ਕੰਗਨਾ ਰਣੌਤ ਨੇ ਫ਼ਿਲਮ ''ਕਾਂਤਰਾ'' ਦੀ ਤਾਰੀਫ਼ ''ਚ ਪੜ੍ਹੇ ਕਸੀਦੇ, ਕਿਹਾ- ਇਹ ਹੈ ਅਸਲੀ ਸਿਨੇਮਾ...

ਮੁੰਬਈ (ਬਿਊਰੋ) : ਦੱਖਣ ਸਿਨੇਮਾ ਦੇ ਦਿੱਗਜ ਕਲਾਕਾਰ ਅਤੇ ਨਿਰਦੇਸ਼ਕ ਰਿਸ਼ਭ ਸ਼ੈੱਟੀ ਨੇ ਫ਼ਿਲਮ 'ਕਾਂਤਾਰਾ' ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਫ਼ਿਲਮ 'ਕਾਂਤਰਾ' ਇਨ੍ਹੀਂ ਦਿਨੀਂ ਹਰ ਪਾਸੇ ਛਾਈ ਹੋਈ ਹੈ। ਸਾਊਥ ਸਿਨੇਮਾ ਤੋਂ ਲੈ ਕੇ ਬਾਲੀਵੁੱਡ ਤੱਕ ਸਾਰੇ ਫ਼ਿਲਮੀ ਕਲਾਕਾਰ ਰਿਸ਼ਭ ਦੀ 'ਕਾਂਤਾਰਾ' ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ ਹਨ। ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੇ ਵੀ ਫ਼ਿਲਮ 'ਕਾਂਤਾਰਾ' ਦੀ ਤਾਰੀਫ਼ ਕਰਦੇ ਹੋਏ ਸੋਸ਼ਲ ਮੀਡੀਆ 'ਤੇ ਇੱਕ ਖ਼ਾਸ ਵੀਡੀਓ ਪੋਸਟ ਕੀਤੀ ਹੈ।

ਦੱਸ ਦਈਏ ਕਿ  ਵੀਰਵਾਰ ਨੂੰ ਕੰਗਨਾ ਰਣੌਤ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ 'ਚ ਉਹ ਕਾਰ 'ਚ ਬੈਠੀ 'ਕਾਂਤਾਰਾ' ਦੀ ਤਾਰੀਫ਼ 'ਚ ਕਸੀਦੇ ਪੜ੍ਹਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ 'ਚ ਕੰਗਨਾ ਰਣੌਤ ਕਹਿੰਦੀ ਹੈ ਕਿ- 'ਅੱਜ ਮੈਂ ਆਪਣੇ ਪਰਿਵਾਰ ਨਾਲ ਇਕ ਫ਼ਿਲਮ ਦੇਖਣ ਆ ਰਹੀ ਹਾਂ, ਜਿਸ ਦਾ ਨਾਂ 'ਕਾਂਤਾਰਾ' ਹੈ। ਇਹ ਫ਼ਿਲਮ ਬਹੁਤ ਹੀ ਸ਼ਾਨਦਾਰ ਅਤੇ ਸ਼ਾਨਦਾਰ ਥ੍ਰਿਲਰ ਹੈ। ਸੁਪਰਸਟਾਰ ਰਿਸ਼ਭ ਸ਼ੈੱਟੀ, ਤੁਸੀਂ ਫ਼ਿਲਮ 'ਚ ਅਦਾਕਾਰੀ, ਨਿਰਦੇਸ਼ਨ ਅਤੇ ਲੇਖਣੀ ਤੋਂ ਲੈ ਕੇ ਹਰ ਖ਼ੇਤਰ 'ਚ ਜਾਨ ਪਾਈ ਹੈ। ਮੈਂ ਸਿਨੇਮਾ ਹਾਲ ਦੇ ਬਾਹਰ ਲੋਕਾਂ ਨੂੰ ਇਹ ਕਹਿੰਦੇ ਸੁਣਿਆ ਹੈ ਕਿ ਉਨ੍ਹਾਂ ਨੇ ਇਸ ਤਰ੍ਹਾਂ ਦੀ ਫ਼ਿਲਮ ਪਹਿਲਾਂ ਕਦੇ ਨਹੀਂ ਦੇਖੀ ਹੈ। ਮੇਰੇ ਹਿਸਾਬ ਨਾਲ ਇਸ ਨੂੰ ਅਸਲੀ ਸਿਨੇਮਾ ਕਿਹਾ ਜਾਣਾ ਚਾਹੀਦਾ ਹੈ। ਮੈਨੂੰ 'ਕਾਂਤਾਰਾ' ਦੇਖਣ ਦਾ ਬਹੁਤ ਮਜ਼ਾ ਆਇਆ ਹੈ। ਆਉਣ ਵਾਲੇ ਹਫ਼ਤਿਆਂ ਤੱਕ ਇਸ ਫ਼ਿਲਮ ਦਾ ਉਤਸ਼ਾਹ ਮੇਰੇ ਸਿਰ ਤੋਂ ਨਹੀਂ ਉਤਰੇਗਾ। ਇਸ ਤਰ੍ਹਾਂ ਕੰਗਨਾ ਰਣੌਤ ਨੇ ਰਿਸ਼ਭ ਦੀ 'ਕਾਂਤਾਰਾ' ਲਈ ਆਪਣੀ ਰਾਏ ਜ਼ਾਹਰ ਕੀਤੀ ਹੈ।''

Kangana Ranaut is all praise for #Kantara after watching the film in theaters.#KanganaRanaut #KantaraMovie pic.twitter.com/Qya9Ghizb3

— Kangana Ranaut Daily (@KanganaDaily) October 20, 2022

ਦੱਸਣਯੋਗ ਹੈ ਕਿ ਕੰਗਨਾ ਰਣੌਤ ਤੋਂ ਪਹਿਲਾਂ ਸਾਊਥ ਸਿਨੇਮਾ ਦੇ ਦੋ ਵੱਡੇ ਸੁਪਰਸਟਾਰ 'ਕਾਂਤਾਰਾ' ਦੀ ਤਾਰੀਫ਼ ਕਰ ਚੁੱਕੇ ਹਨ। ਇਸ ਮਾਮਲੇ 'ਚ ਬਾਹੂਬਲੀ ਸਟਾਰਰ ਪ੍ਰਭਾਸ ਅਤੇ ਅਦਾਕਾਰਾ ਅਨੁਸ਼ਕਾ ਸ਼ੈੱਟੀ ਦਾ ਨਾਂ ਸ਼ਾਮਲ ਹੈ। ਇਨ੍ਹਾਂ ਦੋਵਾਂ ਕਲਾਕਾਰਾਂ ਨੇ ਰਿਸ਼ਭ ਸ਼ੈੱਟੀ ਦੀ 'ਕਾਂਤਾਰਾ' ਨੂੰ ਸ਼ਾਨਦਾਰ ਦੱਸਿਆ ਹੈ। ਹੁਣ ਤੱਕ 'ਕਾਂਤਾਰਾ' ਦੁਨੀਆ ਭਰ 'ਚ 170 ਕਰੋੜ ਤੋਂ ਵੱਧ ਦੀ ਕਮਾਈ ਕਰ ਚੁੱਕੀ ਹੈ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।