'ਖ਼ਤਰੋਂ ਕੇ ਖਿਲਾੜੀ 14' ਨੂੰ ਮਿਲਿਆ Winner ! Grand Finale ਦੇ ਸੈੱਟ ਤੋਂ ਲੀਕ ਹੋਈ ਟਰਾਫੀ- ਨਵੀਂ ਕਾਰ ਦੀ ਤਸਵੀਰ

ਮੁੰਬਈ- ਸਟੰਟ ਆਧਾਰਿਤ ਰਿਐਲਿਟੀ ਸ਼ੋਅ ' Khatron Ke Khiladi 14' ਦੋ ਮਹੀਨਿਆਂ ਤੱਕ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਤੋਂ ਬਾਅਦ ਖ਼ਤਮ ਹੋਣ ਵਾਲਾ ਹੈ। 27 ਜੁਲਾਈ ਤੋਂ ਸ਼ੁਰੂ ਹੋਏ ਇਸ ਸ਼ੋਅ 'ਚ ਕੁੱਲ 12 ਪ੍ਰਤੀਯੋਗੀ ਆਏ ਸਨ ਪਰ ਹੁਣ ਸਿਰਫ 8 ਪ੍ਰਤੀਯੋਗੀ ਹੀ ਰਹਿ ਗਏ ਹਨ, ਜਿਨ੍ਹਾਂ 'ਚੋਂ ਇਕ ਜੇਤੂ ਬਣ ਗਿਆ ਹੈ। ਹਾਲ ਹੀ 'ਚ 'ਖ਼ਤਰੋਂ ਕੇ ਖਿਲਾੜੀ 14' ਦਾ ਗ੍ਰੈਂਡ ਫਿਨਾਲੇ ਹੋਇਆ।ਰੋਹਿਤ ਸ਼ੈੱਟੀ ਦੇ ਸਟੰਟ ਸ਼ੋਅ 'ਖ਼ਤਰੋਂ ਕੇ ਖਿਲਾੜੀ 14' ਦੀ ਸ਼ੂਟਿੰਗ ਦੱਖਣੀ ਅਫਰੀਕਾ ਦੇ ਕੇਪ ਟਾਊਨ ਦੀ ਬਜਾਏ ਰੋਮਾਨੀਆ 'ਚ ਹੋਈ। ਲਗਪਗ ਇਕ ਮਹੀਨਾ ਸ਼ੂਟ ਪੂਰਾ ਹੋਣ ਤੋਂ ਬਾਅਦ ਵੀ, ਖਿਡਾਰੀ ਭਾਰਤ ਪਰਤ ਆਏ ਹਨ ਅਤੇ ਸ਼ੋਅ ਟੀਵੀ 'ਤੇ ਆਨ-ਏਅਰ ਹੋ ਗਿਆ ਹੈ।

ਸੈਮੀਫਾਈਨਲ ਰੋਮਾਨੀਆ ਵਿੱਚ ਸ਼ੂਟ ਕੀਤਾ ਗਿਆ ਸੀ ਪਰ ਗ੍ਰੈਂਡ ਫਿਨਾਲੇ, ਆਮ ਵਾਂਗ, ਮੁੰਬਈ ਵਿੱਚ ਆਯੋਜਿਤ ਕੀਤਾ ਗਿਆ ਸੀ।ਲੰਬੇ ਸਮੇਂ ਤੋਂ ਇਹ ਚਰਚਾ ਸੀ ਕਿ 'ਖ਼ਤਰੋਂ ਕੇ ਖਿਲਾੜੀ 14' ਦਾ ਗ੍ਰੈਂਡ ਫਿਨਾਲੇ ਮੁੰਬਈ 'ਚ ਸ਼ੂਟ ਕੀਤਾ ਜਾਵੇਗਾ, ਜਿਸ 'ਚ ਜਿਗਰਾ ਦੀ ਕਾਸਟ ਵੀ ਸ਼ਾਮਲ ਹੋਵੇਗੀ। ਇੰਨਾ ਹੀ ਨਹੀਂ ਕਿਹਾ ਜਾ ਰਿਹਾ ਸੀ ਕਿ ਆਲੀਆ ਭੱਟ ਜੇਤੂ ਦਾ ਐਲਾਨ ਵੀ ਕਰੇਗੀ। ਹੁਣ ਗ੍ਰੈਂਡ ਫਿਨਾਲੇ ਦੇ ਸੈੱਟ ਦੀਆਂ ਤਸਵੀਰਾਂ ਵੀ ਲੀਕ ਹੋ ਗਈਆਂ ਹਨ। ਆਲੀਆ ਨੂੰ KKK 14 ਦੇ ਚੋਟੀ ਦੇ ਪ੍ਰਤੀਯੋਗੀਆਂ ਨਾਲ ਦੇਖਿਆ ਗਿਆ ਸੀ।ਫਿਲਹਾਲ 'ਖਤਰੋਂ ਕੇ ਖਿਲਾੜੀ 14' 'ਚ ਕੁੱਲ 8 ਖਿਡਾਰੀ ਰਹਿ ਗਏ ਹਨ। ਪਿਛਲੇ ਹਫਤੇ ਟਿਕਟ ਟੂ ਫਿਨਾਲੇ ਵੀਕ ਦਾ ਆਯੋਜਨ ਕੀਤਾ ਗਿਆ ਸੀ, ਜਿਸ 'ਚ ਕਰਨਵੀਰ ਮਹਿਰਾ ਨੇ ਸਾਰੇ ਖਿਡਾਰੀਆਂ ਨੂੰ ਹਰਾ ਕੇ ਟਿਕਟ ਟੂ ਫਿਨਾਲੇ ਜਿੱਤ ਕੇ ਸਿੱਧੇ ਫਿਨਾਲੇ ਵੀਕ ਵਿੱਚ ਪ੍ਰਵੇਸ਼ ਕੀਤਾ। ਇਸ ਤਰ੍ਹਾਂ ਕਰਨਵੀਰ ਆਉਣ ਵਾਲੇ ਐਪੀਸੋਡ 'ਚ ਕਿਸੇ ਵੀ ਸਟੰਟ 'ਚ ਹਿੱਸਾ ਨਹੀਂ ਲੈਣਗੇ।

ਇਹ ਖ਼ਬਰ ਵੀ ਪੜ੍ਹੋ -ਮਸ਼ਹੂਰ ਗਾਇਕਾ ਨਾਲ ਲਾਈਵ ਸ਼ੋਅ 'ਚ ਸ਼ਖਸ ਨੇ ਕੀਤੀ ਗੰਦੀ ਹਰਕਤ, ਦੇਖੋ ਵੀਡੀਓ

ਚਮਕਦੀ ਕਾਰ ਨਾਲ ਟਰਾਫ਼ੀ ਦੀ ਤਸਵੀਰ ਵਾਇਰਲ

ਇਸ ਤੋਂ ਇਲਾਵਾ ਸੈੱਟ ਤੋਂ ਕਰਨਵੀਰ ਮਹਿਰਾ ਨਾਲ ਆਲੀਆ ਭੱਟ ਦੀ ਇਕ ਤਸਵੀਰ ਵੀ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਹੈ। ਇੰਨਾ ਹੀ ਨਹੀਂ ਗ੍ਰੈਂਡ ਫਿਨਾਲੇ ਦੀ ਇਕ ਹੋਰ ਫੋਟੋ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇਨਾਮੀ ਰਾਸ਼ੀ ਨੂੰ ਕਾਰ ਦੇ ਨਾਲ ਦੇਖਿਆ ਜਾ ਸਕਦਾ ਹੈ। ਤਸਵੀਰ 'ਚ ਦੇਖਿਆ ਜਾ ਸਕਦਾ ਹੈ ਕਿ 'ਖ਼ਤਰੋਂ ਕੇ ਖਿਲਾੜੀ' ਦੀ ਟੀਮ ਮੇਜ਼ 'ਤੇ ਬੈਠੀ ਹੈ ਅਤੇ ਸਾਹਮਣੇ ਕੁਰਸੀ 'ਤੇ ਟਰਾਫੀ ਰੱਖੀ ਹੋਈ ਹੈ ਅਤੇ ਉਸ ਦੇ ਸਾਹਮਣੇ ਇਕ ਚਮਕਦੀ ਕਾਲੀ ਕਾਰ ਖੜ੍ਹੀ ਹੈ।

'ਖ਼ਤਰੋਂ ਕੇ ਖਿਲਾੜੀ 14' ਦਾ ਜੇਤੂ ਕੌਣ

'ਖ਼ਤਰੋਂ ਕੇ ਖਿਲਾੜੀ 14' ਦੇ ਗ੍ਰੈਂਡ ਫਿਨਾਲੇ ਸ਼ੂਟ ਦੀਆਂ ਤਸਵੀਰਾਂ ਨੂੰ ਦੇਖ ਕੇ ਸਾਫ ਹੈ ਕਿ ਸ਼ੋਅ ਨੂੰ ਆਪਣਾ ਵਿਨਰ ਤਾਂ ਮਿਲ ਗਿਆ ਹੈ ਪਰ ਉਹ ਕੌਣ ਹੈ, ਇਹ ਤਾਂ 29 ਸਤੰਬਰ ਨੂੰ ਪਤਾ ਲੱਗੇਗਾ। ਖ਼ੈਰ, ਅਗਲੇ ਹਫ਼ਤੇ ਸ਼ੋਅ ਦਾ ਸੈਮੀਫਾਈਨਲ ਹੈ ਅਤੇ ਕਰਨਵੀਰ ਮਹਿਰਾ ਅਤੇ ਸ਼ਾਲਿਨ ਭਨੋਟ ਫਾਈਨਲਿਸਟ ਬਣ ਗਏ ਹਨ। ਵਰਤਮਾਨ ਵਿੱਚ ਸ਼ੋਅ ਵਿੱਚ ਨਿਮਰਤ ਕੌਰ ਆਹਲੂਵਾਲੀਆ, ਗਸ਼ਮੀਰ ਮਹਾਜਨੀ, ਕ੍ਰਿਸ਼ਨਾ ਸ਼ਰਾਫ, ਅਭਿਸ਼ੇਕ ਕੁਮਾਰ, ਨਿਆਤੀ ਫਤਨਾਨੀ ਅਤੇ ਸੁਮੋਨਾ ਚੱਕਰਵਰਤੀ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।