ਯਕੀਨ ਮੰਨੋ ਮਹਿਲਾ ਦੇ ਭੇਸ ’ਚ ਇਹ ਨਵਾਜ਼ੂਦੀਨ ਸਿੱਦੀਕੀ ਹੈ

ਮੁੰਬਈ (ਬਿਊਰੋ)– ਨਿਰਦੇਸ਼ਕ ਅਕਸ਼ਤ ਅਜੇ ਸ਼ਰਮਾ ਦੀ ਆਉਣ ਵਾਲੀ ਫ਼ਿਲਮ ‘ਹੱਡੀ’ ਦਰਸ਼ਕਾਂ ਵਿਚਾਲੇ ਉਤਸ਼ਾਹ ਦਾ ਪੱਧਰ ਵਧਾ ਰਹੀ ਹੈ। ਮੇਕਰਜ਼ ਨੇ ਜ਼ਬਰਦਸਤ ਤਰੀਕੇ ਨਾਲ ਇਸ ਫ਼ਿਲਮ ਦਾ ਐਲਾਨ ਕਰਦਿਆਂ ਇਸ ਦਾ ਮੋਸ਼ਨ ਪੋਸਟਰ ਸਾਂਝਾ ਕੀਤਾ ਹੈ। ਫ਼ਿਲਮ ’ਚ ਨਵਾਜ਼ੂਦੀਨ ਸਿੱਦੀਕੀ ਦੇ ਫਰਸਟ ਲੁੱਕ ਨੂੰ ਦੇਖ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।

ਫ਼ਿਲਮ ਤੋਂ ਸਾਹਮਣੇ ਆਇਆ ਨਵਾਜ਼ੂਦੀਨ ਸਿੱਦੀਕੀ ਦਾ ਫਰਸਟ ਲੁੱਕ ਦਰਸ਼ਕਾਂ ਨੂੰ ਕਾਫੀ ਪ੍ਰਭਾਵਿਤ ਕਰ ਰਿਹਾ ਹੈ। ਫਰਸਟ ਲੁੱਕ ’ਚ ਨਵਾਜ਼ੂਦੀਨ ਇਕ ਮਹਿਲਾ ਦੇ ਰੂਪ ’ਚ ਨਜ਼ਰ ਆ ਰਹੇ ਹਨ। ਫਰਸਟ ਲੁੱਕ ’ਚ ਉਨ੍ਹਾਂ ਨੂੰ ਪਛਾਣਨਾ ਨਾਮੁਮਕਿਨ ਲੱਗ ਰਿਹਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਦਵਿੰਦਰ ਬੰਬੀਹਾ ਗਰੁੱਪ ਦੀ ਮਨਕੀਰਤ ਔਲਖ ਨੂੰ ਧਮਕੀ, ਲਿਖਿਆ- ‘ਤੂੰ ਦੋਸ਼ੀ ਹੈ ਸਾਡੀ...’

ਫਰਸਟ ਲੁੱਕ ਮੋਸ਼ਨ ਪੋਸਟਰ ’ਚ ਨਵਾਜ਼ੂਦੀਨ ਸਿੱਦੀਕੀ ਬਿਲਕੁਲ ਅਲੱਗ ਅੰਦਾਜ਼ ’ਚ ਦਿਖਾਈ ਦੇ ਰਹੇ ਹਨ। ਨਵਾਜ਼ੂਦੀਨ ਨੇ ਸਿਲਵਰ ਕਲਰ ਦੀ ਬਾਡੀਕੌਨ ਡਰੈੱਸ ਪਹਿਨੀ ਹੈ। ਖੁੱਲ੍ਹੇ ਵਾਲਾਂ ਤੇ ਮੇਕਅੱਪ ਨਾਲ ਉਹ ਮਹਾਰਾਜਾ ਸੀਟ ’ਤੇ ਬੈਠੇ ਨਜ਼ਰ ਆ ਰਹੇ ਹਨ। ‘ਹੱਡੀ’ ਜ਼ੀ ਸਟੂਡੀਓਜ਼, ਆਨੰਦਿਤਾ ਸਟੂਡੀਓਜ਼ ਵਲੋਂ ਨਿਰਮਿਤ ਤੇ ਅਕਸ਼ਤ ਅਜੇ ਸ਼ਰਮਾ ਵਲੋਂ ਨਿਰਦੇਸ਼ਿਤ ਇਕ ਰਿਵੈਂਜ ਡਰਾਮਾ ਫ਼ਿਲਮ ਹੈ।

ਜ਼ੀ ਸਟੂਡੀਓਜ਼ ਵਲੋਂ ਇੰਸਟਾਗ੍ਰਾਮ ’ਤੇ ਇਸ ਦਾ ਮੋਸ਼ਨ ਪੋਸਟਰ ਰਿਲੀਜ਼ ਕਰਦਿਆਂ ਕੈਪਸ਼ਨ ’ਚ ਲਿਖਿਆ ਗਿਆ, ‘‘ਅਪਰਾਧ ਇੰਨਾ ਚੰਗਾ ਪਹਿਲਾਂ ਕਦੇ ਨਹੀਂ ਦੇਖਿਆ। ‘ਹੱਡੀ’, ਇਕ ਰਿਵੈਂਜ ਡਰਾਮਾ ਹੈ, ਜਿਸ ’ਚ ਨਵਾਜ਼ੂਦੀਨ ਸਿੱਦੀਕੀ ਨੇ ਪਹਿਲਾਂ ਕਦੇ ਨਾ ਦੇਖੇ ਗਏ ਅੰਦਾਜ਼ ’ਚ ਅਭਿਨੈ ਕੀਤਾ ਹੈ। ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ, 2023 ’ਚ ਰਿਲੀਜ਼।’’

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।