ਬੁਆਏਫਰੈਂਡ ਨਾਲ ਜਲਦ ਵਿਆਹ ਕਰਵਾਏਗੀ ਮੌਨੀ ਰਾਏ, ਪਰਿਵਾਰ ਨੇ ਕੀਤੀਆਂ ਤਿਆਰੀਆਂ ਸ਼ੁਰੂ !

ਮੁੰਬਈ (ਬਿਊਰੋ)– ਟੀ. ਵੀ. ਅਦਾਕਾਰਾ ਮੌਨੀ ਰਾਏ ਬੀਤੇ ਕੁਝ ਸਮੇਂ ਤੋਂ ਨਿੱਜੀ ਜ਼ਿੰਦਗੀ ਕਾਰਨ ਸੁਰਖ਼ੀਆਂ ’ਚ ਹੈ। ਕੁਝ ਸਮਾਂ ਪਹਿਲਾਂ ਹੀ ਖ਼ਬਰ ਆਈ ਸੀ ਕਿ ਮੌਨੀ ਰਾਏ ਆਪਣੇ ਦੁਬਈ ਮੂਲ ਦੇ ਬੁਆਏਫਰੈਂਡ ਸੂਰਜ ਨਾਂਬੀਆਰ ਨਾਲ ਵਿਆਹ ਕਰਵਾਉਣ ਦੀ ਤਿਆਰੀ ਕਰ ਰਹੀ ਹੈ। ਸਮੇਂ-ਸਮੇਂ ’ਤੇ ਮੌਨੀ ਰਾਏ ਆਪਣੇ ਬੁਆਏਫਰੈਂਡ ਸੂਰਜ ਨੂੰ ਮਿਲਣ ਪਹੁੰਚ ਜਾਂਦੀ ਹੈ। ਸੂਰਜ ਦੁਬਈ ਦੇ ਇਕ ਬੈਂਕਰ ਹਨ, ਜਿਸ ਨੂੰ ਮੌਨੀ ਡੇਟ ਕਰ ਰਹੀ ਹੈ।

ਮੌਨੀ ਰਾਏ ਨੂੰ ਵਾਰ-ਵਾਰ ਦੁਬਈ ਦੇ ਚੱਕਰ ਲਗਾਉਂਦੇ ਦੇਖ ਕੇ ਪ੍ਰਸ਼ੰਸਕਾਂ ਨੇ ਵੀ ਉਸ ਨੂੰ ਸਵਾਲ ਪੁੱਛਣੇ ਸ਼ੁਰੂ ਕਰ ਦਿੱਤੇ ਸਨ। ਇਸ ਵਿਚਾਲੇ ਮੌਨੀ ਰਾਏ ਨਾਲ ਜੁੜੀ ਇਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੂੰ ਸੁਣ ਕੇ ਉਸ ਦੇ ਪ੍ਰਸ਼ੰਸਕ ਖੁਸ਼ ਹੋ ਜਾਣਗੇ। ਖ਼ਬਰਾਂ ਦੀ ਮੰਨੀਏ ਤਾਂ ਮੌਨੀ ਰਾਏ ਦੀ ਮਾਂ ਨੇ ਕੁਝ ਸਮਾਂ ਪਹਿਲਾਂ ਹੀ ਸੂਰਜ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ ਹੈ।

ਟਾਈਮਜ਼ ਆਫ ਇੰਡੀਆ ਦੀ ਰਿਪੋਰਟ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਮੌਨੀ ਰਾਏ ਦੀ ਮਾਂ ਕੁਝ ਸਮਾਂ ਪਹਿਲਾਂ ਹੀ ਮੰਦਿਰਾ ਬੇਦੀ ਦੇ ਘਰ ਪਹੁੰਚੀ ਸੀ। ਮੰਦਿਰਾ ਬੇਦੀ ਦੇ ਘਰ ’ਤੇ ਹੀ ਮੌਨੀ ਰਾਏ ਦੀ ਮਾਂ ਨੇ ਸੂਰਜ ਦੇ ਮਾਤਾ-ਪਿਤਾ ਨਾਲ ਮੁਲਾਕਾਤ ਕੀਤੀ ਸੀ। ਰਿਪੋਰਟ ਦੀ ਮੰਨੀਏ ਤਾਂ ਮੌਨੀ ਰਾਏ ਦੀ ਮਾਂ ਤੇ ਸੂਰਜ ਦੇ ਮਾਤਾ-ਪਿਤਾ ਵਿਚਾਲੇ ਲੰਮੀ ਗੱਲਬਾਤ ਚੱਲੀ ਹੈ। ਇਨ੍ਹਾਂ ਲੋਕਾਂ ਦੀ ਗੱਲਬਾਤ ਵੀ ਚੰਗੀ ਰਹੀ ਹੈ।

ਇਸ ਮੁਲਾਕਾਤ ’ਚ ਮੌਨੀ ਦੇ ਭਰਾ ਨੇ ਵੀ ਸ਼ਿਰਕਤ ਕੀਤੀ ਸੀ। ਇਸ ਮੁਲਾਕਾਤ ਤੋਂ ਬਾਅਦ ਮੌਨੀ ਰਾਏ ਦੇ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਕੀਤੀਆਂ ਜਾ ਚੁੱਕੀਆਂ ਹਨ। ਛੇਤੀ ਹੀ ਮੌਨੀ ਰਾਏ ਤੇ ਸੂਰਜ ਨਾਂਬੀਆਰ ਦੇ ਵਿਆਹ ਦੇ ਕਾਰਡ ਛੱਪ ਜਾਣਗੇ। ਦਾਅਵਾ ਤਾਂ ਇਹ ਵੀ ਕੀਤਾ ਜਾ ਰਿਹਾ ਹੈ ਕਿ ਮੌਨੀ ਰਾਏ ਨੇ ਕੁਝ ਸਮਾਂ ਪਹਿਲਾਂ ਹੀ ਸੂਰਜ ਨਾਂਬੀਆਰ ਦੇ ਮਾਤਾ-ਪਿਤਾ ਨਾਲ ਆਪਣੀ ਇਕ ਤਸਵੀਰ ਵੀ ਸਾਂਝੀ ਕੀਤੀ ਸੀ।

ਤਸਵੀਰ ਸਾਂਝੀ ਕਰਦਿਆਂ ਮੌਨੀ ਨੇ ਸੂਰਜ ਨਾਂਬੀਆਰ ਦੇ ਮਾਤਾ-ਪਿਤਾ ਨੂੰ ਮੌਮ-ਡੈਡ ਦੱਸਿਆ ਸੀ। ਇਸ ਤੋਂ ਪਹਿਲਾਂ ਮੌਨੀ ਰਾਏ ਨੇ ਆਪਣੀ ਮਾਂ ਤੇ ਭਰਾ ਨਾਲ ਵੀ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ। ਇਨ੍ਹਾਂ ਤਸਵੀਰਾਂ ’ਚ ਮੌਨੀ ਰਾਏ ਆਪਣੀ ਮਾਂ ਨਾਲ ਸਮਾਂ ਬਤੀਤ ਕਰਦੀ ਨਜ਼ਰ ਆਈ ਸੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।