ਰਣਵੀਰ ਸਿੰਘ ਦੀ ਫ਼ਿਲਮ 'ਧੁਰੰਦਰ: ਦਿ ਰਿਵੈਂਜ' ਲਈ ਜੈਸਮੀਨ ਤੇ ਸਰਤਾਜ ਨੇ ਮਿਲਾਏ ਸੁਰ, ਭਾਵੁਕ ਹੋਈ ਗਾਇਕਾ

ਮੁੰਬਈ (ਏਜੰਸੀ) : ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਸ ਇਨੀਂ ਦਿਨੀਂ ਆਪਣੀ ਨਵੀਂ ਸਫਲਤਾ ਦਾ ਜਸ਼ਨ ਮਨਾ ਰਹੀ ਹੈ। ਉਨ੍ਹਾਂ ਨੇ ਪ੍ਰਸਿੱਧ ਸੂਫੀ ਗਾਇਕ ਅਤੇ ਅਦਾਕਾਰ ਸਤਿੰਦਰ ਸਰਤਾਜ ਦੀ ਤਾਰੀਫ ਕਰਦਿਆਂ ਉਨ੍ਹਾਂ ਨਾਲ ਕੰਮ ਕਰਨ ਦੇ ਤਜ਼ਰਬੇ ਨੂੰ ਇੱਕ ਸੁਪਨਾ ਸੱਚ ਹੋਣ ਵਾਂਗ ਦੱਸਿਆ ਹੈ। ਜੈਸਮੀਨ ਨੇ ਫਿਲਮ 'ਧੁਰੰਦਰ-ਦਿ ਰਿਵੈਂਜ' ਦੇ ਗਾਣੇ 'ਜਾਈਏ ਸੱਜਣਾ' ਵਿੱਚ ਸਰਤਾਜ ਨਾਲ ਆਪਣੇ ਸੁਰ ਸਾਂਝੇ ਕੀਤੇ ਹਨ, ਜਿਸ ਨੂੰ ਉਹ ਆਪਣੀ ਹੁਣ ਤੱਕ ਦੀ "ਸਭ ਤੋਂ ਵੱਡੀ ਜਿੱਤ" ਮੰਨ ਰਹੀ ਹੈ।

ਇਹ ਵੀ ਪੜ੍ਹੋ: ਮਨੋਰੰਜਨ ਜਗਤ ਤੋਂ ਆਈ ਮੰਦਭਾਗੀ ਖਬਰ; ਬ੍ਰੈਸਟ ਕੈਂਸਰ ਤੋਂ ਜੰਗ ਹਾਰੀ ਹਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ

ਜੈਸਮੀਨ ਨੇ ਇੰਸਟਾਗ੍ਰਾਮ 'ਤੇ ਗੀਤ ਦੀ ਲਾਂਚਿੰਗ ਦੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਲਿਖਿਆ, "ਸਤਿੰਦਰ ਸਰਤਾਜ ਜੀ ਨਾਲ ਕੰਮ ਕਰਨਾ ਇੱਕ ਸੁਪਨਾ ਸੱਚ ਹੋਣ ਵਰਗਾ ਹੈ। ਮੈਂ ਉਨ੍ਹਾਂ ਦੀ ਬਹੁਤ ਵੱਡੀ ਪ੍ਰਸ਼ੰਸਕ ਹਾਂ ਅਤੇ ਉਨ੍ਹਾਂ ਦੇ ਸੰਗੀਤ ਨੂੰ ਦਿਲੋਂ ਪਿਆਰ ਕਰਦੀ ਹਾਂ। ਮੇਰੀ ਮਾਂ ਇਸ ਸਹਿਯੋਗ ਤੋਂ ਬਹੁਤ ਖੁਸ਼ ਹੈ ਅਤੇ ਇਹੀ ਮੇਰੀ ਸਭ ਤੋਂ ਵੱਡੀ ਜਿੱਤ ਹੈ।"

ਇਹ ਵੀ ਪੜ੍ਹੋ: ਧੁਰੰਦਰ ਨੇ ਤੀਲ੍ਹਿਆਂ ਵਾਂਗ ਉਡਾ'ਤੇ ਸਾਰੇ ਰਿਕਾਰਡ ! ਸਿਰਫ਼ 4 ਦਿਨਾਂ 'ਚ ਛਾਪ'ਤਾ 750 ਕਰੋੜ

 

 

 

 

 

View this post on Instagram

 

 

 

 

 

 

 

 

 

 

 

A post shared by Gulabi Queen (@jasminesandlas)

ਸ਼ਾਸ਼ਵਤ ਸਚਦੇਵ ਅਤੇ ਆਦਿਤਿਆ ਧਰ ਦਾ ਕੀਤਾ ਧੰਨਵਾਦ

ਜੈਸਮੀਨ ਨੇ ਸੰਗੀਤ ਨਿਰਦੇਸ਼ਕ ਸ਼ਾਸ਼ਵਤ ਸਚਦੇਵ ਦੀ ਵੀ ਸ਼ਲਾਘਾ ਕੀਤੀ। ਉਸਨੇ ਦੱਸਿਆ ਕਿ ਸ਼ਾਸ਼ਵਤ ਨੇ ਉਸ ਨੂੰ ਆਪਣੀਆਂ ਸੀਮਾਵਾਂ ਤੋਂ ਅੱਗੇ ਵਧ ਕੇ ਲਿਖਣ ਲਈ ਪ੍ਰੇਰਿਤ ਕੀਤਾ। ਜੈਸਮੀਨ ਮੁਤਾਬਕ, ਸਟੂਡੀਓ ਵਿੱਚ ਬਿਤਾਈਆਂ ਕਈ ਬਿਨਾਂ ਨੀਂਦ ਵਾਲੀਆਂ ਰਾਤਾਂ ਇਸ ਗੀਤ ਦੀ ਸਫਲਤਾ ਨਾਲ ਸਫਲ ਹੋ ਗਈਆਂ ਹਨ। ਇਸ ਦੇ ਨਾਲ ਹੀ ਉਸਨੇ ਫਿਲਮ ਦੇ ਨਿਰਦੇਸ਼ਕ ਆਦਿਤਿਆ ਧਰ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਦੀ ਨੀਅਤ ਨੂੰ "ਬਰਫ ਦੇ ਟੁਕੜੇ ਵਾਂਗ ਸ਼ੁੱਧ" ਦੱਸਿਆ।

ਇਹ ਵੀ ਪੜ੍ਹੋ: ਸੁਪਰਹਿੱਟ ਪੰਜਾਬੀ ਗਾਇਕ ਦੇ ਇਸ ਗਾਣੇ 'ਤੇ ਬਣਾਈ ਰੀਲ ਤਾਂ ਹੋਵੇਗੀ ਜੇਲ੍ਹ ! ਪੁਲਸ ਨੇ ਖਿੱਚੀ ਵੱਡੀ ਕਾਰਵਾਈ ਦੀ ਤਿਆਰੀ

ਫਿਲਮ 'ਧੁਰੰਦਰ: ਦਿ ਰਿਵੈਂਜ' ਦੀ ਗੱਲ ਕਰੀਏ ਤਾਂ ਇਹ ਸਾਲ 2025 ਵਿਚ ਰਿਲੀਜ਼ ਹੋਈ ਫਿਲਮ ਧੁਰੰਦਰ ਦਾ ਸੀਕਵਲ ਹੈ। ਇਸ ਫਿਲਮ ਵਿਚ ਰਣਵੀਰ ਸਿੰਘ ਤੋਂ ਇਲਾਵਾ, ਸਾਰਾ ਅਰਜੁਨ, ਸੰਜੇ ਦੱਤ, ਆਰ. ਮਾਧਵਨ ਵਰਗੇ ਦਿੱਗਜ ਕਲਾਕਾਰ ਹਨ। ਫਿਲਮ ਦੀ ਕਹਾਣੀ ਅਸਲ ਭੂ-ਰਾਜਨੀਤਿਕ ਘਟਨਾਵਾਂ ਜਿਵੇਂ ਕਿ 'ਆਪ੍ਰੇਸ਼ਨ ਲਿਆਰੀ' ਅਤੇ ਨੋਟਬੰਦੀ ਤੋਂ ਪ੍ਰੇਰਿਤ ਦੱਸੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: ਜਦੋਂ ਨਰਿੰਦਰ ਚੰਚਲ ਨੂੰ ਮਾਤਾ ਰਾਣੀ ਨੇ ਸਿਖਾਇਆ ਸਬਕ ! ਹੰਕਾਰ ਕਾਰਨ ਰਾਤੋ-ਰਾਤ ਚਲੀ ਗਈ ਸੀ ਆਵਾਜ਼

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e