'ਪੰਜਾਬੀ ਛਾਅ ਗਏ ਓਏ', Diljit Dosanjh ਨੇ ਕਰਾ'ਤੀ ਬੱਲੇ-ਬੱਲੇ

ਜਲੰਧਰ- ਦਿਲਜੀਤ ਦੋਸਾਂਂਝ ਨੇ ਦੁਨੀਆ ਦੇ ਚੋਟੀ ਦੇ 50 ਏਸ਼ੀਆਈ ਸੈਲੀਬ੍ਰਿਟੀਜ਼ ਦੀ ਯੂਕੇ ਲਿਸਟ 'ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਜਾਰੀ ਈਸਟਰਨ ਆਈ ਲਿਸਟ ਮੁਤਾਬਕ ਦਿਲਜੀਤ ਨੇ ਨਾ ਸਿਰਫ ਅੱਲੂ ਅਰਜੁਨ ਨੂੰ ਪਿੱਛੇ ਛੱਡਿਆ ਸਗੋਂ ਸ਼ਾਹਰੁਖ ਖਾਨ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਗਾਇਕ ਨੇ ਹੁਣ ਇਸ ਪ੍ਰਾਪਤੀ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।ਇਸ ਪ੍ਰਾਪਤੀ ਬਾਰੇ ਦਿਲਜੀਤ ਦੋਸਾਂਝ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਪੋਸਟ ਸ਼ੇਅਰ ਕੀਤੀ ਹੈ। ਉਸ ਦਾ ਗੀਤ 'ਬੌਰਨ ਟੂ ਸ਼ਾਈਨ' ਵੀ ਇਸ ਪੋਸਟ ਦੇ ਨਾਲ ਚੱਲ ਰਿਹਾ ਹੈ।ਇੱਕ ਹੋਰ ਸਟੋਰੀ 'ਚ ਉਸ ਨੇ ਆਪਣੇ ਗੀਤ 'ਡੌਨ' ਨੂੰ ਇੱਕ ਪੋਸਟ ਨਾਲ ਜੋੜਿਆ ਜਿਸ 'ਚ ਕਿਹਾ ਗਿਆ ਹੈ ਕਿ ਉਹ ਵਿਸ਼ਵ ਦੀਆਂ ਚੋਟੀ ਦੀਆਂ 50 ਏਸ਼ੀਆਈ ਮਸ਼ਹੂਰ ਹਸਤੀਆਂ ਦੀ ਸੂਚੀ ਵਿੱਚ ਸਭ ਤੋਂ ਉੱਪਰ ਹੈ।

ਦਿਲਜੀਤ ਦੋਸਾਂਝ ਨੇ ਵੀਰਵਾਰ ਨੂੰ ਮੁੰਬਈ 'ਚ ਆਪਣਾ ਦਿਲ-ਲੁਮਿਨਾਟੀ ਕੰਸਰਟ ਕੀਤਾ। ਉਸ ਨੇ ਮਹਾਲਕਸ਼ਮੀ ਰੇਸ ਕੋਰਸ 'ਤੇ ਪ੍ਰਦਰਸ਼ਨ ਕੀਤਾ। ਸ਼ੋਅ ਦਾ ਨਿਰਮਾਣ ਸਾਰਾਗਾਮਾ ਲਾਈਵ ਅਤੇ ਰਿਪਲ ਇਫੈਕਟ ਸਟੂਡੀਓ ਦੁਆਰਾ ਕੀਤਾ ਗਿਆ ਸੀ। ਬੁੱਧਵਾਰ ਨੂੰ ਮੁੰਬਈ ਦੇ ਮਸ਼ਹੂਰ ਡੱਬੇਵਾਲਿਆਂ ਦੇ ਇੱਕ ਸਮੂਹ ਨੇ ਉਨ੍ਹਾਂ ਦਾ ਸ਼ਹਿਰ ਵਿੱਚ ਨਿੱਘਾ ਸਵਾਗਤ ਕੀਤਾ।

ਦਿਲਜੀਤ ਦੇ ਦਸਤਖਤ ਵਾਲੇ ਕੁੜਤੇ, ਚਾਦਰਾਂ, ਜੈਕਟਾਂ ਅਤੇ ਦਸਤਾਨੇ ਪਹਿਨੇ, ਡੱਬੇਵਾਲਿਆਂ ਨੇ ਮੁੰਬਈ ਦੇ ਪ੍ਰਸਿੱਧ ਸਥਾਨਾਂ ਅਤੇ ਇਲਾਕਿਆਂ ਦਾ ਦੌਰਾ ਕੀਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।