ਅਦਾਕਾਰਾ ਨੁਸਰਤ ਜਹਾਂ ''ਲਾਪਤਾ'', ਬਸ਼ੀਰਹਾਟ ਲੋਕ ਸਭਾ ਇਲਾਕੇ ''ਚ ਲੱਗੇ ਪੋਸਟਰ

ਬਾਲੀਵੁੱਡ ਡੈਸਕ-ਬੰਗਾਲੀ ਅਦਾਕਾਰਾ ਨੁਸਰਤ ਜਹਾਂ ਹਮੇਸ਼ਾ ਆਪਣੀ ਲੁਕ ਅਤੇ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ। ਹਾਲ ਹੀ 'ਚ ਉਹ ਇਕ ਵਾਰ ਫਿਰ ਚਰਚਾ 'ਚ ਹੈ ਪਰ ਇਸ ਵਾਰ ਉਹ ਕਿਸੇ ਲੁਕ ਜਾਂ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਨਹੀਂ, ਸਗੋਂ ਉਨ੍ਹਾਂ ਦੇ ਲਾਪਤਾ ਹੋਣ ਦੀਆਂ ਖ਼ਬਰਾਂ ਹਨ। ਲੋਕ ਸਭਾ ਦੇ ਕਈ ਇਲਾਕਿਆਂ 'ਚ ਨੁਸਰਤ ਜਹਾਂ ਦੇ ਲਾਪਤਾ ਹੋਣ ਦੇ ਪੋਸਟਰ ਮਿਲ ਹਨ। ਬਸ਼ੀਰਹਾਟ ਲੋਕ ਸਭਾ ਇਲਾਕੇ 'ਚ ਇਸ ਤਰ੍ਹਾਂ ਦੇ ਪੋਸਟਰ ਮਿਲਣ ਤੋਂ ਬਾਅਦ ਸਿਆਸੀ ਘਮਾਸਾਨ ਛਿੜ ਗਿਆ ਹੈ। 
ਕੰਧ 'ਤੇ ਚਿਪਕਾਏ ਗਏ ਪੋਸਟਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਉਸ 'ਚ ਲਿਖਿਆ-' ਬਸ਼ੀਰਹਾਟ ਦੀ ਸੰਸਦ ਨੁਸਰਤ ਜਹਾਂ ਲਾਪਤਾ ਹੈ, ਮੈਂ ਉਨ੍ਹਾਂ ਨੂੰ ਲੱਭਣਾ ਚਾਹੁੰਦਾ ਹਾਂ। ਪੋਸਟਰ ਕਿਸ ਨੇ ਲਗਾਇਆ, ਇਸ ਦੇ ਬਾਰੇ 'ਚ ਕੁਝ ਪਤਾ ਨਹੀਂ ਚੱਲ ਪਾਇਆ ਹੈ।
ਸਥਾਨਕ ਸੂਤਰਾਂ ਦੇ ਅਨੁਸਾਰ ਪੋਸਟਰ ਰਾਤ ਦੇ ਹਨ੍ਹੇਰੇ 'ਚ ਕੰਧ 'ਤੇ ਚਿਪਕਾਏ ਗਏ ਸਨ। ਹਾਲਾਂਕਿ ਕੁਝ ਪੇਂਡੂ ਲੋਕਾਂ ਨੇ ਕਿਹਾ ਕਿ ਉਹ ਇਸ ਮੁੱਦੇ ਦਾ ਨੈਤਿਕ ਰੂਪ ਨਾਲ ਸਮਰਥਨ ਕਰ ਰਹੇ ਹਨ। ਖੇਤਰ ਦੇ ਨਿਕਾਸੀ ਸਮਸੂਰ ਨਾਹਰ ਬੀਬੀ ਨੇ ਕਿਹਾ ਕਿ ਪੋਸਟਰ 'ਤੇ ਜੋ ਲਿਖਿਆ ਹੈ ਉਹ ਸਹੀ ਹੈ। ਉਹ ਜਦੋਂ ਤੋਂ ਚੋਣਾਂ 'ਚ ਗਈ ਸੀ ਉਦੋਂ ਤੋਂ ਅਸੀਂ ਉਨ੍ਹਾਂ ਨੂੰ ਪਿੰਡ 'ਚ ਨਹੀਂ ਦੇਖਿਆ ਹੈ'। 

ਪੋਸਟਰ ਦੇ ਬਾਰੇ 'ਚ ਪੰਚਾਇਤ ਪ੍ਰਧਾਨ ਨੇ ਕਿਹਾ ਕਿ ਪਾਰਟੀ ਦੇ ਕਾਰਜਕਰਤਾ ਆਮ ਲੋਕ ਹੁੰਦੇ ਹਨ। ਉਹ ਹੀ ਸੰਸਦ ਮੁਖੀਆਂ, ਵਿਧਾਇਕਾਂ ਦੀ ਚੋਣ ਕਰਦੇ ਹਨ। ਨੁਸਰਤ ਜਹਾਂ ਇਲਾਕੇ 'ਚ ਦਿਖਾਈ ਨਹੀਂ ਦਿੰਦਾ ਤਾਂ ਅਜਿਹੇ 'ਚ ਲੋਕਾਂ 'ਚ ਨਾਰਾਜ਼ਗੀ ਹੋ ਸਕਦੀ ਹੈ। ਉਹ ਕਿਸੇ ਵੀ ਪ੍ਰੋਗਰਾਮ 'ਚ ਮੌਜੂਦ ਨਹੀਂ ਰਹਿੰਦੀ। 

ਦੱਸ ਦੇਈਏ ਕਿ ਬੰਗਾਲੀ ਅਦਾਕਾਰਾ ਨੁਸਰਤ ਜਹਾਂ ਬਸ਼ੀਰਹਾਟ ਤੋਂ ਟੀ.ਐੱਮ.ਸੀ. ਦੀ ਸੰਸਦ ਹੈ। ਪਿਛਲੇ ਸਾਲ ਤੋਂ ਉਹ ਪਹਿਲੇ ਪਤੀ ਨਿਖਿਲ ਜੈਨ ਨਾਲ ਆਪਣੇ ਵਿਆਹ ਨੂੰ ਨਾਜਾਇਜ਼ ਕਰਾਰ ਦੇਣ ਅਤੇ ਫਿਰ ਬੱਚੇ ਨੂੰ ਜਨਮ ਦੇਣ ਦੀਆਂ ਖ਼ਬਰਾਂ ਨੂੰ ਲੈ ਕੇ ਚਰਚਾ 'ਚ ਰਹੀ। ਹਾਲਾਂਕਿ ਅਦਾਕਾਰਾ ਨੇ ਕਦੇ ਇਨ੍ਹਾਂ ਗੱਲਾਂ ਦੀ ਕੋਈ ਪਰਵਾਹ ਨਹੀਂ ਕੀਤੀ। ਉਹ ਆਪਣੇ ਕਰੀਬੀ ਦੋਸਤ ਯਸ਼ਦਾਸ ਗੁਪਤਾ ਅਤੇ ਪੁੱਤਰ ਦੇ ਨਾਲ ਹਮੇਸ਼ਾ ਪੋਸਟਾਂ ਸਾਂਝੀਆਂ ਕਰਦੀ ਰਹਿੰਦੀ ਹੈ।