ਬਾਅਦ ਅਦਾਕਾਰਾ ਦੀ ਮਾਂ ਨੇ ਸਲਮਾਨ ਦਾ ਧਨੰਵਾਦ ਕਰਦਿਆਂ ਕਿਹਾ, 'ਮੈਂ ਸਲਮਾਨ ਸਾਹਿਬ ਨੂੰ ਨਮਸਕਾਰ ਕਰਦੀ ਹਾਂ। ਮੈਂ ਪ੍ਰਭੂ ਯੀਸੂ ਤੋਂ ਪ੍ਰਾਰਥਨਾ ਕਰਦੀ ਹਾਂ ਕਿ ਸਾਡੇ ਕੋਲ ਪੈਸੇ ਨਹੀਂ ਹਨ ਤਾਂ ਅਸੀਂ ਕੀ ਕਰਾਂਗੇ। ਮੈਂ ਅਜਿਹੇ 'ਚ ਮਰ ਜਾਵਾਂਗੀ ਪਰ ਪ੍ਰਭੂ ਯੀਸੂ ਨੇ ਸਲਮਾਨ ਖ਼ਾਨ ਨੂੰ ਫਰਿਸ਼ਤਾ ਬਣਾ ਕੇ ਸਾਡੀ ਜ਼ਿੰਦਗੀ 'ਚ ਭੇਜਿਆ। ਮੇਰੇ ਲਈ ਸਲਮਾਨ ਖ਼ਾਨ ਖੜ੍ਹੇ ਰਹੇ ਹਨ।' ਰਾਖੀ ਨੇ ਕਿਹਾ, 'ਸਲਮਾਨ ਖ਼ਾਨ ਮੇਰੀ ਮਾਂ ਦਾ ਆਪਰੇਸ਼ਨ ਕਰਵਾ ਰਹੇ ਹਨ, ਉਨ੍ਹਾਂ ਦੀ ਪੂਰਾ ਪਰਿਵਾਰ ਸਾਡੇ ਨਾਲ ਖੜ੍ਹਾ ਹੈ।'
