ਹਸਪਤਾਲ ''ਚ ਦਾਖ਼ਲ ਹੋਏ ਰਜਨੀਕਾਂਤ, ਪਤਨੀ ਬੋਲੀ- ''ਇਹ ਰੂਟੀਨ ਮੈਡੀਕਲ ਚੈਕਅੱਪ ਹੈ''

ਮੁੰਬਈ- ਸਾਊਥ ਸੁਪਰਸਟਾਰ ਰਜਨੀਕਾਂਤ ਦੀ ਬੀਤੇ ਵੀਰਵਾਰ ਨੂੰ ਅਚਾਨਕ ਤਬੀਅਤ ਖਰਾਬ ਹੋ ਗਈ ਜਿਸ ਤੋਂ ਬਾਅਦ ਅਦਾਕਾਰ ਨੂੰ ਚੇਨਈ ਦੇ ਕਾਵੇਰੀ ਹਸਪਤਾਲ 'ਚ ਦਾਖਲ ਕਰਨਾ ਪਿਆ। ਇਸ ਗੱਲ ਦੀ ਜਾਣਕਾਰੀ ਰਜਨੀਕਾਂਤ ਦੀ ਪਤਨੀ ਲਤਾ ਨੇ ਦਿੱਤੀ ਹੈ ਅਤੇ ਦੱਸਿਆ ਕਿ ਅਦਾਕਾਰ ਦਾ ਇਹ ਰੂਟੀਨ ਮੈਡੀਕਲ ਚੈਕਅੱਪ ਹੈ। ਅਦਾਕਾਰ ਦੀ ਤਬੀਅਤ ਦੇ ਬਾਰੇ 'ਚ ਸੁਣ ਕੇ ਪ੍ਰਸ਼ੰਸਕ ਕਾਫੀ ਪਰੇਸ਼ਾਨ ਹੋ ਗਏ ਹਨ।

ਰਿਪੋਰਟ ਮੁਤਾਬਕ ਇਸ ਵਾਰ ਉਨ੍ਹਾਂ ਨੇ ਹੈਲਥ ਚੈਕਅੱਪ ਲਈ ਬਹੁਤ ਪਹਿਲੇ ਜਾਣਾ ਸੀ ਪਰ ਕੋਰੋਨਾ ਤਾਲਾਬੰਦੀ ਅਤੇ ਫਿਰ ਆਪਣੀਆਂ ਫਿਲਮਾਂ ਦੀ ਸ਼ੂਟਿੰਗ ਦੇ ਚੱਲਦੇ ਨਹੀਂ ਜਾ ਪਾਏ ਸਨ। ਪਿਛਲੇ ਸਾਲ ਦਸੰਬਰ 'ਚ ਵੀ ਰਜਨੀਕਾਂਤ ਦੀ ਸਿਹਤ ਕੁਝ ਜ਼ਿਆਦਾ ਹੀ ਖਰਾਬ ਹੋਈ ਸੀ ਉਦੋਂ ਵੀ ਉਨ੍ਹਾਂ ਨੂੰ ਹਸਪਤਾਲ 'ਚ ਦਾਖਲ ਕਰਵਾਉਣਾ ਪਿਆ ਸੀ। 70 ਸਾਲ ਦੇ ਰਜਨੀਕਾਂਤ ਨੂੰ ਬਲੱਡ ਪ੍ਰੈੱਸ਼ਰ ਦੀ ਪਰੇਸ਼ਾਨੀ ਹੈ।

ਦੱਸ ਦੇਈਏ ਕਿ ਰਜਨੀਕਾਂਤ ਦਾ 2016 'ਚ ਅਮਰੀਕਾ 'ਚ ਕਿਡਨੀ ਟਰਾਂਸਪਲਾਂਟ ਹੋਇਆ ਸੀ। 25 ਅਕਤੂਬਰ ਦਾ ਦਿਨ ਅਦਾਕਾਰ ਲਈ ਬਹੁਤ ਖਾਸ ਰਿਹਾ। ਅਦਾਕਾਰ ਨੂੰ ਸਰਵਉੱਚ ਸਨਮਾਨ ਭਾਵ ਦਾਦਾ ਸਾਹਿਬ ਫਾਲਕੇ ਪੁਰਸਕਾਰ ਨਾਲ ਨਵਾਜਿਆ ਗਿਆ ਹੈ। ਇਸ ਸਮਾਰੋਹ ਦਾ ਦਿੱਲੀ 'ਚ ਆਯੋਜਨ ਕੀਤਾ ਗਿਆ ਸੀ। ਪ੍ਰਸ਼ੰਸਕ ਅਦਾਕਾਰ ਨੂੰ ਇਸ ਲਈ ਲਗਾਤਾਰ ਵਧਾਈਆਂ ਦੇ ਰਹੇ ਹਨ।