21 ਸਾਲ ਦੀ ਉਮਰ ''ਚ ਮੌਨੀ ਰਾਏ ਨਾਲ ਹੋਈ ਹੈਰਾਨੀਜਨਕ ਹਰਕਤ, ਸ਼ਖਸ ਨੇ ਚਿਹਰਾ ਫੜ...''

ਮਨੋਰੰਜਨ ਡੈਸਕ- ਬਾਲੀਵੁੱਡ ਦੀ ਚਮਕ-ਦਮਕ ਦੇ ਪਿੱਛੇ ਲੁਕੇ ਕਾਲੇ ਸੱਚ ਬਾਰੇ ਸਮੇਂ-ਸਮੇਂ 'ਤੇ ਕਈ ਕਲਾਕਾਰ ਗੱਲ ਕਰਦੇ ਰਹੇ ਹਨ। ਹਾਲ ਹੀ ਵਿੱਚ ਪ੍ਰਮੁੱਖ ਅਦਾਕਾਰਾ ਮੌਨੀ ਰਾਏ ਨੇ ਫਿਲਮ ਇੰਡਸਟਰੀ ਵਿੱਚ ਆਪਣੇ ਸ਼ੁਰੂਆਤੀ ਦਿਨਾਂ ਦੀ ਇੱਕ ਪਰੇਸ਼ਾਨ ਕਰਨ ਵਾਲੀ ਘਟਨਾ ਦਾ ਖੁਲਾਸਾ ਕੀਤਾ ਹੈ। ਮੌਨੀ ਰਾਏ ਨੇ 'ਸਪਾਈਸ ਇਟ ਅਪ' 'ਤੇ ਅਪੂਰਵ ਮੁਖੀਜਾ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਭਾਵੇਂ ਉਨ੍ਹਾਂ ਨੂੰ ਕਦੇ ਕਾਸਟਿੰਗ ਕਾਉਚ ਦਾ ਸਾਹਮਣਾ ਨਹੀਂ ਕਰਨਾ ਪਿਆ, ਪਰ 21 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੂੰ ਇੱਕ ਹੈਰਾਨ ਕਰਨ ਵਾਲਾ ਅਤੇ ਬਦਤਮੀਜ਼ੀ ਭਰਿਆ ਅਨੁਭਵ ਹੋਇਆ ਸੀ।
ਦਫਤਰ ਵਿੱਚ ਵਾਪਰਿਆ ਸੀ ਹਾਦਸਾ
ਮੌਨੀ ਨੇ ਘਟਨਾ ਬਾਰੇ ਦੱਸਿਆ ਕਿ ਜਦੋਂ ਉਹ 21 ਸਾਲਾਂ ਦੀ ਸੀ, ਤਾਂ ਉਹ ਕਿਸੇ ਵਿਅਕਤੀ ਦੇ ਦਫ਼ਤਰ ਗਈ ਸੀ। ਦਫ਼ਤਰ ਦੇ ਅੰਦਰ ਕੁਝ ਲੋਕ ਮੌਜੂਦ ਸਨ ਅਤੇ ਇੱਕ ਕਹਾਣੀ ਸੁਣਾਈ ਜਾ ਰਹੀ ਸੀ। ਇਸ ਕਹਾਣੀ ਵਿੱਚ ਅਚਾਨਕ ਇੱਕ ਦ੍ਰਿਸ਼ ਆਉਂਦਾ ਹੈ ਕਿ ਇੱਕ ਲੜਕੀ ਸਵਿਮਿੰਗ ਪੂਲ ਵਿੱਚ ਡਿੱਗ ਕੇ ਬੇਹੋਸ਼ ਹੋ ਜਾਂਦੀ ਹੈ।
ਅਦਾਕਾਰਾ ਨੇ ਦੱਸਿਆ ਕਿ ਉਸੇ ਕਹਾਣੀ ਦੌਰਾਨ, ਉੱਥੇ ਮੌਜੂਦ ਇੱਕ ਆਦਮੀ ਨੇ ਅਚਾਨਕ ਉਨ੍ਹਾਂ ਦਾ ਚਿਹਰਾ ਫੜ ਲਿਆ ਅਤੇ ਉਨ੍ਹਾਂ ਨੂੰ ਦੱਸਿਆ ਕਿ ਮੂੰਹ ਰਾਹੀਂ ਸਾਹ ਕਿਵੇਂ ਦੇਣਾ ਹੈ।
ਡਰ ਗਈ ਸੀ ਮੌਨੀ
ਮੌਨੀ ਰਾਏ ਨੇ ਦੱਸਿਆ ਕਿ ਉਸ ਸਮੇਂ ਉਨ੍ਹਾਂ ਨੂੰ ਸਮਝ ਨਹੀਂ ਆਇਆ ਕਿ ਉਨ੍ਹਾਂ ਨਾਲ ਕੀ ਹੋਇਆ। ਉਨ੍ਹਾਂ ਨੇ ਕਿਹਾ, "ਮੈਂ ਉੱਥੋਂ ਭੱਜ ਗਈ। ਇਸ ਵਾਕਿਏ ਨੇ ਮੈਨੂੰ ਡਰਾ ਦਿੱਤਾ"।
ਮੌਨੀ ਦਾ ਕਰੀਅਰ
ਕਰੀਅਰ ਦੀ ਗੱਲ ਕਰੀਏ ਤਾਂ ਮੌਨੀ ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਪ੍ਰਸਿੱਧ ਸ਼ੋਅ 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ' ਨਾਲ ਕੀਤੀ ਸੀ। ਉਨ੍ਹਾਂ ਨੇ 2018 ਵਿੱਚ ਅਕਸ਼ੇ ਕੁਮਾਰ ਨਾਲ ਫਿਲਮ 'ਗੋਲਡ' ਰਾਹੀਂ ਬਾਲੀਵੁੱਡ ਵਿੱਚ ਸ਼ੁਰੂਆਤ ਕੀਤੀ ਅਤੇ ਬਾਅਦ ਵਿੱਚ 'ਰੋਮੀਓ ਅਕਬਰ ਵਾਲਟਰ' ਅਤੇ 'ਮੇਡ ਇਨ ਚਾਈਨਾ' ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ। ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ 'ਬ੍ਰਹਮਾਸਤਰ: ਪਾਰਟ ਵਨ - ਸ਼ਿਵਾ' ਵਿੱਚ ਸ਼ਾਨਦਾਰ ਅਦਾਕਾਰੀ ਲਈ ਪ੍ਰਸ਼ੰਸਾ ਮਿਲੀ।