ਜਨਾਨੀਆਂ ''ਤੇ ਮੁਕੇਸ਼ ਖੰਨਾ ਦਾ ਵਿਵਾਦਿਤ ਬਿਆਨ, ਲੋਕਾਂ ਨੇ ਕਿਹਾ ''ਆਪਣੀ ਸੋਚ ਅਤੇ ਮਾਨਸਿਕਤਾ ਨੂੰ ਦੋਸ਼ੀ ਠਹਿਰਾਓ...''

ਮੁੰਬਈ (ਬਿਊਰੋ) : ਅਦਾਕਾਰ ਮੁਕੇਸ਼ ਖੰਨਾ ਨੂੰ ਆਪਣੇ ਇਕ ਬਿਆਨ ਲਈ ਬੁਰੀ ਤਰ੍ਹਾਂ ਟਰੋਲ ਕੀਤਾ ਜਾ ਰਿਹਾ ਹੈ। ਉਸ ਨੇ ਇਕ ਇੰਟਰਵਿਉ ਵਿਚ ਕਿਹਾ ਕਿ ਮੀਟੂ ਵਰਗੇ ਮੁੱਦਿਆਂ ਨੂੰ ਉਭਾਰਨ ਲਈ ਸਿਰਫ਼ ਜਨਾਨੀਆਂ ਹੀ ਜ਼ਿੰਮੇਵਾਰ ਹਨ। ਉਸ ਦੇ ਅਨੁਸਾਰ, ਮੁਸੀਬਤ ਉਦੋਂ ਸ਼ੁਰੂ ਹੋਈ ਜਦੋਂ ਜਨਾਨੀਆਂ ਨੇ ਮਰਦਾਂ ਨਾਲ ਮੇਲ ਕਰਨ ਦਾ ਫ਼ੈਸਲਾ ਕੀਤਾ ਅਤੇ ਮੋਢੇ ਨਾਲ ਮੋਢਾ ਮਿਲਾ ਕੇ ਚੱਲਣਾ ਸ਼ੁਰੂ ਕੀਤਾ। ਟਵਿੱਟਰ 'ਤੇ ਹੁਣ ਲੋਕ ਮੁਕੇਸ਼ ਖੰਨਾ 'ਤੇ ਨਾਰਾਜ਼ ਹੋ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਮੁਕੇਸ਼ ਖੰਨਾ ਸਹੀ ਹਨ, ਅਸੀਂ ਮਰਦਾਂ ਦੇ ਬਰਾਬਰ ਨਹੀਂ ਹਾਂ, ਅਸੀਂ ਉਨ੍ਹਾਂ ਤੋਂ ਬਹੁਤ ਉੱਪਰ ਹਾਂ! ਇਸ ਲਈ ਤੁਸੀਂ ਅਸੁਰੱਖਿਅਤ ਹੋ ਕਿਉਂਕਿ ਜਨਾਨੀਆਂ ਨੇ ਕੰਮ ਕਰਨਾ ਸ਼ੁਰੂ ਕੀਤਾ। ਸ਼ਰਮ ਕਰੋ ਜੋ ਬਲਾਤਕਾਰ ਦਾ ਸਮਰਥਨ ਕਰਦੇ ਹਨ ਅਤੇ ਜਨਾਨੀਆਂ ਨੂੰ ਇਸ ਲਈ ਜ਼ਿੰਮੇਵਾਰ ਠਹਿਰਾਉਂਦੇ ਹਨ।'

Actor turned right wing rabble rouser Mukesh Khanna says women going out to work and thinking of being equal to men is cause of #metoo pic.twitter.com/1sZ37GudTy

— Hindutva Watch (@Hindutva__watch) October 30, 2020

ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਤੁਸੀਂ ਕਿਸ ਬਾਰੇ ਗੱਲ ਕਰ ਰਹੇ ਹੋ। ਅੱਜ ਦੇ ਸਮਾਜ ਵਿਚ ਲਗਭਗ ਹਰ ਆਦਮੀ ਵਿਆਹ ਤੋਂ ਪਹਿਲਾਂ ਲੜਕੀ ਦੀ ਤਨਖਾਹ ਅਤੇ ਆਮਦਨੀ ਬਾਰੇ ਪੁੱਛਦਾ ਹੈ। ਆਪਣੀ ਸੋਚ ਅਤੇ ਮਾਨਸਿਕਤਾ ਨੂੰ ਦੋਸ਼ੀ ਠਹਿਰਾਓ, ਜਨਾਨੀਆਂ ਦੀ ਨਹੀਂ।' ਉਥੇ ਹੀ ਦੂਜੇ ਯੂਜ਼ਰ ਨੇ ਲਿਖਿਆ, 'ਮੁਕੇਸ਼ ਖੰਨਾ ਤੁਸੀਂ ਸ਼ਕਤੀਮਾਨ ਅਤੇ ਭੀਸ਼ਮ ਸਨ। ਤੁਸੀਂ ਜੋ ਕਰ ਰਹੇ ਸੀ ਉਹ ਚੰਗਾ ਸੀ। ਮੈਨੂੰ ਕੋਈ ਖ਼ਿਆਲ ਵੀ ਨਹੀਂ ਸੀ ਕਿ ਤੁਸੀਂ ਅਜਿਹਾ ਸੋਚਦੇ ਹੋ। ਤੁਹਾਨੂੰ ਹਮੇਸ਼ਾਂ ਯਾਦ ਰੱਖਣਾ ਚਾਹੀਦਾ ਹੈ ਕਿ ਤੁਸੀਂ ਇਕ ਔਰਤ ਕਰਕੇ ਹੋ।'

#MukeshKhanna you were Shaktimaan and Bheeshma...you are good at what you do...had no idea that this is what you think. You should always remember that you are here because of a woman.

— Abhilaasha Sharma (@AbhilaashaShar1) October 31, 2020

'ਸ਼ੌਰਿਆ' ਨਾਮ ਦੇ ਇਕ ਯੂਜ਼ਰ ਨੇ ਲਿਖਿਆ, 'ਅਸੀਂ ਬਚਪਨ ਵਿਚ ਮੁਕੇਸ਼ ਖੰਨਾ ਤੋਂ ਪ੍ਰਭਾਵਿਤ ਹੁੰਦੇ ਸੀ। ਹੁਣ 90 ਦੇ ਦਹਾਕੇ ਵਿਚ ਲਗਭਗ ਹਰ ਬੱਚਾ ਇਸ 'ਤੇ ਪਛਤਾਵਾ ਕਰੇਗਾ। ਕਿੰਨੀ ਸ਼ਰਮ ਵਾਲੀ ਗੱਲ ਹੈ।' ਰੁਚੀ ਨੇ ਲਿਖਿਆ, 'ਸ਼ਰਮ ਕਰੋ ਮੁਕੇਸ਼ ਖੰਨਾ, ਤੁਸੀਂ ਆਪਣੀ ਸਾਰੀ ਇੱਜ਼ਤ ਗੁਆ ਦਿੱਤੀ ਹੈ।'

Well said ! #MukeshKhanna that we are not equal to men , we're much above them! That's why you're totally insecure about yourself as women started working. Shame on people like you who support rapes and blame women for it.

— Aanchal Sharma (@Aanchal__01) October 31, 2020

ਦੱਸ ਦੇਈਏ ਮੁਕੇਸ਼ ਖੰਨਾ ਅਕਸਰ ਸੋਸ਼ਲ ਮੀਡੀਆ 'ਤੇ ਆਪਣੇ ਅਜਿਹੇ ਬਿਆਨ ਸਾਹਮਣੇ ਰੱਖਦੇ ਰਹਿੰਦੇ ਹਨ, ਜਿਨ੍ਹਾਂ ਕਰਕੇ ਕਈ ਵਾਰ ਉਨ੍ਹਾਂ ਨੂੰ ਲੋਕਾਂ ਵੱਲੋ ਟ੍ਰੋਲ ਹੋਣਾ ਪੈਂਦਾ ਹੈ। ਅਜਿਹਾ ਹੀ ਇਕ ਵਾਰ ਫਿਰ ਹੋਇਆ ਜਿਸ ਤੇ ਉਨ੍ਹਾਂ ਨੇ ਆਪਣੇ ਵਿਚਾਰ ਰੱਖੇ ਅਤੇ ਉਹ ਲੋਕਾਂ ਦੇ ਗੁੱਸੇ ਦਾ ਸ਼ਿਕਾਰ ਹੋ ਗਏ।