ਕਰਨ ਔਜਲਾ ਨੇ ਡਿਵਾਈਨ ਨਾਲ ਐਲਾਨੀ ਆਪਣੀ ਨਵੀਂ ਐਲਬਮ ‘ਸਟ੍ਰੀਟ ਡਰੀਮਜ਼’, ਅੱਜ ਰਾਤ ਨੂੰ ਹੋਵੇਗੀ ਰਿਲੀਜ਼

ਐਂਟਰਟੇਨਮੈਂਟ ਡੈਸਕ– ਪੰਜਾਬੀ ਗਾਇਕ ਕਰਨ ਔਜਲਾ ਨੂੰ ਹਾਲ ਹੀ ’ਚ ਮੁੰਬਈ ਏਅਰਪੋਰਟ ’ਤੇ ਦੇਖਿਆ ਗਿਆ। ਇਸ ਦੌਰਾਨ ਕਿਆਸ ਲਗਾਈ ਗਈ ਕਿ ਕਰਨ ਮੁੰਬਈ ’ਚ ਆਪਣੇ ਕਿਸੇ ਸ਼ੋਅ ਦੇ ਸਿਲਸਿਲੇ ’ਚ ਆਏ ਹਨ ਪਰ ਹੁਣ ਕਰਨ ਔਜਲਾ ਦੇ ਮੁੰਬਈ ਪਹੁੰਚਣ ਦੀ ਵਜ੍ਹਾ ਸਾਹਮਣੇ ਆ ਗਈ ਹੈ, ਜੋ ਉਸ ਦੀ ਨਵੀਂ ਐਲਬਮ ਨਾਲ ਜੁੜੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਬਾਲੀਵੁੱਡ ਦੇ ਗ੍ਰੀਕ ਗੌਡ ਰਿਤਿਕ ਰੋਸ਼ਨ ਨੂੰ ਲੱਗੀ ਸੱਟ, ਤਸਵੀਰਾਂ ਵੇਖ ਫਿਕਰਾਂ 'ਚ ਪਏ ਫੈਨਜ਼

ਕਰਨ ਔਜਲਾ ਨੇ ਕੁਝ ਮਿੰਟ ਪਹਿਲਾਂ ਹੀ ਆਪਣੀ ਨਵੀਂ ਐਲਬਮ ਦਾ ਐਲਾਨ ਕਰ ਦਿੱਤਾ ਹੈ, ਜੋ ਮਸ਼ਹੂਰ ਰੈਪਰ ਡਿਵਾਈਨ ਨਾਲ ਕੋਲੈਬ ਕਰਕੇ ਬਣਾਈ ਗਈ ਹੈ। ਇਸ ਐਲਬਮ ਦਾ ਨਾਂ ‘ਸਟ੍ਰੀਟ ਡਰੀਮਜ਼’ ਹੈ।

ਹਾਲ ਹੀ ’ਚ ਰਿਲੀਜ਼ ਹੋਇਆ ਕਰਨ ਔਜਲਾ ਤੇ ਡਿਵਾਈਨ ਦਾ ਗੀਤ ‘100 ਮਿਲੀਅਨ’ ਵੀ ਇਸੇ ਐਲਬਮ ਦਾ ਹਿੱਸਾ ਹੈ। ਇਸ ਐਲਬਮ ’ਚ ਕੁਲ 7 ਗੀਤ ਹਨ। ਇਕ ਗੀਤ ‘100 ਮਿਲੀਅਨ’ ਰਿਲੀਜ਼ ਹੋ ਚੁੱਕਾ ਹੈ, ਜਦਕਿ ਬਾਕੀ ਸਾਰੇ ਗੀਤ ਅੱਜ ਰਾਤ ਨੂੰ ਰਿਲੀਜ਼ ਹੋ ਜਾਣਗੇ।

ਐਲਬਮ ’ਚ ‘100 ਮਿਲੀਅਨ’ ਤੋਂ ਇਲਾਵਾ ‘ਨਥਿੰਗ ਲਾਸਟਸ’, ‘ਟਾਪ ਕਲਾਸ/ਓਵਰਸੀਜ਼’, ‘ਸਟ੍ਰੇਟ ਬੈਲਿਨ’, ‘ਯਾਦ’, ‘ਤਾਰੀਫ਼ਾਂ’ ਤੇ ‘ਹਿਸਾਬ’ ਵਰਗੇ ਗੀਤ ਸ਼ਾਮਲ ਹਨ।

ਇਸ ਐਲਬਮ ਨੂੰ ਡਿਵਾਈਨ, ਕਰਨ ਔਜਲਾ, ਰਿਹਾਨ ਰਿਕਾਰਡਸ ਤੇ ਗਲੀ ਗੈਂਗ ਵਲੋਂ ਸਾਂਝੇ ਤੌਰ ’ਤੇ ਪ੍ਰੋਡਿਊਸ ਕੀਤਾ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਤੁਸੀਂ ਕਰਨ ਔਜਲਾ ਤੇ ਡਿਵਾਈਨ ਦੀ ਐਲਬਮ ‘ਸਟ੍ਰੀਟ ਡਰੀਮਜ਼’ ਨੂੰ ਲੈ ਕੇ ਕਿੰਨੇ ਉਤਸ਼ਾਹਿਤ ਹੋ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।