‘ਤੁਸੀਂ ਜਿਸ ਸਕੂਲ ’ਚ ਪੜ੍ਹਦੇ ਹੋ, ਮੈਂ ਉਥੇ ਦੀ ਪ੍ਰਿੰਸੀਪਲ ਹਾਂ’, ਜਾਣੋ ਕੰਗਨਾ ਰਣੌਤ ਨੇ ਕਿਉਂ ਆਖੀ ਇਹ ਗੱਲ

02/23/2021 5:06:28 PM

ਮੁੰਬਈ: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਬੇਬਾਕ ਅੰਦਾਜ਼ ਨੂੰ ਲੈ ਕੇ ਕਾਫ਼ੀ ਚਰਚਾ ’ਚ ਰਹਿੰਦੀ ਹੈ। ‘ਪੰਗਾ ਗਰਲ’ ਆਏ ਦਿਨ ਕੁਝ ਨਾ ਕੁਝ ਅਜਿਹਾ ਕਰਦੀ ਰਹਿੰਦੀ ਹੈ ਕਿ ਉਹ ਚਰਚਾ ਦਾ ਵਿਸ਼ਾ ਬਣ ਜਾਂਦਾ ਹੈ। ਹਾਲਾਂਕਿ ਕੰਗਨਾ ਨੂੰ ਆਪਣੇ ਬੋਲਡ ਅਤੇ ਬੇਬਾਕ ਅੰਦਾਜ਼ ਦੀ ਵਜ੍ਹਾ ਨਾਲ ਕਈ ਵਾਰ ਟਰੋਲਰਸ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਪਰ ਕੰਗਨਾ ਇਨ੍ਹਾਂ ਸਭ ਗੱਲਾਂ ’ਤੇ ਧਿਆਨ ਨਹੀਂ ਦਿੰਦੀ। ਹਾਲ ਹੀ ’ਚ ਕੰਗਨਾ ਨੇ ਆਪਣੇ ਪੁਰਾਣੇ ਵੀਡੀਓ ਰਾਹੀਂ ਬਾਲੀਵੁੱਡ ਗੈਂਗ ’ਤੇ ਨਿਸ਼ਾਨਾ ਵਿੰਨ੍ਹਿਆ ਹੈ। 

PunjabKesari
ਖ਼ਾਸ ਗੱਲ ਇਹ ਹੈ ਕਿ ਇਹ ਬੀ-ਟਾਊਨ ’ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਕੰਗਨਾ ਨੇ ਖ਼ੁਦ ਨੂੰ ਪ੍ਰਿੰਸੀਪਲ ਦੱਸਿਆ ਹੈ। ਦਰਅਸਲ ਕੰਗਨਾ ਦਾ ਇਹ ਵੀਡੀਓ ਆਮਿਰ ਖ਼ਾਨ ਦੇ ਚੈਟ ਸ਼ੋਅ ‘ਸੱਤਿਅਮੇਵ ਜਯਤੇ’ ਦਾ ਹੈ। ਇਸ ਸ਼ੋਅ ’ਚ ਕੰਗਨਾ ਤੋਂ ਇਲਾਵਾ ਅਦਾਕਾਰਾ ਦੀਪਿਕਾ ਪਾਦੁਕੋਣ ਅਤੇ ਪਰਿਣੀਤੀ ਚੋਪੜਾ ਵੀ ਨਜ਼ਰ ਆ ਰਹੀ ਹੈ। ਵੀਡੀਓ ’ਚ ਬਾਲੀਵੁੱਡ ’ਚ ਔਰਤਾਂ ਨੂੰ ਦਰਸਾਉਣ ਦੇ ਤਰੀਕੇ ’ਤੇ ਆਪਣੀ ਰਾਏ ਰੱਖਦੀ ਨਜ਼ਰ ਆ ਰਹੀ ਹੈ। ਕੰਗਨਾ ਕਹਿੰਦੀ ਹੈ ਕਿ-ਸਿਨੇਮਾ ਸਮਾਜ ਦਾ ਸ਼ੀਸ਼ਾ ਹੁੰਦਾ ਹੈ ਜਿਸ ਤਰ੍ਹਾਂ ਨਾਲ ਫ਼ਿਲਮਾਂ ’ਚ ਔਰਤਾਂ ਦੇ ਚਰਿੱਤਰ ਨੂੰ ਦਿਖਾਇਆ ਜਾਂਦਾ ਹੈ ਉਹ ਬੇਹੱਦ ਗ਼ਲਤ ਹੈ। ਔਰਤਾਂ ਨੂੰ ਕਦੇ ਤੰਦੂਰੀ ਚਿਕਨ ਤਾਂ ਕਦੇ ਕੋਈ ਅਦਾਕਾਰ ਉਨ੍ਹਾਂ ਦੇ ਦੁਪੱਟੇ ਨੂੰ ਮੂੰਹ ’ਚ ਦਬਾਉਂਦੇ ਦਿਖਾਈ ਦਿੰਦਾ ਹੈ। ਜ਼ਿਆਦਾਤਰ ਫ਼ਿਲਮਾਂ ’ਚ ਮੇਲ ਅਦਾਕਾਰ ਫੀਮੇਲ ਅਦਾਕਾਰਾ ਨੂੰ ਟੀਜ਼ ਕਰਦਾ ਹੈ, ਜੋ ਬੇਹੱਦ ਸ਼ਰਮਨਾਕ ਹੈ। ਇਸ ਦੇ ਨਾਲ ਹੀ ਕੰਗਨਾ ਨੇ ਸ਼ੈਕਸਪੀਅਰ ਦਾ ਉਦਾਹਰਣ ਵੀ ਦਿੱਤੀ।

Watch this, it is many years ago in my early twenties teaching feminism to Bullywood, listen you all upcoming libru feminists, तुम जिस स्कूल में पढ़ते हो हम वहाँ के प्रिन्सिपल रह चुके हैं ! https://t.co/ZwpPRXwggP

— Kangana Ranaut (@KanganaTeam) February 19, 2021

ਕੰਗਨਾ ਦੇ ਇਸ ਬਿਆਨ ਤੋਂ ਬਾਅਦ ਆਮਿਰ ਨੇ ਦੀਪਿਕਾ ਨਾਲ ਵੀ ਇਸ ’ਤੇ ਗੱਲ ਕੀਤੀ ਹੈ। ਦੀਪਿਕਾ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਉਸ ਨੇ ਅਜੇ ਇਸ ਮੁੱਦੇ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਪਰ ਹੁਣ ਅੱਗੇ ਉਹ ਇਸ ਗੱਲ ਦਾ ਜ਼ਰੂਰ ਖਿਆਲ ਰੱਖਣਗੇ। ਕੰਗਨਾ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਕੇ ਕੈਪਸ਼ਨ ’ਚ ਲਿਖਿਆ ਕਿ ਇਸ ਨੂੰ ਵੇਖੋ, ਬਹੁਤ ਸਾਲ ਪਹਿਲਾਂ ਮੇਰੇ ਸ਼ੁਰੂਆਤੀ 20 ਵਿਆਂ ਵਿੱਚ ਬਾਲੀਵੁੱਡ ਨੂੰ ਨਾਰੀਵਾਦ ਦੀ ਸਿੱਖਿਆ ਦੇ ਰਹੇ ਸੀ, ਸੁਣੋ ਤੁਸੀਂ ਆਉਣ ਵਾਲੇ ਸਾਰੇ ਨਾਰੀਵਾਦੀਓ।

PunjabKesari
ਫ਼ਿਲਮਾਂ ’ਚ ਕੰਮ ਦੀ ਗੱਲ ਕਰੀਏ ਤਾਂ ਕੰਗਨਾ ਰਣੌਤ ਨੇ ਹਾਲ ਹੀ ’ਚ ‘ਧਾਕੜ’ ਦੀ ਸ਼ੂਟਿੰਗ ਖ਼ਤਮ ਕੀਤੀ ਹੈ। ਇਸ ਫ਼ਿਲਮ ’ਚ ਉਹ ਇਕ ਜਾਸੂਸ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਕੰਗਨਾ ‘ਤੇਜਸ’ ਅਤੇ ‘ਥਲਾਇਵੀ’ ’ਚ ਨਜ਼ਰ ਆਵੇਗੀ।

ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।


Aarti dhillon

Content Editor

Related News