ਸ਼ੋਅ ‘ਲੌਕਅਪ-2’ ’ਚ ਹੋਵੇਗੀ ਨੇਹਲ ਚੁਡਾਸਮਾ ਦੀ ਐਂਟਰੀ

ਮੁੰਬਈ- ਰਿਐਲਿਟੀ ਸ਼ੋਅ ‘ਲੌਕਅੱਪ ਸੀਜ਼ਨ 2’ ਵਿਚ ਮਾਡਲ ਤੇ ਸਾਬਕਾ ‘ਬਿੱਗ ਬੌਸ 19’ ਦੀ ਕੰਟੈਸਟੈਂਟ ਨੇਹਲ ਚੁਡਾਸਮਾ ਦੀ ਐਂਟਰੀ ਹੋ ਚੁੱਕੀ ਹੈ। ਸੋਸ਼ਲ ਮੀਡੀਆ ’ਤੇ ਕਿਆਸਰਾਈਆਂ ਤੇ ਉਨ੍ਹਾਂ ਦੀ ਖ਼ੁਦ ਦੀ ਪੋਸਟ ਤੋਂ ਬਾਅਦ ਉਹ ਸ਼ੋਅ ਵਿਚ ਇਕ ਵਿਜ਼ਿਟਰ ਦੇ ਰੂਪ ’ਚ ਜੇਲ੍ਹ ਅੰਦਰ ਦਾਖ਼ਲ ਹੋਈ ਹੈ।

ਨੇਹਲ ਨੇ ਆਪਣੇ ਲੇਟੈਸਟ ਫੋਟੋਸ਼ੂਟ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨਾਲ ਦਿੱਤਾ ਗਿਆ ਉਸ ਦਾ ਕੈਪਸ਼ਨ ਹੁਣ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਨੇਹਲ ਨੇ ਲਿਖਿਆ, ‘‘ਆਰ ਯੂ ਰੈਡੀ ਫ਼ਾਰ ਇਟ?’’ ਤੇ ਪੋਸਟ ਦੇ ਅਖ਼ੀਰ ’ਚ ‘‘ਲੌਕਅੱਪ ਹੇਅਰ ਆਈ ਕਮ’’ ਲਿਖ ਕੇ ਆਪਣੀ ਐਂਟਰੀ ਦਾ ਇਸ਼ਾਰਾ ਦਿੱਤਾ।

ਨੇਹਲ ਸ਼ੋਅ ਅੰਦਰ ਕੰਟੈਸਟੈਂਟ ਅਕਾਂਕਸ਼ਾ ਚਮੋਲਾ ਨੂੰ ਸਪੋਰਟ ਕਰਨ ਤੇ ਉਸ ਦਾ ਮਾਰਗਦਰਸ਼ਨ ਕਰਨ ਪੁੱਜੀ ਸੀ। ਨੇਹਲ ਦੇ ਨਾਲ-ਨਾਲ ਵਿਕਾਸ ਗੁਪਤਾ ਨੇ ਵੀ ਵਿਜ਼ਿਟਰ ਦੇ ਤੌਰ ’ਤੇ ਐਂਟਰੀ ਲਈ ਹੈ, ਜੋ ਸ਼ਿਲਪਾ ਸ਼ਿੰਦੇ ਦਾ ਗੇਮ ਸੁਧਾਰਨ ਤੇ ਉਸ ਨੂੰ ਸਪੋਰਟ ਕਰਨ ਪੁੱਜੇ ਸਨ। ਨੈੱਟਫਲਿਕਸ ’ਤੇ ਚੱਲ ਰਹੇ ਇਸ ‘ਲੌਕਅੱਪ 2’ ਸ਼ੋਅ ਨੂੰ ਰਿਤੇਸ਼ ਦੇਸ਼ਮੁਖ ਤੇ ਫ਼ਰਾਹ ਖ਼ਾਨ ਹੋਸਟ ਕਰ ਰਹੇ ਹਨ।