ਮਸ਼ਹੂਰ ਦਿੱਗਜ਼ ਅਦਾਕਾਰਾ ਦੇ ਭਰਾ ਦਾ ਹੋਇਆ ਦਿਹਾਂਤ, ਭਾਵੁਕ ਪੋਸਟ ਕੀਤੀ ਸਾਂਝੀ

ਮੁੰਬਈ- ਸੀਨੀਅਰ ਅਦਾਕਾਰਾ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਜਯਾ ਪ੍ਰਦਾ ਦੇ ਵੱਡੇ ਭਰਾ ਰਾਜਾ ਬਾਬੂ ਦਾ ਦਿਹਾਂਤ ਹੋ ਗਿਆ ਹੈ। ਜਯਾ ਨੇ ਖੁਦ ਇਹ ਜਾਣਕਾਰੀ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਆਪਣੇ ਮਰਹੂਮ ਭਰਾ ਦੀ ਤਸਵੀਰ ਸਾਂਝੀ ਕਰਦੇ ਹੋਏ, ਉਨ੍ਹਾਂ ਨੇ ਕਿਹਾ ਕਿ ਉਸ ਦਾ ਵੀਰਵਾਰ ਦੁਪਹਿਰ ਨੂੰ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ ਲਿਖਿਆ, “ਬਹੁਤ ਦੁੱਖ ਨਾਲ ਮੈਂ ਤੁਹਾਨੂੰ ਆਪਣੇ ਵੱਡੇ ਭਰਾ ਰਾਜਾ ਬਾਬੂ ਦੇ ਦਿਹਾਂਤ ਬਾਰੇ ਸੂਚਿਤ ਕਰਦੀ ਹਾਂ। ਉਨ੍ਹਾਂ ਦਾ ਅੱਜ ਦੁਪਹਿਰ 3:26 ਵਜੇ ਹੈਦਰਾਬਾਦ 'ਚ ਦਿਹਾਂਤ ਹੋ ਗਿਆ। ਕਿਰਪਾ ਕਰਕੇ ਉਨ੍ਹਾਂ ਨੂੰ ਆਪਣੀਆਂ ਪ੍ਰਾਰਥਨਾਵਾਂ 'ਚ ਯਾਦ ਰੱਖੋ। ਹੋਰ ਜਾਣਕਾਰੀ ਜਲਦੀ ਹੀ ਸਾਂਝੀ ਕੀਤੀ ਜਾਵੇਗੀ।

ਜਯਾ ਪ੍ਰਦਾ ਦੀ ਇਸ ਪੋਸਟ 'ਤੇ ਪ੍ਰਸ਼ੰਸਕ ਅਤੇ ਫਾਲੋਅਰਜ਼ ਟਿੱਪਣੀਆਂ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਭਰਾ ਲਈ ਪ੍ਰਾਰਥਨਾ ਕਰ ਰਹੇ ਹਨ। ਅਸੀਂ ਉਨ੍ਹਾਂ ਪ੍ਰਤੀ ਆਪਣੀ ਸੰਵੇਦਨਾ ਪ੍ਰਗਟ ਕਰਦੇ ਹਾਂ। ਜਯਾ ਨੇ ਬਾਲੀਵੁੱਡ ਦੇ ਨਾਲ-ਨਾਲ ਦੱਖਣ 'ਚ ਵੀ ਕੰਮ ਕੀਤਾ ਹੈ। ਉਹ ਐਨ ਚੰਦਰਬਾਬੂ ਦੀ ਪਾਰਟੀ ਤੋਂ ਵੀ ਚੋਣਾਂ ਲੜ ਚੁੱਕੀ ਹੈ। ਮੁੰਬਈ ਤੋਂ ਇਲਾਵਾ, ਉਹ ਹੈਦਰਾਬਾਦ 'ਚ ਰਹਿੰਦੀ ਹੈ।

ਸਿੰਗਿੰਗ ਰਿਐਲਿਟੀ ਸ਼ੋਅ 'ਚ ਦਿਖਾਈ ਦਿੱਤੀ ਸੀ ਅਦਾਕਾਰਾ
ਇਸ ਤੋਂ ਪਹਿਲਾਂ, ਜਯਾ ਪ੍ਰਦਾ ਸਿੰਗਿੰਗ ਰਿਐਲਿਟੀ ਸ਼ੋਅ 'ਸਾ ਰੇ ਗਾ ਮਾ ਪਾ' 'ਚ ਨਜ਼ਰ ਆਈ ਸੀ ਅਤੇ ਖੁਲਾਸਾ ਕੀਤਾ ਸੀ ਕਿ 'ਡਫਲੀ ਵਾਲੇ ਦਫਲੀ ਬਾਜਾ' ਗੀਤ ਅਸਲ 'ਚ ਫਿਲਮ 'ਸਰਗਮ' ਦਾ ਹਿੱਸਾ ਨਹੀਂ ਸੀ। ਵਿਸ਼ੇਸ਼ ਐਪੀਸੋਡ ਦੌਰਾਨ, ਪ੍ਰਤੀਯੋਗੀ ਬਿਦਿਸ਼ਾ ਨੇ 'ਮੁਝੇ ਨੌਲੱਖਾ ਮੰਗਾ ਦੇ ਰੇ' ਅਤੇ 'ਡਫਲੀ ਵਾਲੇ ਦਫਲੀ ਬਾਜਾ' ਗੀਤ ਗਾਏ।ਜਯਾ ਪ੍ਰਦਾ ਇਸ ਪ੍ਰਦਰਸ਼ਨ ਤੋਂ ਇੰਨੀ ਪ੍ਰਭਾਵਿਤ ਹੋਈ ਕਿ ਉਸ ਨੂੰ ਫਿਲਮ 'ਡਫਲੀ ਵਾਲੇ ਡਫਲੀ ਬਾਜਾ' ਦੇ ਦਿਨ ਯਾਦ ਆ ਗਏ। ਅਦਾਕਾਰਾ ਨੇ ਗਾਣੇ ਨਾਲ ਜੁੜੀਆਂ ਕੁਝ ਪਰਦੇ ਪਿੱਛੇ ਦੀਆਂ ਕਹਾਣੀਆਂ ਵੀ ਸਾਂਝੀਆਂ ਕੀਤੀਆਂ।

ਇਹ ਵੀ ਪੜ੍ਹੋ-ਘਰ 'ਚ ਪਤਨੀ ਸਣੇ ਮ੍ਰਿਤਕ ਮਿਲੇ ਆਸਕਰ ਜੇਤੂ, ਅਦਾਕਾਰ, ਕੁੱਤੇ ਦੀ ਵੀ ਮਿਲੀ Dead Body

ਉਨ੍ਹਾਂ ਨੇ ਕਿਹਾ, "ਮੈਂ ਇਸਨੂੰ ਸ਼ਬਦਾਂ 'ਚ ਬਿਆਨ ਨਹੀਂ ਕਰ ਸਕਦੀ ਪਰ ਜਿਸ ਤਰ੍ਹਾਂ ਤੁਸੀਂ ਇਹ ਗੀਤ ਗਾਇਆ ਹੈ, ਉਸ ਨਾਲ ਮੈਨੂੰ ਅੱਜ ਲਤਾ ਦੀਦੀ ਦੀ ਯਾਦ ਆ ਗਈ।" ਤੁਸੀਂ ਸੱਚਮੁੱਚ ਬਹੁਤ ਵਧੀਆ ਹੋ। ਦਰਅਸਲ, ਮੈਨੂੰ ਇਹ ਕਹਿਣਾ ਪਵੇਗਾ ਕਿ ਇਹ ਗੀਤ ਅਜ਼ਮਾਉਣਾ ਆਸਾਨ ਨਹੀਂ ਹੈ ਪਰ ਤੁਸੀਂ ਇਸ ਨੂੰ ਸ਼ਾਨਦਾਰ ਢੰਗ ਨਾਲ ਗਾਇਆ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8