ਕੰਗਨਾ ਦੇ ਪੈਦਾ ਹੁੰਦਿਆਂ ਹੀ ਘਰਦਿਆਂ ਨੇ ਆਖੀ ਸੀ ਇਹ ਗੱਲ, ਸਾਂਝੀ ਕੀਤੀ ਪੋਸਟ
03/02/2021 11:29:58 AM
ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦਾ ਇਸ ਮਹੀਨੇ ਜਨਮਦਿਨ ਹੈ ਤੇ ਹੁਣ ਉਹ ਆਪਣੇ ਬਚਪਨ ਦੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਹੀ ਹੈ। ਕੰਗਨਾ ਨੇ ਆਪਣੇ ਬਚਪਨ ਦੀ ਇਕ ਤਸਵੀਰ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ ਹੈ। ਇਸ ਤਸਵੀਰ ’ਚ ਉਹ ਸਲਵਾਰ ਕਮੀਜ਼ ਪਹਿਨੀ ਦਿਖਾਈ ਦੇ ਰਹੀ ਹੈ।
ਇਸ ਤਸਵੀਰ ਨਾਲ ਉਸ ਨੇ ਕੈਪਸ਼ਨ ’ਚ ਲਿਖਿਆ, ‘ਮੇਰੇ ਜਨਮਦਿਨ ਦਾ ਮਹੀਨਾ, ਮੈਂ ਦਾਦੀ-ਨਾਨੀ ਦੀਆਂ ਕਹਾਣੀਆਂ ਸੁਣਦਿਆਂ ਵੱਡੀ ਹੋਈ ਕਿ ਇਕ ਭੈਣ ਤੋਂ ਬਾਅਦ ਦੂਸਰੀ ਲੜਕੀ ਦੇ ਜਨਮ ਨੇ ਸਾਰਿਆਂ ਨੂੰ ਨਿਰਾਸ਼ ਕੀਤਾ ਸੀ ਪਰ ਉਨ੍ਹਾਂ ਨੂੰ ਇਸ ਗੱਲ ਦਾ ਬੁਰਾ ਨਹੀਂ ਸੀ ਲੱਗਦਾ ਕਿਉਂਕਿ ਮੈਂ ਬਹੁਤ ਸੁੰਦਰ ਸੀ। ਅਜਿਹੀ ਸਥਿਤੀ ’ਚ ਮੇਰਾ ਵਿਆਹ ਕਰਨਾ ਕੋਈ ਵੱਡਾ ਬੋਝ ਨਹੀਂ ਹੋਵੇਗਾ।’
My birthday month,growing up grannies told stories that after a sister another girl child birth disappointed everyone but they didn’t mind much cos I was very beautiful and marrying me off won’t be a big burden,they all laughed at anecdotes but it pierced my heart every-time 1/2 pic.twitter.com/lBQPcixg1E
— Kangana Ranaut (@KanganaTeam) March 1, 2021
ਕੰਗਨਾ ਨੇ ਅੱਗੇ ਲਿਖਿਆ, ‘ਉਹ ਇਨ੍ਹਾਂ ਚੀਜ਼ਾਂ ’ਤੇ ਹੱਸਦੀਆਂ ਸਨ ਪਰ ਇਸ ਨੇ ਮੇਰੇ ਦਿਲ ਨੂੰ ਹਰ ਵਾਰ ਦੁਖੀ ਕੀਤਾ। ਬਹੁਤ ਸਾਰੇ ਅਧਿਐਨ, ਕਿਤਾਬਾਂ, ਖੋਜ ਦਰਸਾਉਂਦੀਆਂ ਹਨ ਕਿ ਇਤਿਹਾਸ ’ਚ ਮਹਾਨ ਸਫਲਤਾਵਾਂ ਪ੍ਰਾਪਤ ਕਰਨ ਵਾਲੇ ਅਸਾਧਾਰਨ ਲੋਕਾਂ ਨੂੰ ਜਾਂ ਤਾਂ ਸਮਾਜ ਜਾਂ ਪਰਿਵਾਰਾਂ ਦੁਆਰਾ ਨਕਾਰ ਦਿੱਤਾ ਗਿਆ ਸੀ ਜਾਂ ਉਨ੍ਹਾਂ ਨੂੰ ਘੱਟ ਗਿਣਿਆ ਗਿਆ ਸੀ। ਇਸ ਲਈ ਇਹ ਰੁਕਾਵਟਾਂ ਤੇ ਮੁਸ਼ਕਿਲਾਂ ਸਾਰਥਕ ਬਣ ਗਈਆਂ।’
ਦੱਸਣਯੋਗ ਹੈ ਕਿ ਤਸਵੀਰ ’ਚ ਕੰਗਨਾ ਆਪਣੀ ਭੈਣ ਰੰਗੋਲੀ ਨਾਲ ਨਜ਼ਰ ਆ ਰਹੀ ਹੈ। ਦੋਵਾਂ ਦੀ ਇਹ ਬਚਪਨ ਦੀ ਤਸਵੀਰ ਹੈ, ਜਿਸ ਨੂੰ ਉਸ ਦੇ ਪ੍ਰਸ਼ੰਸਕਾਂ ਵਲੋਂ ਵੀ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਉਂਝ ਕੰਗਨਾ ਟਵਿਟਰ ’ਤੇ ਨਿੱਤ ਦਿਨ ਕੁਝ ਨਾ ਕੁਝ ਪੋਸਟ ਕਰਕੇ ਅਕਸਰ ਸੁਰਖ਼ੀਆਂ ’ਚ ਬਣੀ ਰਹਿੰਦੀ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।