ਕਮਲ ਹਾਸਨ ਨੂੰ ਮਿਲ ਕੇ ਪੂਰਾ ਹੋਇਆ ਕਪਿਲ ਸ਼ਰਮਾ ਦਾ ਸੁਫ਼ਨਾ, ਕਮੇਡੀਅਨ ਨੇ ਕਹੀ ਇਹ ਗੱਲ
05/07/2022 1:39:47 PM
ਮੁੰਬਈ- ਕਪਿਲ ਸ਼ਰਮਾ ਨੇ ਆਪਣੀ ਕਾਮੇਡੀ ਨਾਲ ਲੋਕਾਂ ਦੇ ਦਿਲਾਂ 'ਚ ਖਾਸ ਜਗ੍ਹਾ ਬਣਾਈ ਹੈ। 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਹਮੇਸ਼ਾ ਸਿਤਾਰੇ ਆਪਣੀ ਫਿਲਮ ਦੀ ਪ੍ਰਮੋਸ਼ਨ ਲਈ ਆਉਂਦੇ ਰਹਿੰਦੇ ਹਨ। ਇਸ ਵਾਰ ਸ਼ੋਅ ਦੇ ਸੈੱਟ 'ਤੇ ਅਦਾਕਾਰ ਕਮਲ ਹਾਸਨ ਮਹਿਮਾਨ ਬਣ ਕੇ ਪਹੁੰਚੇ। ਕਮਲ ਹਾਸਨ ਨਾਲ ਮਿਲ ਕੇ ਕਪਿਲ ਦਾ ਸੁਫ਼ਨਾ ਪੂਰਾ ਹੋ ਗਿਆ ਹੈ। ਕਪਿਲ ਨੇ ਸ਼ੋਅ ਦੇ ਸੈੱਟ ਤੋਂ ਕੁਝ ਤਸਵੀਰਾਂ ਸਾਂਝੀਆਂ ਕਰ ਇਸ ਗੱਲ ਦਾ ਖੁਲਾਸਾ ਕੀਤਾ। ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਖੂਬ ਪਸੰਦ ਕਰ ਰਹੇ ਹਨ।
ਤਸਵੀਰਾਂ 'ਚ ਕਪਿਲ ਵ੍ਹਾਈਟ ਟੀ-ਸ਼ਰਟ ਅਤੇ ਬਲਿਊ ਜੈਕੇਟ 'ਚ ਨਜ਼ਰ ਆ ਰਹੇ ਹਨ। ਕਪਿਲ ਦੇ ਨਾਲ ਅਰਚਨਾ ਪੂਰਨ ਸਿੰਘ, ਕ੍ਰਿਸ਼ਨਾ ਅਭਿਸ਼ੇਕ, ਕੀਕੂ ਸ਼ਾਰਦਾ ਅਤੇ ਕਮਲ ਹਾਸਨ ਵੀ ਨਜ਼ਰ ਆ ਰਹੇ ਹਨ। ਉਧਰ ਕਮਲ ਹਾਸਨ ਨੇ ਗ੍ਰੇਅ ਸ਼ਰਟ, ਗ੍ਰੇਅ ਕੋਟ ਅਤੇ ਡੇਨਿਮ 'ਚ ਦਿਖਾਈ ਦੇ ਰਹੇ ਹਨ। ਅਰਚਨਾ ਗ੍ਰੀਨ ਸ਼ਰਾਰਾ ਸੂਟ 'ਚ ਗਾਰਜ਼ੀਅਸ ਲੱਗ ਰਹੀ ਹੈ।
ਕ੍ਰਿਸ਼ਨਾ ਮਹਿਲਾ ਦੇ ਕਿਰਦਾਰ 'ਚ ਨਜ਼ਰ ਆ ਰਹੇ ਹਨ ਅਤੇ ਕੀਕੂ ਸ਼ਾਰਟ ਬਲੈਕ ਕੋਟ ਅਤੇ ਵ੍ਹਾਈਟ ਪੈਂਟ 'ਚ ਦਿਖਾਈ ਦੇ ਰਹੇ ਹਨ। ਸਾਰੇ ਇਕੱਠੇ ਸੈਲਫੀ ਲੈ ਰਹੇ ਹਨ ਅਤੇ ਕਾਫੀ ਖੁਸ਼ ਲੱਗ ਰਹੇ ਹਨ। ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਕਪਿਲ ਨੇ ਲਿਖਿਆ-'ਜਦੋਂ ਤੁਹਾਡਾ ਸੁਫ਼ਨਾ ਪੂਰਾ ਹੋ ਜਾਵੇ। ਸਾਡੀ ਫਿਲਮ ਇੰਡਸਟਰੀ ਦੇ ਲੈਜੇਂਡ ਮਿਸਟਰ ਕਮਲ ਹਾਸਨ ਦੇ ਨਾਲ ਬਹੁਤ ਹੀ ਵਧੀਆ ਸਮਾਂ ਬਿਤਾਇਆ। ਕਮਾਲ ਦੇ ਅਦਾਕਾਰ ਹਨ ਅਤੇ ਮਹਾਨ ਇਨਸਾਨ ਵੀ। ਸਾਡੇ ਸ਼ੋਅ 'ਚ ਚਾਰ ਚੰਨ ਲਗਾਉਣ ਲਈ ਕਮਲ ਹਾਸਨ ਸਰ ਤੁਹਾਡਾ ਬਹੁਤ ਸ਼ੁੱਕਰੀਆ'।
ਕਪਿਲ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਚ ਵੀ ਕਮਲ ਹਾਸਨ ਦੇ ਨਾਲ ਇਕ ਹੋਰ ਤਸਵੀਰ ਸਾਂਝੀ ਕੀਤੀ, ਜਿਸ 'ਚ ਦੋਵੇਂ ਕੈਮਰੇ ਦੇ ਲਈ ਪੋਜ਼ ਦੇ ਰਹੇ ਹਨ। ਕਪਿਲ ਨੇ ਅਦਾਕਾਰ ਨੂੰ ਟੈਗ ਕਰਦੇ ਹੋਏ 'ਏ ਜ਼ਿੰਦਗੀ ਗਲੇ ਲਗਾ ਲੇ' ਗਾਣਾ ਲਗਾਇਆ ਹੋਇਆ ਹੈ। ਇਹ ਗਾਣਾ ਸਾਲ 1983 'ਚ ਆਈ ਫਿਲਮ 'ਸਦਮਾ' ਦਾ ਹੈ, ਜਿਸ 'ਚ ਕਮਲ ਹਾਸਨ ਸਵ. ਅਦਾਕਾਰਾ ਸ਼੍ਰੀਦੇਵੀ ਦੇ ਨਾਲ ਨਜ਼ਰ ਆਏ ਸਨ। ਫਿਲਮ ਨੂੰ ਲੋਕਾਂ ਵਲੋਂ ਖੂਬ ਪਸੰਦ ਕੀਤਾ ਗਿਆ ਸੀ। ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਖੂਬ ਪਸੰਦ ਕਰ ਰਹੇ ਹਨ।
ਦੱਸ ਦੇਈਏ ਕਿ ਕਮਲ ਹਾਸਨ ਦੀ ਆਉਣ ਵਾਲੀ ਫਿਲਮ 'ਵਿਕਰਮ' ਆ ਰਹੀ ਹੈ। ਇਹ ਫਿਲਮ 3 ਜੂਨ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਕਮਲ ਫਿਲਮਜ਼ ਇੰਟਰਨੈਸ਼ਨਲ ਦੇ ਰਾਹੀਂ ਕਮਲ ਹਾਸਨ ਨੇ ਵੀ ਪ੍ਰੋਡਿਊਸ ਕੀਤਾ ਸੀ। ਇਸ ਨੂੰ ਲੋਕੇਸ਼ ਕਨਗਰਾਜ਼ ਨੇ ਡਾਇਕੈਟ ਕੀਤਾ ਹੈ। ਕਮਲ ਹਾਸਨ ਤੋਂ ਇਲਾਵਾ ਇਸ ਫਿਲਮ 'ਚ ਵਿਜੇ ਸੇਤੁਪਤੀ ਅਤੇ ਫਹਾਦ ਫਾਸਿਲ ਵੀ ਨਜ਼ਰ ਆਉਣਗੇ।
