ਸੂਟਾਂ ’ਚ ਬੇਹੱਦ ਖ਼ੂਬਸੂਰਤ ਲੱਗਦੀ ਹੈ ਕੈਟਰੀਨਾ ਕੈਫ, ਵਿਆਹ ਤੋਂ ਬਾਅਦ ਵੀ ਸੂਟਾਂ ਨੂੰ ਦਿੰਦੀ ਹੈ ਤਰਜੀਹ
12/20/2021 5:18:03 PM
ਮੁੰਬਈ (ਬਿਊਰੋ)– ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ ਹੁਣ ਵਿਆਹ ਤੋਂ ਬਾਅਦ ਆਪਣਾ ਨਵਾਂ ਘਰ ਬਣਾ ਰਹੇ ਹਨ। ਵਿੱਕੀ ਕੌਸ਼ਲ ਤੇ ਉਸ ਦੇ ਸਹੁਰੇ ਮੁਤਾਬਕ ਕੈਟਰੀਨਾ ਕੈਫ ਪੂਰੀ ਤਰ੍ਹਾਂ ਭਾਰਤੀ ਸੱਭਿਆਚਾਰ ’ਚ ਰੰਗੀ ਹੋਈ ਹੈ।
ਵਿਆਹ ਤੋਂ ਬਾਅਦ ਜਦੋਂ ਕੈਟਰੀਨਾ ਕੈਫ ਆਪਣੇ ਹਨੀਮੂਨ ਤੋਂ ਬਾਅਦ ਪਹਿਲੀ ਵਾਰ ਮੁੰਬਈ ਵਾਪਸ ਆਈ ਤਾਂ ਉਸ ਨੇ ਸੂਟ, ਹੱਥਾਂ ’ਚ ਚੂੜੀਆਂ ਤੇ ਮਾਂਗ ’ਚ ਸਿੰਦੂਰ ਲਗਾ ਕੇ ਆਪਣੇ ਪੋਸਟ-ਵੈਡਿੰਗ ਲੁੱਕ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ।
ਕੈਟਰੀਨਾ ਕੈਫ ਨੂੰ ਹਮੇਸ਼ਾ ਹੀ ਭਾਰਤੀ ਰਵਾਇਤੀ ਦਿੱਖ ਤੇ ਪਹਿਰਾਵੇ ਪਸੰਦ ਹਨ। ਵਿਆਹ ਤੋਂ ਪਹਿਲਾਂ ਵੀ ਕੈਟਰੀਨਾ ਕੈਫ ਨੂੰ ਅਕਸਰ ਖ਼ੂਬਸੂਰਤ ਸੂਟ ’ਚ ਦੇਖਿਆ ਜਾਂਦਾ ਸੀ।
ਕੈਟਰੀਨਾ ਕੈਫ ਦੇ ਇਨ੍ਹਾਂ ਪ੍ਰੀ-ਵੈਡਿੰਗ ਲੁੱਕਸ ਨੂੰ ਦੇਖ ਕੇ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਉਹ ਵਿਆਹ ਤੋਂ ਬਾਅਦ ਆਪਣੇ ਸਹੁਰੇ ਘਰ ਵੀ ਬਰਾਬਰ ਦੀ ਖ਼ੂਬਸੂਰਤੀ ਨਾਲ ਰਹਿੰਦੀ ਹੋਵੇਗੀ।
ਕੈਟਰੀਨਾ ਕੈਫ ਦਾ ਇਹ ਲੁੱਕ ਉਸ ਦਿਨ ਦਾ ਹੈ, ਜਦੋਂ ਉਹ ਆਪਣੇ ਵਿਆਹ ਲਈ ਮੁੰਬਈ ਤੋਂ ਜੈਪੁਰ ਜਾ ਰਹੀ ਸੀ। ਇਸ ਪੀਲੇ ਸੂਟ ’ਚ ਸਭ ਦੀ ਨਜ਼ਰ ਕੈਟਰੀਨਾ ਕੈਫ ਦੀ ਖ਼ੂਬਸੂਰਤੀ ’ਤੇ ਸੀ।
ਇਸ ਦੇ ਨਾਲ ਹੀ ਕੈਟਰੀਨਾ ਕੈਫ ਸੂਟ ’ਚ ਪਹਿਲਾਂ ਵੀ ਸਾਰੇ ਈਵੈਂਟਸ ਤੇ ਸਟਾਰ ਪਾਰਟੀਆਂ ’ਚ ਨਜ਼ਰ ਆ ਚੁੱਕੀ ਹੈ।
ਨੋਟ- ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
